|
علاج كيميائي وتبرع بنخاع دعاااااااااااااااائكم تكفوووووووون
بسم الله الرحمن الرحيم
السلام عليكم ورحمة الله وبركاته تهنئه قلبيه لكم بمناسبة عودة ملك الأنسانيه الله يحفظه يارب ويحفظ بلدنا آمنه مستقره وجميع بلاد المسلمين \ مو عارفه كيف ابدا موضوعي لكن باختصار أصيبت بنت اختي بمرض كان بدايته حراره بعد تطعيم استمرت الحراره اسبوع تنقلت اختي من مستشفى لمستشفى مو عارفه وش في بنتها ومع الايام تضخمت الكبد وصار بطنها منفوخه وعروق بطنها صفرا طبعا راحت للطب الشعبي واللي قال وخية البزران ( سخونة البزران ) عمر بنت اختي شهرين ونص المهم مع الايام قررت تعرضها على حرمه لتكويها ( آخر العلاج الكي) فلما شافتها الحرمه قالت بنتك عندها مرض ياما في الكبد او الطحال + سخونة البزران = اول عالجيها بعدين نكويها راحت لمدينة الملك فهد وعرضتها عليهم وكانت قبلها باسبوعين مطلعتها على مسؤليتها لانهم يبون يسوونها حقل تجارب وبياخذون منها نخاع المهم الحين قرروا الاطباء بالعلاج الكيميائي وصارت بنت اختي مثل اخوها اللي توفى قبل خمس سنوات بنفس المرض الجيني وصفوه الاطباء بان الخلايا تاكل بعضها والاحد راح ياخذون من امها وابوها نخاع ليفحصونها وحتى اخوها السليم اللي عمره 4 سنوات بياخذوا منه علشان يشوفوا التطابق ومين بيتبرع للبنت احنا متخوفين والامل بالله كبير هل يشكل اخذ النخاع من المتبرع خطر وهل المتبرع له يستفيد من هالشي وهالمرض الوراثي هل له علاج اختي في حاله مايعلم فيها غير الله الله يلطف بها وبكل معسر ياااااااااااااااااااااارب ويفرج هم المهموم وينفس كربهم انا لله وانا اليه راجعون |
ربي يشفي مرضاكم و مرضي المسلمين
أختي اخذ النخاع من الاخ السليم ليس خطرا علي الاخ بس لازم يكون تكوينهم المناعي نفس الشي اما المريضه فباذن الله راح تشفي ممكن اعرف اسم المرض حتي فيدج اكثر؟ مع العلم ان هل ايام في امراض وراثيه تعالج بزرع النخاع و منها مرض الثاليسيميا تحياتي لج |
الله يجزاك خير
اسم الحاله هيمو فاقو ستيك اندرم ( تبلع الدم ) |
قلبي عليها الصغيرة .. وقلبي على والديها.
أسأل الله أن يشفيها ويعافيها .. ويطمئن قلب والديها عليها ... اللهم آمين. |
لا حول ولا قوة إلا بالله
أختي يا ليت تحاولون ترسلون تقاريرها بره..واذا قرروا العملية اجروها في الخارج الطب كل ما له يتقدم هناك..وبيحرصون عليها بإذن الله أهم شي اختج خلج قريبة منها حيل..وطمنيها وواسيها الله يشفيها ويعافيها ويفرح قوبكم بشوفتها طيبة وبخير |
الله يجزاكم خير يارب
أختي بالمستشفى مع بنتها واحنا بمنطقه ثانيه وقلت لها تتابع هالموضوع علشان تلاقي المواساة والدعم النفسي فإي واحد عنده طريقة او علاج او رقيه يكتبها هنا ودعائكم تكفون بظهر الغيب الله لايوريكم مكرروه ويحفظ لكم كل غالي |
والله قلبي وجعني على البنية الصغيرة
الله يشفيها يارب ويطمن امهاويطنكم عليها يارب ويلقو لها العلاج ان شاء الله |
|
اللهم اشفها شفا لايغادر سقما اللهم فرح اهلها بسلامتها
الله يصبركم يارب اقرأو الفاتحة عليها باستمرار وقولي ( يانار كوني باردا وسلاما على ابراهيم ) ضعي يديكم على راسها تصدقوا ( دأو مرضاكم بالصدقة) |
وعليكم السلام ورحمة الله وبركاته
الله يشفيها لهم ويخليها http://www.youtube.com/watch?v=0uy8H...eature=related |
| الساعة الآن 01:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©