|
تعبت نفسيا
بسم الله الرحمن الرحيم
بدخل في الموضوع أنا متزوجة وصار لي ثلاث سنين ولله الحمد زوجي طيب على الرغم من عصبيتة في بعض الاحيان يجرحني بكلامة اذا كان معصب وأعديها لان دايم يقول لي استحمليني وانا معصب ما اقصد الكلام الي اقولة والحمدلله متفاهمين اذا عصب ما اناقشة لين يهدا واحيانا ما اناقشة او آعاتبة لان يدخل علي ويحضني وهو مبتسم فأنسى كل شي مشكلتي اللحين أنا تغيرت صرت أعصب واناقشة وهو معصب واعرف أنا هذا غلط وصرت ما اهتم بنفسي ولا بالعلاقة تدرون ليش لأني منقهرررررررررة من اول شهور زواج اكتشفت انه يمارس العادة اكتشفت يكلم بنات وسكت واهتميت في نفسي اكثر حتى الجامعة خليتها لان كان يقول لي خلي الجامعة واهتمي بالبيت خفت بعدين يأخذها عذر أني مقصرة وانا حامل في الشهر التاسع سافر زوجي و وقتها كان متغير علي وما يطيقني أتقرب منة ويدزني لما رجع حسيت أنة سوا شي غلط المهم أنا ربيت ورجع سافر مرة ثانية ورجع ولقيتة حاط رقمت في البلوتوث قلت له أنا ادري انك ماتسوي شي غلط بس ترى الي يحط وقمة في البلوتوث دائماً يرقم البنات وانا أخاف بنت تاخذ رقمك. وكلمات عااادي وقال ان شاء الله وشالة من البلوتوث بس رد حطة مرة ثانية عندة جوال في السيارة كلة أرقام بنات و افلام طبعا أنا شفت الجوال مرة بس ما واجهتة حملت مرة ثانية وانا حامل في الصيف جاني اتصال من رقم غريب طلعت وحدة تقول لي أنا اعرف زوجك وهو يحبني ووو. واذا مب متأكدة كل يوم يكلمني الساعة4 العصر. و وقتها يكون زوجي طالع من البيت لان رمضان يطلع عند آهلة لين المغرب او اصحابة طلبت منة كذا مرة يمشيني بالسيارة العصر قبل المغرب رفض وقال اقريلج قران احسن لج لين فتشت جوالة من ورأى ومالقيت اثر للبنت بس لقيت حاجز في فندق ايام العيد و اتصلت على رقم البنت من جوالة لقيتة كاتب حرف بس ما خليت الجوال يرن عندها يعني ضربت الرقم وسكرت اشوف الاسم مسجل ولا لا تدرون ايش الي حيرني أنة عندة جوال في السيارة خاص لخرابيطة ما يكلمها ،يكلمها من الجوال الي يجيبة البيت وهذا الشي الي زود خوفي واجهتة بطريقة دبلوماسية طلبت منة الجوال ....ارتبك وقال ليش قلت ابي اراويك شي عطاني الجوال واول مرة أحس أنة خايف. طلعت الرقم من جوالي واتصلت من جوالة الا يطلع حرف قلت من هذي قال اشدراني من هذي عطيني جوالي و هذي خصوصياتي ودزني وطيحني وانا حامل بس عشان ياخذ الجوال قلت له انت كذااااااااااااااااااااب هذي اتصلت لي وقالت لي انك تعرفهاااا تبي تفرقنا. واتدزني معلبة يا بو فلان واسكر علي باب الغرفة وهو يحاول يكلمني بعدها انهار وجلس يبيكيي مثل الطفل الا أقوى من الطفل ما كالمتة كم يوم وفكرت في الانفصال بشدة لكن مع الصلاة والاستغفار ربي هداني هو ما اعتذر بس بكى لكن للحين جوال في السيارة ويكلم أنا تعبت ما اقدر ارجع مثل اول اذا عصب علي أعصب وارفع صوتي لان ما نسيت الي سواااة قولوا لي ايش اسوي لان مب حابة لعاملة هالمعاملة ونفس الوقت كل ما يعصب او يصير سؤ تفاهم اذكر الموقف الي صار لي واحيانا أتكسب أني ما رحت بيت اهلي الي اكد لي ان حجز الفندق مب لي أنة يوم جا العيد ما جاب طاري الفندق لي ولا فكر يراضيني و نغير جو في فندق *انا احتفظت في بعض الامور الشخصية في الموضوع وحاولت قد ما اقدر ابين لكم حزني والمي وخيانة زوجي لي |
اتمنى حد يرد
|
أسأل الله العلي القدير أن يزيل غمك و يفرج كربتك و يهدي زوجك
|
اللهم امين
شكرًا على المرور والرد الطيب اخي المهموم |
في اخطاء مطبعية في الموضوع وما اقدر أعدلها لأني اكتب لكم من الاي باد وما اعرف اعدل من الإي باد
|
بصراحه وضعك صعب
بس الشكوى لله مالك الا الصبر خصوصا ان عندكم اطفال عليك بالدعا له في ظهر الغيب ادعي ان الله يهديه ويفكه شر هالخرابيط وكان الله في عونك |
لااعلم ماذا ارد عليك
هذا المساء كلي استيااااااء لااريد التفوه بشيء اندم عليه لنصلي المغرب يااخيه ونشكو ألمنا للخالق وحده القادر على التفريج عنا ياضايق الصدر بالله وسع الخاطر دنياك يازين ماتستاهل الضيييييقه الله على مايفرج كربتك قااااااادر والله له الحكم في دبرة مخاليقه مافات خله ولاتهتم من باكر واغنم من اليوم ماساقت توافيقه |
مجنون s
شكرًا على المرور والرد والله يهدية يأرب الي حزينة علية أني فعلا كنت أحبة وهو قضى على حبي له واللحين يقضي على ما تبقى من حبي له او بالأصح احترامي لعشرة لان قلبي مجروووووووووح وكل يوم ابي افاتحة بالموضوع أني للحين مجروحة ،، وخايفة بدال ما يهون علي أنجرح اكثر |
طيب
شكرًا على المرور والكلمات الطيبة والله يفرج هم كل مسلم يارب |
اللحين يقول طلعي شنطة السفر
بسافر تعبببببببببببببببببببببببت |
| الساعة الآن 10:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©