منتدى عالم الأسرة والمجتمع - ابشركم اشتريت سياره جديده (:

:d

طفشتكم انا صح

ساعه بعت سيارتي

ساعه اشتريت سياره جديده

:d

تحملوني والله اني احبكم

نسيت اسلم

السلام عليكم ورحمة الله وبركاته

اسعدكم الله وادخل السرور والبهجه في قلوبكم يارب وافرحكم وأقر عيونكم بالخير

ابشركم اشتريت سياره جديده والحمد لله

ومفروض اليوم اطلعها من المعرض بس عشان المرور اجازه رسميه قالو تعال بكره على اساس يوم الأحد

ابشركم سياره جديده وكاله موديل 2011

لونها اسود كامل المواصفات

فل اوبيشن

والله لاهي في بالي وبحساباتي ابداً انا رحت ادور فورد واخذت معاي مديري بالعمل ( صاحب الشركه )

وقال خلنا ندخل هنا نشوف يمكن عندهم شي حلو

وادخل المعرض واشوف سياره زي حق المدير بس جديده موديل 2011 قالي لاتفوتك قلت يا ابن الحلال

غاليه قال ولا يهمك

ودق على صدره ودخلنا الاداره وسألنا عن السياره وسبحان الله تيسرت كل المواصفات اللي ابغاها لقيتها

دفعت عربون واخذو بياناتي واوراقي وقالو كمل فلوسك عشان نعطيك اوراق المرور

والله مو مستوعب ابداً

قسم بالله حسيت اني انبلهت

صحيت اليوم لقيت رساله من مديري كاتب شيك على حسابك وادخل على النت وافتح موقع البنك

والاقيه محول لي باقي المبلغ حق السياره دقيت عليه وقلت له كثير قالي تستاهل كل خير يابو جوري

هذي هديه بسيطه عشان خاطر جوري قلت لا قال لاتردني قلت والله كثير قال جاتك من اخوك

قلت جزاك الله كل خير واحرجني بصراحه

المهم

رحت دفعت قيمة السياره كامله بس أخروني المرور ولا مفروض اخذتها

والله والله انها ببركة دعاء الوالدين و بركة بعض الأعضاء اللي يدعون لي

الله يجزاكم عني كل خير يا اخواني

وبرضه مو جايني نوم افكر بكره من اي طريق امشي مافيه مطبات :d

اشكر كل دعالي بلسانه او با اصابعه او بقلبه

الله يوفقكم ويسعدكم ولا يحرمني منكم يارب