ماهو تفكير زوجة المطلق
 

يسعدني ان اكون اول وحده ترد عليك
اذا كانت المراءه متزوجه من رجل مطلق
فأكيد انها راح تبذل قصارى جهدها علشان ينسى طليقته ويمكن اهوا نفسه مايتذكرها الاتجربه بحياته وراحت
اما اذا كانت سعيده ومبسوطه معه فمستحيل تتذكرها لانه مابينهم شئ
ولا اتوقع انه ببتذكرها وهي من البدايه عارفه انه كان بحياته وحده قبلهااا
فما اتوقع انه بتخوض معارك في تفكير بطليقته لانه من الاساس ماتزوجت اكيد الا وهي فاتحه صفحه بيضاااء
واما اذا كان زوج لم يسبق له زواج وتزوج بمطلقه فبالعكس ماتوقع انها بتتذكر طليقها
غير انها تجربه وانتهت وكل اللي همها ان ربي عوضهاااااا فقط
وشكرررا

أخي العزيز البنت اللي تتزوج مطلق وش ما يكون اكيد بتحس في الغيرة و تحاول تعرف عنها ... ساعات تساله اسئله و الريال يرد عليها عادي بس هي توسوس و تلعب بافكارها
احسن للمطلق ان ابد ما يتكلم عن طليقته و كل ما زوجته تسال يقول لها: هي راحت بخيرها و شرها ما لنا خص فيها
لان لو تكلم عنها هي ممكن تبدا في المقارنه .. لا تنسي ان طليقته كانت اول وحده هو قعد معاها في الكوشه ... اول وحده عاشرها ... و اول وحده حتي يمكن جاب منها العيال ... فاكيد الزوجة الثانيه بتحس بالغيرة
اما عن الاثاث فاكيد ما تحب تنام في نفس السرير اللي مطلقه زوجها كانت تنام فيه
لو في مجال يغيرون علي الاقل اثاث غرفه النوم اكيد احسن
بس عقب كل شي هو الزوج و شخصيته اللي تخلي الزوجه تنسي ان هو كان مطلق

وعليكم السلام ورحمة الله وبركاته
انا ما راح أحكي كلام عام .. أنا بحكي لك تجربتي انا شخصيا
تزوجت قريبي مطلق قبلي مرتين .. أنجب من مطلقته الأولى ولد وبنت
ولم ينجب من مطلقته الثانيه وأنا مطلقته الثالثه أبشرك .. مالك بالطويله
ما عمري فكرت ابدا بمطلقاته السابقات ولا كانوا يطرون علي بالي ابدا
كأني أول وحده في حياته ولا عمري سألته عنهم ولا جبت طاريهم ابدا
مع إنه هو ما يقصر يتحيسب عليهم قايم قاعد ويسب فيهم من فتره لفتره
أما عن البيت فكان جديد بصراحه محد سكنه قبلي فما أقدر افتيك بخصوص البيت
بس زي ما قالوا الأخوات اللي قبلي غرفة النوم من الأفضل تكون جديده ..
أما باقي الأثاث لو في استطاعته يغيره كان بها لو ما يقدر ما يخالف يغيرون شوي شوي
بس أعتقد الأثاث بشكل عام ماهو ذا أهميه لو حست المرأه إن زوجها يحبها ويقدرها
وشاريها !!

هو يرجع اخوي لعقلية المرأه وطريقة تفكيرها .. هي الوحيده اللي تقدر تسوي كنترول
لأفكارها ومشاعرها وما تخلي حياة زوجها السابقه كابوس يؤرق حياتها معاه ..
ومن المهم جدا إنها تكون واثقه من نفسها وما تحاول ولا بشكل من الأشكال إنها
تطرح أسأله شخصيه لزوجها عن حياته السابقه وتعقد مقارنات بينها وبين نفسها
كذا بتتعب وبتعب زوجها معها ..
و أعتقد إن اللي مقبله على الزواج من شخص مطلق لازم تكون
مستوعبه الوضع خاصة لو عنده اولاد !!
والزوج بعد عليه دور إنه قدر الإمكان ينسى حياته السابقه ويبدا مع زوجته الحاليه
حياه جديده وصفحه جديده في حياته ولا يجيب سيرة حياته السابقه بأي حال
من الأحوال ينساها يزينها وشينها ..
تحياتي لك،،،

انا تزوجت مطلق وانا بكر وولم اهتم بشانها كثيرا

لكن ابشرك تطلقت انا ايضا الله يساعده
الزوج هوبذكاءه يستطيع ان يشعرها بانهليس صاحب تجربه سابقه

عن تجربة


انا مع كلام اختي خجولة بطيبتي



صح اني بعض المرات يجيني فضول بس اتعوذ من إبليس

والحمدلله زوجي مساعدني بحيث انه نا يذكرها


وانا أحاول اني بكل لحظة اسعده لانه ما طلقها الا لانه تعب معاها

فأكون انا له الراحة من بعد التعب


*

المفروض يغير الاثاث كامل ولو يغير الشقه افضل لانه بيتخيل زوجته او هي تتخيلها لان البيت نفسه
على حسب شخصية الزوجه فيه العاقله الراكده توزن الامور وذكيه ماتنكد على زوجها ولاتبحث طول الوقت عن طليقته وفيه اللي تزن على خراب عشها مثل ماقالت بعض الاخوات

أختي الكريمة موفقة في الاجابة كأنك تكلمت بلساني.
( ابتسامة عريضة )