|
الغربه تقسي القلوب
السلام عليكم و رحمه الله و بركاته
كنت سابقا اسمع عن هذه المقوله استغرب و انا احن بشكل جنوني لكل ما هو يمت لبلدي بصله و لاي بلد ينطق بلغه الضاد ولاي بلد يرفع فيه الاذان الان لا اعرف لماذا لكن لم اعد اهتم طالت المده و جفت المنابع ،،،، قبل فتره سافر زوجي لرؤيه اهله بعد غياب رجع يقول لي البيت غير البيت و الاطفال كبرو و اصبحو رجال ونساء غريب داخل بيتي لم اميز حتى وجوههم فرح برؤيتهم لكن لم يجد نفسه بينهم كيف استعيد الحنين و الشوق و اوصله لقلب اطفالي ما يروه بلتلفازلا يشجع كثيرا الان اريد ان يخفق قلبي من جديد ويتجدد الحنين كل ما اجده منفر و مستفز هل ستكون فضفضه مغترب ام اجد عندكم الحلول |
السلام عليكم ..
الله يرجعكم بالسلامة ويحفظكم من كل شر يا رب .. أحب اقولك يا غربة ان الناس مب وحدة .. أعرف ناس مغتربة ولا يبون يرجعون .. وناس ميتة متى تخلص وترجع .. وانتي زي ما قلتي كنتي من النوع الثاني وبردت مشاعرك .. فليش ما تتفرجي على صور الأهل وتحكي لعيالك عن مواقف حصلت لك في طفولتك .. وصدقيني الغربة أحيانا يحس فيها الواحد وهو في بيته وبين أهله مثل حالة أختنا دلوعة مودي الله يفرج همها .. وهي أسوأ من غربة المكان ... الله يديم عليك وزوجك وعيالك النعمة ويردكم بصحة وعافية |
اقتباس:
حللتي الموضوع بطريقه منطقيه انا هذا الي خايفه اوصل له اني اكون من النوع الاول بلنسبه لصور الاهل و ذكرياتي احكيها لاولادي انا و ابوهم جابت نتيجه عكسيه ،،، حسستهم باشياء تتفاوت بين 1- نحسسهم بلنقص الي عندهم 2- اننا نتفاخر بلي كان عندنا وهم ما عندهم 3-الي ما نشوفه ما نعرفه بلبدايه كانو يريدون حلول واقعيه بلاخير مش سائلين باحدولا هامهم ولا يسالون بلمناسبات المدرسيه مثلا يعملو دعوه لاجداد الاطفال وقرايبهم الحل 1-لقيت ناس اعرفهم وحيدين عجايز يرافقوهم 2- احيانا يجي طفل ومعاه الجدين من الناحيتين فيتاشركو باجدادهم مع اطفالي كبرو خلاص ما عاد ت مهمه صحيح دلوعه الان تحس انها وحيده بس خلينا نحسبها صح تحت اي ظرف و لو جد الجد حتلاقي اهلها معاها الان مشاعري وقلبي جامدين ما يتحركو ناحيه اي احداث لا فرح ولا حزن ،،،، اشياء كثير اسويها من باب كسر الروتين و لخاطر الاطفال ممكن اعيش لا منتمي ،،،،،، با ادور على حل لهذه المشاعر |
شكل المشكله ما الها حل عندكم
|
الله يعينج يا غربة وينولج اللي في بالج
بس عندي سؤال انتوا غربتكم دائمة والا بس دراسة وبترجعون |
الغربة مرة
تدري إني أعاني من نفس احساسك حاليا ؟ ماني عارفة ؟ من الحمل و الوحام .. و لا بسبب الغربة ؟ مثل ما قلتي و وصفتي .. قلبي صاير جامد مرة و مافي شئ يحزنني و لا يفرحني ..؟؟؟ متضايقة من حالي من كم يوم .. : ( |
أهلين حبيبتي غربه أعتقد انك خلاص إتأقلمتي مع العربة وطبعاً احساسك بالحنين و الشوق موجود بس يقل مع الوقت وهذا شيء طبيعي جدا بس لا تستسلمي ودائماً خلي في بالك انك هنا بس مؤقتاً ومهما طال الوقت إلا ما ترجعو أما مع عيالك أفضل حل أمي وأبوي كانوا يسووه هو انهم كانو ديما يذكرونا اننا نتصل بالأهل بين فترة وفترة مش في المناسبات بس وتعودنا ديماً نتصل بالخالات والخوال والعمات والأعمام وعيالهم وأجدادنا و جدادتنا وديماً على إتصال فيهم، خاصةً عيال العيلة نشوفهم في فيسبوك ومسنجر وتويتر وعلى علم بأخبارهم إللي نجح وتخرج إللي تزوج إللي جاب نونو اللي سافر رحلة و جاب معه صور إللي إشترى سيارة جديدة وحط صورتها إللي راح الحج إللي معصب و انسرق منه شي هههه و تعودنا اننا ديماً نسمع أخبراهم و جديدهم ونساعد بعض إذا محتاجين شي علميهم انهم بنفسهم يتصلو بالأهل و خليهم يكتبو عندهم ارقامهم أو أسهل شي لهم هو مسن أو فب أو حتى تويتر الحمدللة التكنولوجيا قربت الكثير من بعض و وكأننا في مكان واحد بكل صراحة يا غربة أقلك القصة هذه حصلت معانا سافرنا من السعودية وأنا بعمر 10 سنوات يعني اتذكرها شوي وأتذكر الأشياء الحلوه مثل البحر والملاهي ورحلات البر مع العيلة كلها يعني ذكريات حلوه رجعنا مرة زيارة بعد 6 سنوات و كان عمري 16 سنه و حسيت كأني غريبة في بلد ما أعرفه ولا كأنه بلدي و الناس كانو ما يرحمو ينادونا عيال أوروبا و نظرتهم ما عجبتنا، اخواني الصغار كانو يبكو ويقولو ماما رجعينا هنا مش حلو والعربي مكسر و كنا مسخرة العيلة و الكل يضحك علينا،، و مافي شي إسمه نضام السيارات في الشارع و ضجة مره والله كنا مره مكسوفين من الوضع هناك و حاسين بالخوف مع إنه المفروض كنا نحس بالأمان لأننا ببلدنا وبعد هذيك الزيارة أبداً ما رجعنا لها ثاني والكل رافض تماما،، ما في غير امي وأبوي كانو يروحو لحالهم الحين عمري صار 24 سنة و صرت أم و لازم أعلم أطفالي إنه هناك بلدنا وانمي فيهم حب الوطن كيف أسوي كدا و أنا أساساً ضايعه ماني عارفه لمين انتمي وين ما رحنا لقب أجنبي ورانا حتى في بلدي إلي فيه أهلي و ناسي يقولو عن كدا ماعليش يا غربه طولت عليك جيت ابغى أطبطب عليك لغيت نفسي محتاجه حل وطبطبه :p |
لوف أوف لايف ..
جبتك يا عبد المعين تعين ... هههه :p أشوف اسم نورة تحت ، يمكن تنقذنا ^_^ |
[QUOTE=روح الطير;2584846]
جبتك يا عبد المعين تعين ... هههه :p /QUOTE] هههههه اسكتي بس :( |
تدري مالي خلق اكتب رد اليوم مادري ايش فيني
بس ماقدرت اقاوم موضوعك :) حبيتي كان شعوري مثلك .. متاقلمة و حياتي و لا احلى و مافي حنين ابد للوطن خاصة و انه اهلي عندي و اغلب اقرباءي من خالات و عمات اصلا مهاجرين و جدتي اللي كنت متعلقة فيها توفت .. يعني كنت اقول ايش اللي يربطني بالوطن و لا شي .. كان في حنين خفيف بس عادي يعني مو دايما على بالي اول سفرة كانت بعد 10 سنوات اغتراب .. و كانت عشان اهل زوجي يشوفوا حفيدهم .. و كانت رحلة قصيرة فقط 3 اسابيع بس فعلا يا غربة ما اقدر اقولك كيف رجع الحنين و الشوق رجعت اتذكر كل شي اول مادخلت بيتنا بكيييييييييت بكيييييت .. بكيت لما شفت كرسي جدتي الله ريحمها فاضي لما شفت الحوش:) اللي كنا نلعب فيه كل يوم و تحرقنا الشمس :) بكيت لما طلعت الطابق الثاني اللي كان لسه مش مبني و نلعب فيه بيوت بيوت لما رحت بيت عمي و شفت اولاد عمي و بنات عمي كبروا و صار عندهم اطفال ياختي حتى الشارع المودي للمدرسة كنت امشي فيه و ابكي رجعت الذكريات و رجع الحنين و رجع الشوق كلام زوجك صح و يمكن تلاقي سلبيات و يمكن تلاقي نفوس بعض الناس تغيرت و صارت مااادية .. بس الاهل المقربين منك زي اخوانك و اخواتك و اعمامك و اخوالك عمرهم ما يتغيروا تحسي بفرحتهم فيك .و على ترحبيهم فيك و يحتاروا كيف يكرموك رغم بساطة امكانياتهم .. تنصدمي ببعض التغيرات ببيبئتك ... ممكن تقولي احنا بالغربة مو كدا بتشوفي صيااعة ماحصلت :) و ناس مسلمين بالاسم تحصل لك شوية صدمة .. على قولتك cultural shock بس تتعودي بعد فترة تستغربي من طريقة حياتهم من طريقة تربيتهم لاطفالهم ..من نمط معيشتهم حتى بابسط الاشياء زي المكياج و اللبس :) ياختي صارت لي اكثر من مرة اكون معزومة على غدا ااروح و انا لابسة شي انيق و حاطة مبك اب خفيف اتفاجأ بهم يقولوا لي يالله قومي بدلي و اتمكيجي :) اقول لنفسي لهذه الدرجة شكلي مبهدل :) بس لما اشوفهم طالعين و ضاربين علب مكياج فوق العيون و اللبس يلمع .. اعرف انه الموضوع اختلاف اذواق ليس الا المهم بعد سفرتي الاولى رجعت و انا ابكككككي خاصة انها صادفت العيد الاضحى هناك .. لما كنا نمشي و نسمع تكبيرات العيد يااه شعوووور فظيييييع فظييييييييييييع .. رجعت لي فرحة العيد و حسيت فيه و صممت المرة الثانية اطول.. و فعلا السفرة الثانية كانت السنة اللي بعدها و طولت 3 شهور .. و برضو مااشبعت طلعت و انا ابكي و هذه السنة الله اعلم بنسافر و لا لا مع الاوضاع المضطربة بس برضو مااشبعت منها و بكل سفرة يزيد الحنييييين اما اخوتي و برغم انهم سافروا من الوطن بدريي .. يعني مالحقوا يكونو ذكريات .. لكن بعد اول سفرة لهم ارتبطوا كثيييير بالوطن خاصة البنات و كونوا علاقات مع الاهل و الاقارب و مصممين كل سنة يسافروا يوفروا من فلوس الجامعة عشان يسافروا عالصيف لا تقلقي مشاعر مؤققققتة و لما ترجعي اول زياارة بيرجع الحنين و الشوق |
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©