|
غير مرتاح بسبب تأخير الملكه
السلام عليكم ورحمة الله وبركاته..
اسعد الله واقاتكم بالخير والمحبه والبركات... انا شاب عمري 28 سنة تقدمت الى فتاة وحصل صلح واتفقنا على عقد الملكه في شهر5 والزواج في شهر 8 ... المهم يوم النظره الشرعيه اعطيت خطيبتي 500 ريال و اعطيت عمي من المهر 20000 الف وباقي ثلاثين عند الزواج ... ولكن رفض نسوي ملكه او نعمل العقد..ولما سالناه قال : انا ما أملك إلا قرب الزواج ؟ ومن مصادر اخرى خاصة عرفت ان هذا (عشان مايبي يكون بيني وبينها مكالمات او لقاءات ) انا تفهمت رغبته ولكني غير مرتاح ؟ خصوصا ان باقي قدامنا الفحص الطبي ؟ ولا ادري وش يطلع ؟ المهم رحت .. و خلال هذه الفتره ارسلت لخطيبتي هدايا بواسطتي اختي .. وفي العيد الماضي اعطيتها هديه ,,واشتريت لعمي ساعة فاخرة وقماش وعطر ... ولكن تاخير الملكه ماهو مريحني بالمره... هذه الايام طلعت سيارة جديده ..وكنت اتمنى اقدر اكلم خطيبتي واشاورها باللون .. لاني حريص انها تكون قريبه مني... وانا قريب منها... وفوق هذا انا احبها حب مايعلم غيره الله ... ولكني ما ادري كيف اقدر اوصل لها هالشعور..وهل الهدايا تكفي... وياترى هل هي تفكر فيه... مثل ما انا افكر فيها الحين ... وهل مخاوفي من تاخير الملكه لها مبرر..ام حساسيه اكثر من اللازم .. |
أخي الله يبارك لك في زواجك ويجمع بينكما على الخير وفيما يخص الملكة فما عليك إلا بالصبر هو مفتاح الفرج ومابين الملكة والزواج اللذان كنت تبغي سوى ثلاثة أشهر إذا لا مانع أن تطلب كل ما تبغي من خطيبتك عن طريق أختك أو وبما أنك ميسور و لا ينقصك شيئ عجل بالزواج الله يتمم لك بالخير ومبروك مقدما أما فيما يخص خطيبتك على حد علمي أن الخطيبة تفكر في خطيبها أكثر مما هو يفكر بها وأكيد أن خطيبتك تفكر فيك وتبني لكما قصورا وتفرشها لسعادتما الله يجمع بينكما في قريب إن شاء الله |
انا اشوف عادي لأن فترة الملكه مفروض ماتطول اولا راح تملون من بعض ثانيا مع المكلمات في الاغلب تبدأ المشاكل
بعدين مفروض اول خطوه الفحص بعدين تدفع المهر وتحدد وقت الملكه والزواج واذا كنت مستعد عجل الزواج بنسبه لخطبتك اكيد تحبك والا ماوافقت عليك واذا فيه شى تبي توصله لها اختك موجوده والله يوفقكم ويسعدكم |
لاتفكر كثير كذا يجيك وسواس وتدلع البنت عليك
خلك متواضع وعادي واشوي ثقيل:) ويكفي انك وصلت لهاا انك كريم معها باين انه ابوهاا متشدد عليهاا وانا مالومه من كثر القصص ليسمعها وخطيبتك تفكر فيك اكثر منك اسئل مجرب ولا تسئل طبيب هههههه حنا بنات ونعرف بعض:d الله يسعدكم ويوفقكم |
اكييييييييييييد تفكر فيكـ اكثر من تفكيركـ فيها
اسال مجرب |
اقتباس:
كلامك صحيح .. ولكن كما تعلمين القلب حال الحب ينحني اوقات.. و اوقات خارج التغطيه ..:21: . . . .تعالي يا ابتهال ..وقولي آمين..>> اسال الله الكريم رب العرش العظيم ان يرزقك ماتتمنين وماتحبين.. |
اقتباس:
المشكلة ان إقامة علاقة بين اثنين تتطلب تواصل.. وماهو خطا اوعيب لما نعرف انطباع اولي عن بعض من خلال المكالمات..:21: وهذا ابداً ماراح يؤثر على علاقتي فيها لان الكمال لوجه الله تعالــــــى... انا كان آملي .. ان اعرف كيف تفكر خطيبتي ؟ وش الي تحبه ..او ماتحب ؟ يشهد الله كل هدفي كيف اسعدها... وارضيها.. وحتى اتفهمها .. اما الملل فما راح يتسلل الى قلبين http://www.66n.com/forums/images/icons/tongue3.gif متى ماكان في فهم حقيقي لمعنى شراكة عمر . . . . ياشهر زاد .. قولي امين..>> اسال الله العظيم رب العرش العظيم ان يعطيك ماتتمنين ويرزقك من حيث لاتحتسبين . |
لي عوده لبقية الاخوه ...
|
أخي الفاضل الله يجعل أيامك كلها ربيع يا رب ليه ما توضح لأبوها أنك تبي تملك عشان الفحص الطبي وما راح يكون بينكم كلام (وإذا اقتنع وملكتوا لا تكلمها كثير - في الويك إند بس:25: ) حاول تكلم حد من اعياله أو أخوانه أو طرش له حد يقدر يقنعه صراحة أيام الملكه هي أجمل الأيام وأنتو يا الرياييل ما تعرفون تتكلمون ولا تطلعون الكلام الحلو إلا في هالفتره الله ييسر لك أمورك |
اقتباس:
جزاك الله خيرا على الدعوة ولك مثلها |
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©