|
الشخص ام مادي والسكن
السلام عليكم
خطبني واحد كل الصفات الحلوه فيه محافظ على الصلاة واخلاقه حلوة:22: . وغير مدخن وجميل .بس وضعه المادي ضعيف يعني راتبه 3000 :(والسكن عند اهله بس غرفتين وحمام :rolleyes: ووضعنا المادي ممتاز جدا والله الحمد يعني مصروفي 1500 شهريا وانا مرتاحة لهالشخص ومقتنعة فيه بس اهلي مااقتنعوا عشان السكن قالوا لي مستحيل تسكنينن مع اهله وانا عمري 27 ومليت من انتظار .. وانا مترددة بالوضع المادي والسكن واخواتي اللي متزوجات كلهن بالسكن لحالهم ووضعهن المادي ممتاز وانا اخاف اتعب نفسيتي ..وانا استخرت كذا مرة واحس مرتاحة لهالشخص نفسه اما المادي مافكرت ابدا ..لكن اهلي اللي فكروا بالمادي . |
خطبني واحد كل الصفات الحلوه فيه محافظ على الصلاة واخلاقه حلوة . وغير مدخن وجميل
.وانا استخرت كذا مرة واحس مرتاحة لهالشخص نفسه اما المادي مافكرت ابدا خلاص مايبيلها كلام اهم شي انتي مقتنعه 00وابد لاتقارني نفسك بأحد وان شاء الله تتحسن احوالكم بعدين قال تعالى {وان خفتم عيله فسوف يغنيكم الله من فضله} والله يسعدكم ويرزقكم من حيث لاتحتسبون |
وافقي عليه بشرط يمشي لك مصروفك من اهلك 1500
عشان تغطي على مصاريفكم |
اقتباس:
طيب وشر ايك بالسكن ؟؟ عادي اسكن مع اهله |
اقتباس:
خلاص اذا تزوجت فاهلي ماتدخل بي ولا اتدخل بهم من ناحيته المصروف |
طيب وشر ايك بالسكن ؟؟ عادي اسكن مع اهله
اذا بمقدوره خذوا بيت صغير على قدكم لكن اذا ظروفه ماتسمح لاتضغطي عليه واسكني عند اهله 00ومن البدايه خلي علاقتك معهم مبنيه على الاحترام ولا تقارني بين عيشتك عندهم وبين عيشتك عند اهلك واول ماتتحسن اوضاعه طالبيه ببيت حتى لو كان صغير اهم شي تستقلون لحالكم00 وربي يوفقكم |
التضحية بالحياة والتعاون هي اللي تبني للطرفين قيمتهم عند بعض ...
بالنسبة للسكن عند أهله ، أؤيد ذلك بشرط معرفتك بأهله وطبيعتهم .. مثل كيف حنان والدته وهل هي متفاهمة أم متسلطة.. عندهم أحد راعي مخدرات وخرابيط ومن هالامور ... اجتماعاتهم وأفكارهم كيف طبيعتها ... بالعكس الزوجة الطيبة هي اللي تجمع زوجها بأهله لاتبعده عنهم .. بس مثل ماقلت طبيعة الحياة تغيرت ونفوس الأهالي ليست كالسابق .. تأكدي من بعض الأمور وان تطمنتي منها فتوكلي على الله .. أما راتبه وماراتبه .. فأهم شيء شخصيته إذا هو كويس وعنده همّ ويحس بالمسؤولية ... عاااادي تري الزواج يجيب الرزق .. وبالتوفييييييييييق ،،، |
الله يوفقك ويسعدك احس صعبه السكن مع اهله
واصابعك ماهي سوى يعني الاهل مو كلهم زي بعض محافظ ع الصلاه واخلاقه حلوه وش احسن من كذا الله يكتبلك اللي فيه الخير |
أختي العزيزة
بس كنت أبي انبهك علي نقاط تفكرين فيهم قبل أتخاذ قرارك: اول شي كم عمر الخاطب و وش نوعية عمله؟ يعني هل في مجال التطور في عمله ام ماذا؟ هل تظنين يقدر يعيشك حياة مستورة و ميسورة لو صبرتي كم سنه؟ ****** ثاني نقطه انج قلتي اهلج مادياتهم ممتازه و انتي تاخذين 1500 ريال من اهلج مصاريفج الشخصيه يعني انتي ماكلة و شاربه و قاعده ويا اهلج و مصاريفج الشخصيه 1500 :) طيب حبيبتي تقدرين تضحين في المستقبل لانج أكيد لازم تقولين باي باي لوايد اشايء كنتي تسوينها في بيتكم 3000 ريال لج و له ... هذا غير الطفل اللي راح يجيكم عقب سنه تقدرين تعيشين في حدود 3000 ريال؟ تقدرين غض النظر عن طريقة حياة خواتج اللي قلتي عنها ممتازه ماديا؟ عندج القدرة علي عدم المقارنه؟ ******* هل في بيتكم عندج غرفة بروحج و استقلاليه؟ هل تقدرين تعيشين مع اهل زوجج و انتي حتي ما تعرفين كيف يكون اخلاقهم و تعاملهم معاج؟ هل تقبلين لو فرضوا عليج آرائهم او حتي اكلاتهم؟ :) ******* عزيزتي انا أدري ان موضوع العمر يؤرقك و انا معاج في هل نقطه و ادري بعد ان الاخلاق و المواصفات الزينه مهمه في الزوج ولكن حبيبتي قبل ما تاخذين اي قرار لازم تفركين في النقاط اللي تكلمنا فيه عشان لو قبلتي بالزواج معاه خلاص تكوننين مقتنعه فيه و باجر لا تندمين علي هل قرار العاطفه مهمه في اتخاذ قرار الزواج ولكن العقل بعد يلبع دور كبير و التكافؤ بين الزوجين مهم جدا سواء ماديا او دراسيا او من ناحية مستوي الاسرتين ***** فكري و لا تستعجلين تري هذه زواج و مسؤؤليه ***** ربي يسهل لج يالغاليه |
خذي بنصيحة الأخت بنت الكويت
ثم استخيري كثيراً ثم قرري ::: تذكري قول الله تعالى(و إن خفتم عيلة فسوف يغنيكم الله من فضله إن شاء) |
| الساعة الآن 06:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©