|
زوجي ورفاقه والسهر مثلث خطر
السلام عليكم ورحمة الله وبركاته اخوتي سأعرض لكم اول موضوع يخصني هنا لربما يكون موضوع مكرر للمره الالف وثلاثه وعشرون :d لكنه والله في غاية الاهميه زوجي يطيل السهر مع رفاقه حتى الصباح انا في كامل اهتمامي به وبصغيرتي وبالمنزل فضلا على ذلك اني لست كثيرة الخروج من المنزل وانما معتدله هذا النهار وهو نهار الجمعه انتظرت رجوعه حتى الرابعه فجرا ولم يأتي كنت في غاية انزعاجي غضبي حزني تارة اقرر بقفل الباب والامتناع عن فتحه مهما كان وتارة اتراجع علما بأنه يقوم بإضاعة مفاتيحه بين الفترة والاخرى اتت الرابعه والخمس دقائق ولم يأتي تثاقلت ان انهض من سريري لأقفل الباب فبقي الباب مفتوحا وليست الليله الاولى التي انام فيها وبابي مفتوحا وانا اذكر الله حتى انام من الخوف فمن يغفوا مطمئنا في هذا الزمن وبابه مفتوح !!! صغيرتي التي تبلغ 3 سنوات يزعجها ذلك وتتفوه بكلام يزيد من حزني ( ماما الباب مفتوح راح ياكلنا الاسد ، راح يسرقنا الحرامي ، بابا ماينام معانا ومايحكي لنا حكايه ، كل يوم يسهر و ووو الخ .... تكلمت معه مرارا كثيره يصمت وان نطق فلايقول سوى : كل الشباب كذا وانا لااسهر كثيرا سوى ليلتي الخميس والجمعه انه يسهر ويسهر ويسهر دون ان يشعر او يشعر دون ان يكترث هو يحبني ويتوق لوصالي وماان اشبع حاجاته النفسيه والجسديه يبدأ الانقلاب ويأتي اسبوع السهر ثم يعود لي ويأتي اسبوع منتظم نوعا ما اعلم جيدا انها طبيعة الرجل ولكني اعلم ايضا ان كل شيء بإعتدال ولااحب ان يصبح زوجي في عداد (السهارى وغير المبالين ) عندما يراه اخوتي او اهلي او عموم الناس يسهر ليلة تلو الاخرى حتى الصباح فمالذي سيقال ! اين احترامه لي وللمواعيد والمنزل ! انا والله اعلم مدى محبته لي ولكني اخشى عليها من رفاقه من سهره من غضبي اخشى على خميلتنا الصغيره وطفلتنا من هذا الاحساس المؤلم المبكر جدا عندما تكلمت مع امه في هذا الخصوص قبل فتره أسفت على حالنا وتحادثت معه اعلم انه من غير الصحيح ان افشي اسرارنا للغير مهما بلغت صلة القرابه لكنه يحترم امه كثيييييرا انتظم بعد كلام امه وبعدها بأيام انتكس قلت لها هذا المساء سأقفل الباب ولن افتحه له واني اقسمت امامه بهذا ان عاود السهر ثانية فأنا اخشى على نفسي وصغيرتي من ابناء الحرام والمخاطر التي قد تحدث جراء بقاء الباب مفتوحا في وقت متأخر واني اطلب منك ان لاتفتحي له الباب فقالت : كل الشباب كذا يابنتي انصدمت من ردها فهي لاترضى بالظلم ابدا علمت جيدا انها عاطفة الام وانه ابنها لن ترتضي ان اقسو عليه لااعلم ماذا افعل ! اهتمام نظافه ، هدوء ، جو مريح ، رومانسيات ، نفس مرحه ونقاش صحيح كل هذا لم يجدي للأسف ! ساعدوني في حل هذه المشكله التي لطالما تشعرني بأني لست مهمه وانه رجل غير مبال حتى الحد الاخير ! |
وقفيه عند حده متزوج لازم يكون قد المسؤليه عندك حرمه عندك اولاد
مهيب سايبه كلمي اهلك واهله يوقفونه عند حده هذا مبسوط على الوضع المفلت الي هو فيه |
حاولي توصلي معاه لحل وسط ... خل يشوف أصحابه بشكل يومي مثل ما يبي لكن لوقت معين ... يعني اتفقوا على ساعة يرجع فيها البيت وما يتجاوزها ...
طبعا بطريقة لطيفة ...لا يحس انك تعطيه أمر أو تفرضي عليه لكن من باب خوفك على نفسك وعلى البنت ... قبل ما تكلميه بالموضوع حاولي تخوفيه ... قولي له اليوم سمعت صوت وكأنه احد دخل البيت ...ثالني يوم شفت كذا ... اليوم اللي بعده سمعت صوت رحت بسرعة وكان الباب مفتوح على الاخر كانه في أحد حاول يدخل وهرب لما سمع صوتي ... خل يخاف عليكم شوي ... حطي سكين تحت مخدتك وخل يشوفها بالصدفة ولما يسأل اشرحيله عن خوفك لانك تكوني وحيدة بالليل ... وبعد أسبوع من كل هذي الاحداث تكلمي معاه واقترحي انه ما يتأخر عن ال 11 مثلا .. يرتب أمور نومته بالنهار ومشاويره بحيث ما يتأخر بالليل عن ال 11 مثلا . لحي ولا يقنعك بكلمتين ... كل ما اعتذر بشي أعطيه رد ... لا تسكتي ... ومو ضروري يقول لاصحابه انه ما يتأخر بالسهر معاهم عشانك ...يقدر يتعذر بمشكله عند أهله تحتاجه أو بشغل أو انه تعبان ..كل يوم عذر الى أن يتعودوا على الوضع الجديد ... يقدر يدبر نفسه معاهم لو اقتنع انه طلبك ضروري . |
اقتباس:
|
اقتباس:
مافيه شي بالقوه شكرا |
اقتباس:
تحسبين الاشياء هذي ماصارت صدق ! وربي انها صارت قبل كم شهر يخاف ويجلس في البيت اسبوع عشره ايام وترجع حليمه لعادتها القديمه هو عارف كل المخاطر لكن اخوياه الرائعين مآآآخذين عقله ودآيم يقول زوجاتهن عايشات محد راح يجيه شي الا انتي ! مع العلم اني التقيت ببعضهن والله فيه وحده كادت تبكي قدامي من القهر ووحده يااااااائسه تقول 8 سنين وهالشله على هالحال وتضيف : اغسلي يدك 3 مرات :D :28: انا ابيه ينتظم بدون انتكاااااااس خلاص ماعاد ابيه يرجع للسهر الا في الاجازات وبالمعقول كل كلامك منطقي يابيتا تشكرين |
أسمحيـلي أقولك أسلوب الأمـر و الواجبـات ما يـجيـبون نتيجـه أبداً مهمـا حكيـتي مهمـا سويـتي إذا بيـنتي لـه إنك متضايقـه من السهر راح يستـمر يسـهر و يسـهر و يسـهر ....... لين تطفشيـن أكثر من ألحيـن شي طبـيعي الإنسان يحـب الممـنوع ( الـممـنوع مـرغـوب ) لا تـقولين سويـت كل شي و ما فـاد دامـك عايشه با الدنيـا صدقيـني كل يوم راح تتـعلمي أسلوب أفضل من إللي في بـالك حـلو تـطوري من نـفسك خاصة بـ تعاملك مع زوجـك..../ لكـن إللي أبيك تسويــنه تفاجأيــنه إنك راضيـه بـ سهراتـه يوم الخميس و الجمعـه و واثـقـه فيـه و بـ أصـحابه يعـني أبيك الإسبوع الجاي تفاجأيـنه بـ صينيـة حـلا ياخذها معه لـ أصحابه قولي لـه قبل يطـلع لـ أصحابـه (( حـبيبـي خـذ راحتك آنبـسط مع أصحابـك دامك مبسوط أنا مبـسوطه و راضيـه (: و هذي صيـنيـة الحـلا لـ كل الحـلا ربـي يحفظك لـي يا بعدهم كلهـم )) بـ هذا الإسلوب يا الغاليـه راح يـكون مع أصحابـه و يـفكر فيـك و بـ كلامك الحلـو و طـيبة قلبك يـصير مشتـاق يرجع البيـت و لـ إبتسامتك الحلوه لكـن لو أستمريـتي على الزعل و النـكد و المعاتب إللي مايجـيب نتيجـه ما أبيـك تسهر و و و و طـبـيعي يتأخر عن البيـت عشان يلاقيـك نايـمه و ما يـسمع معاتبـك إللي ينــكد عليـه وناستـه و يـحسسـه بـ الذنب شفــتي الفرق !! جـربي و شوفي مارح تخسريـن شي طمـنينـي عليك أوكي ^_* الله يسعـد قلبك و يـسخر لك زوجـك يارب |
حياك الله الأخت طيب وأعانك الله على إللي أنت فيه وأنا أقترح عليك إنك تسهري أنت معاه ليلة الأربعاء والخميس عندكم في البيت أو عند أمه أو برى في الحدائق والمنتزها ت إطلعوا أي مطعم فيه جلسات حلوه وإلا إنك تشرطي عليه يسهر ليلة معاك وليله مع أصحابه ويكون بحدود الساعه 12 أو الواحده عندكم بالبيت مايتأخر حتى الفجر وشكل زوجك من هواة
ألعاب البلوت أو المعسل لأن أكثر تجمعات الشباب على كذا بلوت ومعسل ومتابعة المباريات بالذات الأوربية لأنه توقيتها مو مع توقيتنا حناعندنا ليل هما عندهم نهار وأنتي شوفي الشئ إللي يجذب زوجك ويحب السوالف فيه تعلمي عنه وأجلسي معاه وناقشيه وخذي وأعطي معاه بالسوالف والمواضيع إللي زوجك يحب النقاش فيها تقربي منه حببيه بجلسة البيت وفي جو البيت ومره أطلعوا إسهروا برى عند أحد قرايبكم ومره في بيتكم ومره في أي منتزه خذوا معكم شاي وقهوه وأطلعوا برى مع بعض تمشوا وإطبخوا في البر والله إن الطبخ في البر على الحطب له مذاق خاص بالذات في هاذي الأجواء الربيعيه أجذبيه بحسن تبعلك وزين كلامك ولا تعانديه ولاتزنين على راسه وتجلسين تصايحين عليه ترى الرفق مادخل في شئ إلا زانه بالرفق واللين والمسايسه كل شئ يجي إذا أنتي جلستي تنصحي وتشكي وتتكرري هو راح يطفش و يبقى يهرب من المواجهه معاك لعند أصحابه وبيحس إنك مضيقه عليه الخناق أنت إجلسي معاه جلسة مصارحه وإتفاق بأن مثلا يكون له يوم مخصص بالأسبو ع مع أصحابه خليه يسهر معاهم لوقت محدد إتفقوا أنتم عليه وأنت بطريقتك وشطارتك راح تسحبينه معاك للي تبغينه وتنسينه السهر لأن حتى الطفل يحتاج وقت لفطامه ومحاولات وزوجك يحتاج منك للوقت والصبر و العمل حتى تتمكني من إصلاح هاذا الأمر وعليك تنفيذ الحلول على خطوات أنتي تقومي بها بالتدريج وبحكمه بالغه ودهاء منك الحرمه إذا قدرت تجذب زوجها ناحيتها وعرفت مفتاحه وتأكدت من خضوعه لهاوإستماعه لكلمتها ذاك الساع تطلب منه وش إللي تبي والله إنه ماراح يردها أنتي تمكني منه أول أيقضي فيه المشاعر والأحاسيس تجاهك وأقتربي منه أ كثر وخليك زوجته وصديقته وأهله وحسسيه بإهتمامك فيه و بعدها شوفي كيف يصير وحاولي تسوي جدول لأيام عطل الأسبوع خاص بطلعاتكم مع بعض وسهراتكم في البيت وحاولي تغيري وتجددي مواقع جلستكم أثناء السهر بالبيت يعني مره بالصاله ومره بالحوش أو على السطح إذا كان ساتر ومره بالمجلس ومره بغرفة النوم حتى مايتسرب الملل إلى نفسه وأنت غيري في شكلك ولبسك وخليه يحس بالفرق بين ليلة أصحابه واليله إللي يسهرها عندك وصدقيني بعد فتره راح يرجع لك لحالك بس أنتي لاتهمليه وأهتمي فيه زين وكل ليلة سهره خليها أحسن من إللي قبلها وميزيها بشئ حلو يكون له وقع خاص في نفس زوجك . وأسأل الله أن يسعدك في حياتك ويوفقك ويصلح زوجك ويهديه ويرده إليك ردا جميلا . |
اقتباس:
وقد سويت اللي قلتي عليه ياختي احيان احس ان السهر في الاستراحات ولعب البلوت ادمان الله لايبلاك :d |
اقتباس:
المشكله البلوت والمباريات انا اكره المباريات جدا جدا جدااااا اتذكر العام الماضي سويت فيها ولبست اخضر ويعني اشجع المنتخب وابي اشاركه اهتماماته هههههههههههههههههه وهو اللي تابعها في البيت وانبسط بس يااااااااني حسيت اني كذاااااااااابه ومن جنبها الطبع يغلب التطبع مافيني احب المباريات وهو لو وده ان المباريات حرمه ويتزوجها علي ههههههههههههههه احيان يتابع المباريات المهمه واللي مالها داعي وش يستمتع الا يستلذ فيها قسما بالله ماغير الحماس والصراخ ههههههههههههههههه بصراحه بعض الاشياء اللي ذكرتيها جربتها سابقا ونجحت نوعا ما لكني مااستمريت فيها ابحاول اواصل عسى الله يجيب خير مشكوره |
| الساعة الآن 11:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©