|
للمطلقات امهات الاطفال
اخواتي المطلقات هل حصلتن على حضانه اطفالكم بسهوله
انا ارغب بالطلاق من زوجي لكن خايفه يحرمني ولدي عمره سبع شهور هل يقدر ينفذ كلامه له نه هدد بالشي هذا ومخبي النيه لو حصل طلاق ياخذ ولدي ويخبيه عند امه بمنطقه ثانيه طمنوني الله يطمنكم ويريح بالكم خايفه موت على ولدي انا ناويه اذا استمر بمعاملته السيئه اني اخلعه في حاله رفض الطلاق ماقدر اعيش من غير ولدي |
ياعمري ولدك لسى صغير في حضانتك إلى أن يبلغ سبع سنوات وبعدها يخير إذا طلب والده حضانته ، إلا إذا فيه أسباب يقدر بموجبها ياخذ الحضانه منك ،، عندك أسباب تمنعك من حضانة ولدك ؟؟
إذا لا ، فحضانته لك إلى عمر 7 سنوات ثم يخير بينكما إلا إذا تزوجتي فإن حضانته تكون لوالدتك .. |
مرحباً .. إن كان القاضي سيحكم بحكم الله سيحكم لكـ وإن كان من كثيرين رأيتهم سيحكم لهـ .. خصوصاً لو تجرئتي وفكرتي بالبداية من جديد مع شخص آخر .. إسمحي لي زوجك لئيم وإلا لما فكر في إستخدام طفل للضغط عليكـ .. فكري قبل أن تقرري هذا الطفل يستحق أن يعيش مستقراً أعيدي حساباتك لتقرري جيداً .. أسأل الله لك كل خير . إحترامي |
السلام عليكم ورحمة الله لا اريد ان اعطيك ردا مؤكد ,, لكن ما اعرفه ان التشريعات تختلف بعض الشئ من دولة لاخرى .. لكن الثابت كما قالت الاخت غربة الروح ان الولد يظل في حضانة امه إلى ان يبلغ 7 سنين بعدها يخير ,, لكن غالباً ان الوالد لن يطالب بالولد فهو يعلم ان وجوده معكي الاصح وهو في غنى عن تحمل مسئوليته .. ولا أظن ان الطفل سيقبل ترك امه ابدا ,, كان الله في عونك أختي ,, اهم شئ التربية الصالحة للولد ,, |
اسمعي يالغاليه
انا بنتي عمرها 3 سنوات .. بس مارحت اول جلسه .. وراح طليقي .. قلب راس الشيخ علي واتهمني اني ما اخليه يشوفها وحكم علي الشيخ باني اسحب بالقوة الجبريه اذا احتاج الامر من بيت ابويا ويودوني للقاضي اذا ما وافقت على اني اعطيه بنته كل يوم خميس ياخذها 24 .. وكل هذا الاخبار جاتني من الشرطه المركزيه .. بعد مارحت .. حسسوني اني يالقذافي يا مهربت مخدرات .. امهم وقعت على الموافقه من الشرطه وعلطول للمحكمه عند نفس القاضي .. وجبت ورق من المركز انه كان يشوف بنتها بانتظام وانه ما اشتكا لهم لما عملنا الاتفاقيه انوا يجي ياخذها من البيت واني ما اخليه يشوفها .. وهذي الادله خلت القاضي يلغي الحكم الصادر علي وعلى البنت وانوا يرجع يشوفها بس ساعتين كل اسبوع الى ان تبلغ ال5 على ما اعتقد بعدها تبدى المبيت عشان تتعود لا وصلت 7 على اهله ...... كل المهم في اي قضيت حضانه هو التالي وهاذا لالالالالالالالالالازم تعرفه اي ام قبل لا تروح للشيخ ... مايضيع حضانت اولادك الي الاسباب التاليه 1 تمنعيه يشوفهم 2 ما يكون عندك اثبات انه يشوفهم .. سوى اوراق من مركز موده او شهود في الحاره او كل مرة ياخذهم من البيت عندك يوقعلك على الورقه انه استلمهم ومتى راح يجيبهم وهي لازم تحتفضي فيها ويكون زي سجل الزيارات الى ان تهدئ انفوس ويهدى الغضب و العناد بينكم على الطلاق والمشاكل ساعتها راح تتفقون ان المهم هو مصلحت الاولاد.. بعدين انا بقلك شي .. ترى انا ماكنت اطيق ريحته او وجهه حولي من المشاكل الي صارت لي والامراض الي جاتني بزواجي منه ... بس بعد الطلاق والله ندمت يوم شفت كل واحد يناضر في بنتي ويقول الله يقطع ابوك وامك الي ما قدروك ولا خافوا عليك وكان كل همهم انهم يرتاحون في حياتهم هم .. والله ان حتى نفسيت البنت تغيرت وصارة تنادي كل من تشوفه يخرجها للسوق ويلبس ثوب رايح السيارة تناديه بابا... راجعي نفسك واخطئه واخطئك ترى رغم الي صار معي من يوم عرفته والله اني ندمت عشان خاطر بنتي .... والله يصلح احوال المسلمين.. |
أختي نصيحتي لك غذا معاملته سيئه
الجئي الى الله وان اخذ ابنك اسئلي الله يرده لك كم رد موسى الى امه |
غربه الروح....مثل ايش الاشياء اللي تمنع حضانه الطفل...اذا عن الزواج انا مافكر بالزواج ابدا بعده...انا موظفه وبكامل قواي العقليه والجسديه واقدر انفق عليه
t3b......هذا اللي انا خايفه منه اني اطيح بقاضي ماياخاف الله ويخسرني حضانه ولدي.. اللي ماحكم لهم القاضي بشرع له ليه يستكووون...زوجي يبغى بنت بعد لانه عارف البنت سبع سنوات واهي عنده...عشان كذا انا افكر بالطلاق...حظي طحيني بزوج ينظر للزواج على انه معركه ..ربي ينصرني هل الطلاق افضل لطفلي ام العيش بين ام وابو غير متفقين ومزيد من الضحايا؟؟مو عارفه ايش اقرر والله تلميذه الايام....الله يسمع منك يارب ليالي اسمر....اشكرك على كل كلمه ونصيحه قلتيها...انا بعد خايفه اندم واقول ليتني صبرت اتحملت عشان ولدي...انا دخلت هالمنتدى عشان اخذ باراء الناس المختلفه واشوف يمكن في حلول لمشاكلي..والله يصلح لك شانك كله ويحفظ لك بنتك معتزه بديني....الله يفرج كربتي ويبصرني للحق....ولايحرمك من بنتك دقيقه ولا يبتليك بفقدانها يارب اشكركم جميعا على ردودكم وتفاعلكم معاي اتمنى البقيه يردون علي ويعطوني ارائهم ماعندي خلفيه عن الحضانه كيف وضعها بالبلد درسنا انه الولد الى سبع سنوات ثم يخير هل يطبق هالشي بالقضاء السعودي |
| الساعة الآن 04:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©