مستقبلي في خطر انصحوني
السلام عليكم ورحمة الله ..
أخواني أخواتي أرجوكم ساعدوني أنا بهم ومشاكل نفسيه من أيام قصتي بختصار أنا فتاه بسنه ثاني جامعه مستوى رابع قسم رياضيات أنا من كنت بثاني ثانوي وانا شاده حيلي بقوه وادرس وعندي طموح كبير جبت نسبه عاليه بثاني وثالث ثانوي واختبرت القياس والقدرات وجبت معدل فيهم تعبت بقوه حتى وصلت للجامعه انا كنت بمدرسه متشدده يعني ماكان فيه شي اسمه حذف او مساعده او شي دخلت الجامعه وانا كلي طموح خصوصا ان كثيــر من صاحباتي اللي اعرفهم مادخلو جامعه ويتمنو اللي انا فيه عرفت اني بنعمه كبيره وحمدت الله عليها درست سنه تحضريه واجهتني صعوبات بقوه كانت الجامعه بعيده عن البيت يعني الطريق اكثر من ساعه واحسب رايحه وجايه كنت اصحى الساعه خمس ونص او اقل وارجع للبيت خمس المساء .. يعني تعبت بقوه مافيه وقت ارتاح او انام او اذاكر مع ذالك شديت حالي ونجحت وجبت معدل واخترت تخصصي لسنه الثانيه وطبعا رياضيات انا احبه وبابا قالي ادخلي رياضيات حلو ودخلته وانا مبسوطه فيه وكلي طموح نجحت اول ترم مستوى الثالث والحمد لله بمعدل حلو والحين مثل ماانتم عارفين احنا بثاني اسبوع من الدراسه الترم الثاني انا ماقدرت أكمل جاني أحباط كبير من كل مكان من البنات كلهم يتكلمو انتي غبيه تدخلي رياضيات يهبل في الواحد ومادري ايش وكل ماسئالت بنت رياضيات تقولي لاتدخلي صعب وتعبنا فيه ومادري ايش انا جتني حاله نفسيه اكتئاب حاد ومااكل وتعبت بقوه أحس نفسي مااقدر أكمل وأحس بصعوبات بقوه مادري ليش صاحبتي حاولت تساعدني اطلع من الازمه اللي انا فيها ماقدرت اقترحت علي احول قسم ثاني اسهل بس انا مو مقتنعه الا فيه وأفكر انو انا الحين بمستوى رابع يعني مابقى شي بقى اربع مستويات بس انا مادري ايش فيني حالة اكتئاب واحباط كبير والله ابكي لي يومين والدنيا ضايقه فيني وكارهه نفسي دكتورات خايفه منهم بقوه مع اني بسنه ثاني بس خايفه من تشدد دكاترة القسم والكلام المحطم منهم وحده من الدكاتره تقول بيجيكم مواد تذوب الصخر من صعوبتها .. ! صاحبتي تقول اهم يبالغو وانتي الحين بنص الطريق فعلا انا الحين بنص الطريق بس احس سنوات اللي ضيعتها من عمري بتروح مني تعبت ابي اطرد عني الوسواس وارجع مثل اول متفائله وطموحه ماقدرت ماما تقولي محسوده وتطلب مني اقراء على نفسي وانا احس الدنيا خلاص ماعادت تسعني اقول لنفسي ماقدر استحمل اعيش لو ماخذت شهاده انا تعبت سنوات من عمري اخذ الاولى وانجح بمعدلات كله عشان مستقبلي والحين مابقالي الا سنتين واتخرج وقفت .. !! فكرت أحول من جامعتي لان جامعتي معروفه بصعوبتها بس صاحبتي تقول لازم اعيد السنتين وانا مابي اضيع من عمري وأختي تقولي غبيه الف واحد يتمنى الجامعه الا انا فيها .. ليش ماعرف ليش كل هاذا جاني أنصحوني بليز .. وأحد مر بشعوري اللي انا الحين فيه ؟ وفيه أحد دخل قسم فيه صعوبات وقدر يتعداها ؟ أنصحوني من فرج على مسلم فرج الله عنه بدنيا والاخره |
أختي في البداية عليك بالاستخارة لكي ييسر الله لك أمورك حسبما ذكرتي في البداية انك حابة التخصص ودخلتيه باختيارك بدون إجبار ونجحتي فيه "ما شاء الله" بالنسبة للبنات اللي ماجربوا التخصص كيف عرفوا أن التخصص صعب؟ والبنات اللي متخصصين ليش مكملين فيه؟ وليش ما غيروا التخصص؟ طبيعي الواحد مع الضغوطات تجيه الوساوس بس انتي اذكري الله ورددي أدعية التسهيل والتوفيق تذكري كيف وصلتي لها المرحلة وكيف اجتهدتي انتي متميزة وكل اللي تحتاجيه انك تزيدي المجهود حبتين ولا تسمعي لكلام الناس السلبيين لأنهم يحاولوا ينشروا طاقتهم السلبية ويأثروا عليك |
اقتباس:
|
حبيبتي مالك منهم
اهم شي انك من البدايه محد مجبرك خلاص كملي طريقك وربي معاكي لاتحاولي تسمعي للاوادم اللي تحبط اسمعي للاوادم المتفائله وعقبال مانسمع منك انك صرتي بروف بالرياضيات حبيبتي انتي ربي يوفقك |
اقتباس:
عزيزتي كثير منا تمر عليه لحظات احباط وكآبة وعدم ثقة >> خصوصًا أثناء الدراسة الجامعية لكن بالدعاء والتوكل على الله صدقيني كل الأمور تهون يمكن انتي مكثرة ضغوط على نفسك حاولي تغيري جو نهاية الأسبوع بجلسة حلوة مع الأهل أو صاحباتك "بس مو السلبيين " :( أو روحي ملاهي المهم تخرجي من الروتين أما بالنسبة للمذاكرة فاستغلي الوقت اللي تقضيه في المشوار للجامعة "ساعتين تقريبًا مو شوي" |
اقتباس:
|
اقتباس:
|
حبيبتي لا تسمعي لكلام الناس المحبطين تعرفي ليش بنات الرياضيات الي في السنوات السابقة لك يقولوا لك صعب مووت ؟
عشان يرفعوا من قدرهم ... يعني و كانهم يقولوا لك صعععب جدا جدا لكن احنا قدها و قدود و مشينا احنا اذكياء بس انتي غبية ماراح تستمري !! المفروض ما تستلمي لكلامهم و تثبتي لهم انهم مدام هم قدروا يوصلوا لسنة رابعة معناه انتي كمان تقدري و يمكن تتفوقي عليهم كمان مش يمكن الا اكيييد مو ناقصك شي عنهم بالعكس .. يمكن منهم الي اهلها مايدعموها و الي ظروفها صعبة لكن استمرت و كملت و انتي ماشاء الله اهلك وراك يدعموك و يوفروا لك كل شي تحتاجيه عشان تنجحي فا ايش اللي يمنع من النجاح عقل و عندك ماشاء الله و ذكاء و عندك و الا ماكنتي دخلتي من البداية .. و ارادة عندك وو الدليل انك كملتي نص الطريق بس يبي لك شوية ايجابية و تفاؤل .. اللي بيسمع لكلام الناس بييتععب صدقييني حبيبتي . اقولك عن تجربة .. لما جيت اختار الجامعة الي بدرس فيها كان عندي اختيارين بمنطقتي جامعة عريقة و قوية و معروف مايدخلها الا الشطار و اللي علاماتهم كبيرة و دراستها صعبة و جامعة ثانية سهلها و كل من دخلها طلع بمجمووع لان الدكاترة متساهلين كثير و غاالبا امتحاناتهم اعادة للسنوات اللي قبل :) يعني الطلبة متوقعين الاجابات .. وكلها وناسة و ضحك و الكثيير نصحووني ادخل الثانية .. و شهادة و لسلام و اصلا كانو يحبطوني مثلك .. يقولوا ماراح تدخليها ما بيقبلوك اصلا ... و اذا دخلتي ماراح تكملي لانها صصعععبة و الدكاترة عنصريين تجاه المسلمين (لاننا بغربة) و اي مسلم يصعبوها عليه و يفشلوه و من اللكلام هذا لدرجة اني ترددت بالبداية بس ابي شجعني و النتيجة اني درست و كملت و اتفوقت و لاقيت منحة منهم على مدى سنوات الدراسة و اتخرجت و الكثيييير يحسدوووني علي دراستي فيها.. و اختي الصغيرة مثلك .. دخلت قسم رياضيات .. و طبعا كانوا كل صاحبتها يحبطوها زيك .. على صعب و صعب و ماشاء الله عليها سنة اولى جابت امتياز و سنة ثانية بالفصل الاول جابت امتياز و الحين بالفصل الثاني و ماشاء الله عليها ماشية و لا احسن ... فياحبيبتي ... لا تعطي اذونك لاي حد ثاني ماحد يعرف قدراتك الا انتي .. و ماحد يعرف مهاراتك و ذكاءك غيرك .. لا تعطيهم الفرصة يحبطوك واي حد يقولك صعب.. ردي عليهم لو صعبة ماكان حد اتخرج و لا كنا شفنا مدرسين رياضيات و اللي عندهم عندي وماحد احسن من حد ... و اجتهدي و اثبتي للكل انك قدها و قدود سامحيني على الاطالة بس والله حسيتك زي اختي الصغيرة .. و مابيك تتاثري و تضيعي مستقبلك عشان كلام ناس فاضية و حاقدة ترمي الكلمة و تنسي و انتي تقعدي تتنكدي و تهمي ربي يوفقك و ياالله شدي حيلك و مستنية منك موضوع بعد فترة تقولي نجحت و بتفوق و بسوي الماستر و الدكتوراه |
اقتباس:
|
شوفي هذا اول خطا .. لما تسحبي محاااضرات :) صح سويناها قلبك :)
بس صدقيني تخسرري كثييير ماعاد تفهمي و تتراكم عليك المواااد لاا عاد تطنشي اي محاضرة ولو كانت مملة السلبية اللي تسمعيها من اللي حوليك متوقعة و حطي ببالك انها من باب الغيرة و على راي المثل اللي مايطول العنب حامض عنه يقول دامهم ماقدروا يدخللوا جامعتك و لا قسمك فا اكيييد راح يحاولو يأثروا عليك عشان تستلمي و تطلعي و مايصير حد احسن من حد .... و زميلتك اللي قالت سوتها 3 مرات .. ليش تاخذيها بسلبية ... فكري بايجابية .. هذا مايعني انه المادة صعبة مووت ... يعني انه هذه البنت مع احترامي لها ماتفهم و لا كيف تعيد نفس المادة 3 مرات و غيرها نجحوا و مشوا ؟؟؟؟؟ و لا تقولي لي دام انها دخلت معناه ذكية مو شرط .. قد تكون دخلت بالواسطة و الفلوس ... و قد تكون مرت زيك باوقات ضعف و سلبية و تركت نفسها لكلام الناس و مادررست كويس و فشلت ... لكن كلامها مايعني ابدا انه المادة صععبة مووت و لا كانوا اكثر الطلبة فشلوا و لغوا المادة او بسطوها مافي شي صعب الدنيا حبيبتي بس احنا اللي نصعبها على حالنا اللي تمري فيه طبيعي احيانا من كثر الضغظ نتعب ... بس لا تستسلمي صبري نفسك انه باقي القليل و تنتهي هذه السنة و بعدين خذي اجازة باي مكان عشان ترجعي السنة الجاية فرش مسموح لك تتعبي :) بس اااابددا مو مسموح تنسحبي من وسط الطريق ... صلي ركعتين لله و ادعيه سبحانه انه يفك كربتك و يبعد عنك كل هم و ضيق و ان شاء الله فترة و ارجعي انشط و احسن من اول |
الساعة الآن 09:22 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©