|
""تقدم شخص لخطبتي وقبلته ولكن ......""
السلام عليكم ورحمة الله وبركاته
اولاً قبل ماطرح موضوعي حبيت اشكر كل الاعضاء والمشرفين القائمين على هذا الصرح الشامخ ومساعدة جميع الاعضاء في حل مشاكلهم ,,, ووجود التحفز والرغبة في المساعدة وهذا اللي شجعني وخلاني اكتب موضوعي واتمنى الاقي الكل يساعدني ويوجهني لطريق الصحيح والسليم واشكر وادعي من كل قلبي للي راح يرد علي بصراحة انا محتارة وايد موضوعي هو : في شخص تقدم حقي وهذا الشخص انا ارتحت له من المقابلة وااايد تحاورنا وايد في المقابلة وتناقشنا في مواضيع وايد وحسيته هو الانسان اللي ارتاح له قلبي وفي نفس الوقت حسيت ان نناسب حق بعض من ناحية التفكير والشخصية وكل شي وعلى فكرة انا ماهتميت حق شكله ابد لان جوهره ومعدنه طيب واصل وولد ناس وذات دين وخلق وحبوب وكل شي فيه حلو لكن مشكلتي هي ان اهو ""أقصر"" مني بشووووي مب وايد وهذا الشي اللي مخليني احتار معنى ماهمني اذا كان طويل او قصير كفاية ان احس ان برتاح معاه نفسياً لكن خايفة من نظرات الناس لي وله ان يشوفوني ان انا اطول منه بشووي وبعدين حتى الماما حسيتها انها مب مقتنعه بشكله لان اقصر مني بس مابينت حقي وقالت لي فكري وخذي وقتج بالتفكير واللي الله كاتبه بصير بتقولون حقي ماعليج من احد اذا انت عاجبج ؟!! صح انا عاجبني وعاجبني وايد من كل النواحي بس شسوي مشكلتي أتاثر وايد بكلام الناس واخاف بعدها ااسمع كلام يجرحني ويضايقني ... معنى اهو متمسك فيني وايد وشارني وهو رجال بمعنى الكلمة بس متحيرة مو عارفه ,,,, اتمنى تساعدوني يمكن تقولوا ان انا ماعندي سالفة ومافكر وان مشكلتي بسيطة بس شسوي انا حساسة وماحب احد يتكلم عني او يجرحني بكلامه وحنا ردينا على اهله وقلنا لهم ان موافقين بعد ماسالنا عليه وعلى اهله ومشاء الله عليهم سمعتهم طيبة واخلاقهم طيبه والكل يمدح في اهله وخاصه فيه بس للحين ماحددنا شي مع اهله بس وافقنا وسوينا تحاليل وطلعت النتايج سليمة لكن في كل مرة اقعد لحالي افكر بالناس وان احد يقط كلام يجرحني او ان يتمسخر علي وهالشي اللي متعبني ومضايقني مووووت,,, مادري بس اعذروني ع الاطالة ,,, واتمنى تتقبلون موضوعي بصدر رحب ووتفهمون وضعي واشكر كل من يرد علي ويساعدني ويوجهني لصواب تحياتي // حــلآ |
اهو على حسب النفسيه والتقبل اذا كنتي متقبلته بهذا الطول ماعليك من احد
|
وعليكم السلام ورحمة الله وبركاته
اختي أول شي لازم تعرفي ان رضى الناس غايه لا تدرك .. وان كلامهم لا يودي ولا يجيب ..وإللي يسمع كلام الناس راحة حياتة شوربة .. اختي انا اخويه متزوج وحد اطول منه تقريبا بينهم 8-10 سم وصار لهم تقريبا 5 سنوات متزوجين وعندخم ثلاثة اولاد ومرتاحين مع بعض والحمدلله .. فكري زين ..لأنو لو قبلتي فيه وبعدين سمعتي لكلام النس وجيتي كلمتيه وخليتيه يحس ويشوف انك تعتبريه عيب فيه ممكن ينصدم وتتغير نظرته لك .. ففكري زين لو الرجال مايتعوض انتي مرتاحه معه فلا تسمعي لأي احد .. وإذا سمعتي ردي عليهم بكل ثقه .. الله يكتبلك إللي فيه الخير يارب .. |
كلام الناس لن ينتهي ، و لو تزوجتي الطويل .. لقالوا طوله كالبعير وعقله كحبة الشعير.. ولو تزوجتي القصير لقالوا ... قصير وفيه كيت وكيت.. أنتِ تأكدي من دينه وأخلاقه فقط... والله يوفقك ويختار لكِ الخير .. |
اذا كنتي بتفكرين في كلام الناس صدقيني رح تتعبين كثير
حتى الأوادم اللي مافيهم عيوب خلقو لهم عيوب إذن الكل عرضه لكلام الناس فلا تقيدي نفسك بهذه النظره والتفكير القاصر الرسول صلى الله عليه وسلم قال : فيما معنى الحديث (إذا أتاكم من ترضون دينه وخلقه فزوجوه ) صحيح ان الشكل الجميل مطلوب والتقارب مطلوب لكن هذه هي سنة الحياة يعني لو كل بنت فكرت بنفس تفكيرك كان راحو فيها الشباب القصار هههههه عموما انصحك نصيحة اخ استخيري ربك وادعيه ان يدلك للطريق الصواب والراي السديد واختاري ما تمليه عليك راحة نفسك ورضاها ولا تلتفتي للناس ابد واحذري ان تقبليه زوجا وانتي غير مقتنعه او توافقي عليه ولازالت الفكره تدور في راسك تحيتي لك |
حبيبتى مادام انك مقتنعة فيه مو ضرورى يكون اطول منك وصدقينى المراة قد ماكانت طويلة وزوجها قصير مابتبين كتير لمايكونوا جنب بعض ومايهمك الناس انااختى تزوجت رجل اقصر منها واولها كانت تسمع انتقادات لكن ماكانت تزعل ازا واحدة قالت اقصر قوليلها القصر قصر الذراع
|
اقتباس:
أختي ,, لاحظي ردّك ,, في الإقتباس أعلاه ,, ستجدين بأن مشكلتك ,, ليست في قِصر خطيبك ,, أو طوله ,, مشكلتك تكمن ,, في حساسيّتك المُفرطة ,, وثقتك بنفسك ,, ليست على مايرام .. |
يا اختى اهم شىء الدين والخلق والله انا اتذكر شيج كريم كان معنا فى الحج وكانت معه زوجته وكانت اطول منه بكثير جدا والله انه كان يمشى معها وبجواريها ولا يهمه اى شىء وهى كانت بسم الله ما شاء الله تذكره بكل خير حسب كلام زوجتى علما انه كان متزوج وربما بناته قرب سن الزوجة لكنها اخذته لدينه وخلقه اسأل الله ان ينير لك الضرب ويوفقك لكل خير |
the lost heaven
انا ارتحت معاه ومتقبلته شكرا على ردك يعطيك الف عافيه ربي يوفقك ويسعدك بحياتك |
Faide
مشكور اخوي وماقصرت وان شاء الله راح استخير الله وافكر بالصح الف الف شكر لك والله يكتب اللي فيه الخير والصلاح والله يوفقك ويسعدك وينور لك حياتك يارب |
| الساعة الآن 12:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©