|
افضل مكان لتفصيل غرف نوم في الرياض ـ مساعدة
السلام عليكم ورحمة الله وبركاته ابي مساعدة الاخوان والاخوات في افضل مكان او محل يفصل غرف نوم ويكون شغله ممتاز جدا وباسعار مناسبة ابي الاماكن اللي بالرياض وشكرا |
( ويكون شغله ممتاز جدا )
بهذي الميزه مستحيل تلقاه في المملكه كلها - للأسف خذ لك جااااهز امريكي او إيطالي - لك وللزمن |
اقتباس:
معقوله مافيه بالمملكه بكبرها ليش الظلم وبعدين صابيعك مو سوا وبالنسبه للايطالي اخس نوع لانه نشاره اما الامريكي غالي وفوق كذا مافيه دواليب ولازم يكون عنده غرفة ملابس |
من تقريبا 7سنوات فصلت عند المانع للأثاث غرفة نوم لي وللأولاد والبنات كانت روعة
وكان موقعهم في طريق الملك عبدالله وقد تغير موقهعم ولم اسمع عن انشطتهم |
فصلت غرفتي في محل ..
نسيت إسمه لكن بعلمك بوصفه .. مخرج 20 بجوار شقق نوفا للاجنحة الفندقية .. أول محل .. شغلهم مرة نظيف .. و أسعارهم مناسبة .. بالتوفيق ؛ |
اقتباس:
غرفة الوالده إيطاليه لها 20 سنه - خدش ما انخدشت - ومن قالك نشاره - سعودي هو !! كنب فرنسي له فوق الثلاثين سنه قوي ومتين حتى حشوته ريش نعام - اتحداك احد يحشي لك ريش نعام في المملكه - وطاولات إيطاليه عندي لها فوق العشر سنوات - الخشب ما تغير حتى لونه ولعلمك استخدام كرف كنب امريكي له فوق الخمسة عشر سنه - قماش يرجع جديد بعد الغسيل والمراتب كأنك امس شاريته اخوي عنده غرفه امريكيه ودواليبها معاها - ياليتك تتفرجي على خسبها ومتانته ولونه خياااال يا اختي - مو ماراح يلاقيه في السعوديه بس في الشرق الاوسط كله ماراح تلاقي شغل ممتاز وللأسف فصلنا في اغلى الاماكن - الدروج تتكسر وما تقاوم اكثر من سنتين او اربع وبالكاد الخشب من اردى الانواع والأقمشه كذلك والشغل على الماشي وهمهم الربح وليس الجوده وهذه وجهة نظري وما الزمك فيها دمتي اخيتي |
السلام عليكم ورحمة الله وبركاته
شكرا لكم على تعاونكم شكرا لـ شقردية ، ياخذني الوله ، سحابه الصحراء ، ام داليا على ردودكم انا فعلا البارح لفيت الرياض كله عشان القى محل اثق فيه حصلت محلين واحد في مخرج 11 شغلهم يعني ماني ضامنه واحد على طريق احمد بن حنبل والبحث جاري اما بالنسبة للجهاز مريت اغلب معارض الرياض المعروفه مثل سيتي w ودامونس وكثير وكلها تصميم ممتاز جدا و خشب ردي جدا وسعر عالي جدا فالاغلب اني راح اخذ تصميماتهم وافصل زيها والله يعين على كل الاحوال شكرا لكم جميعا |
| الساعة الآن 01:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©