|
زوجي يخونني
السلام عليكم ورحمه الله وبركاته لقد طرحت قبل فتره مشكلتي وهي اكتشافي لخيانه زوجي لي قبل ان اكمل السنه من زواجي وللأسف لم استطع ان اتواصل معكم في الفتره السابقه بسبب انقطاع النت لدي وحينما عدت لموضوعي وجدته مغلق تفاصيل مشكلتي هنا http://www.66n.com/forums/showthread.php?t=220713 لذلك اضفت موضوع جديد وددت ان اكمل لكم بقيه احداث مشكلتي لكي اجد التوجه السديد والحكيم من قبلكم فقد لمست الحكمه والاتزان ومخافه الله عند كثير من الاعضاء الافاضل هنا وكلي طمع بمشورتكم عندما طرحت مشكلتي للمره الاولى بعض الاعضاء نصحوني بمواجهت زوجي بخيانته وفعلا اخترت الوقت المناسب واستجمعت كل قواي ورتبت افكاري وجهزت ادلتي وواجهته بالموضوع بكل ادب وهدوء وحزم طبعا هو انكر في البدايه وحاول انه يبرر وقالي انتي فهمتي غلط بس لما قلتله الكلام والمسجات اللي تدور بينهم واني عارفه كل شي من البدايه بس ساكته بنيه ان الله يهديك وانك تصحى من غفلتك لاني ابغ احافظ على بيتي بس لما شفتك تماديت ماقدرت اسكت قررت اواجهك واصحيك من غفلتك وحصل اللي ماكنت متوقعته اتوقعته يعتذر ويحاول يراضيني او يتركلي سبب يخليني اقدر اسامحه واحاول انسى او اتناسى بس للاسف عصب ورفع صوته علي وقالي انت لازم تثقين في كلامي دام قلتلك مافي شي يعني مافي شي كلام زايد ماابي اسمع حاولت اهديه وقلتله لازم يكون في حوار ماينفع تتهرب بالطريقه هذي انا ماني مغفله ولاغبيه عشان تستغبيني او تحاول انك تسكتني بأسلوب القوه والفرض انا زوجتك ومن حقي انك تحترمني واني احس بالثقه والامان معاك قال انا الرجال واسوي اللي يعجبني عجبك ولا روحي لهلك وطلع وتركني وهو رافض اي نقاش بيني وبينه وانا من وقتها في صدمه وحاسه بإهانه كبييييييييره ذبلت من كثر البكا وتفكيري مشتت حاولت اكلم ابوه بس للاسف مسافر وماراح يرجع قبل اسبوع قولولي وش اسوي شورو علي اروح لبيت اهلي واحفظ كرامتي وادخل اهلي بالموضوع افيدوني وش اسوي انا حامل وماابي اندم على قراري جزاكم الله عني خير الجزاء |
ولا تكلمى ابوه ولا حاجه
اعتزليه وادى ماعليك تجاهه فى صمت وان فتح الموضوع لاتردى عليه . الصدام يخلى الراجل يعند وتديله فرصه انه يستمر فى الخطا وعنده المبرر . اما اذا صعدت الموضوع .. اغلب الظن انك لن تجدى من ينصفك خاصة انه انكر وجود اى علاقه . هناك اكتئاب الحمل وانت واقعه تحت تاثيره فلا تجعلى تلك المواضيع تؤثر على نفسيتك |
اقتباس:
يااختي كيف اعتزله وكيف اصمت واتجاهل الموضوه وهو يكلم وحده طول اليوم ورسايل حب وغرام والله اعلم اذا فيه لقاء او لا وحنا تونا متزوجين مالنا سبعه شهور زواج والله مااقدر اسكت اكثر من كذا وهو بيكمل شهر على ها الحال واذا سكت الموضوع بيكبر والعلاقه بينهم بتتطور |
معقوله سبعه وتسعين مشاهده ومحد بيرد ابغ احد يساعدني في اتخاذ قرار حازم مع زوجي كيف اتصرف بعد رده فعله وهل اطلب الطلاق |
بعد قراءتي للموضوع ...
نعم إذهبي لأهلك ولا تعودي إلا بعد أن يعتذر بوضوووح ... |
وعليكم السلام ورحمة الله وبركاته
اختي الفاضله هديلو اسمحيلي اقولك انك انتي السبب في اللي انتي فيه سبعه اشهر وصابره على اساس الله يهديه كان المفروض من أول مالقيتي الأدله تاخذي موقف تجاهه عشان يعرف قيمتك مو ساكته على نفسك الين الحين تقوليله انا عارفه من سنه من اسلوب كلامك حسيت انك انسانه طيبه ومحترمه خذي موقف عشان يعرف قيمتك ويحس بغلطه مافي شي يجي بالقوه والجبروت بس حاولي في كل الأحوال ماتخربي بيتك يعني شوفي احد حيكم وفكره سديد في العائله وتعرفي انه يقدر يأثر عليه ودخليه في الموضوع حاولي تحلي مشكله لاتحاولي تكبريها الله يصلح زوجك ويهديه يارب |
حبيبتي
ناقشتيه وما نفع وحامل ولا قدرك ولا شيء بعد صبرتي 7 شهور ولا نفع وش بقى ! بقى بيت اهلك يابنت الناس كرامتك خلاص هو قالها اطلعي اخاف تصبريييييييين وتنتظرين متى يجيك يعتذر ؟! والنهايه يدخلها عليك ! حبيبتي افتحي النقاش مره اخرى قولي يانا ياهي .... وانت سكتني لاني على حق ؟ صدق خليه يهااااوش خليه يسؤي الللي يبيه والنهايه اذا مانفع للمره ال2 اذهبي بيت اهللللللللللللللللللك ..... |
حاسة فيك يا اختي الله يعينك
بصراحة اتفق مع همس فكل كلمة قالتها حاولي مرة ثانية وبعدها يصير خير يارب يفك كربك ويسر لك امرك وانصحك حاولي انك تهداي حبيبتي عشان التعصيب مش كويس لكوللجنين . بالتوفيق |
نصيحه لك من قلللب محروق وذايق مثل ماذقتي
رووحي لاهلك روحي لاهلك انا مثلك قلت لعل وعسى وحاولت اتقرب واتقرب بس وربي ماينفع معهم اللي كذا الا البعد روحي لاهلك ليش تعذبين روحك واهو والله مو حاس فيك يطلع من عندك يكلم ويرجع وكانه يقول انا الرجل انا القوي انتي بس اجلسي واصبري كلمه اخيره هذا طريق اللي يطيح فيه مستحيل ينجو منه الا بقدرة قادر وتضلين كذا طوووول عمرك |
زوجك شايف روحه و حاسك ضعيفة ما بتسوين شي..
راويه وجه ثاني لش .. يعني قلبي الدنيا فوقه.. و حسسيه انش مو الطيبة و الحبوبة اللي يعرفها،، و اذا تبين تعرفين قيمتش عنده روحي بيت ابوش ،، و خلي لش شروط للرجعة ما تتنازلين عنها،، اصلا هذا ما يستاهلش.. |
| الساعة الآن 01:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©