|
ساعدوني ارجوكم ساءت حالتي كثيرا
السلام عليكم
مدري وش فيني احس عندي حاله من كثر الضغط النفسي وابتعاد زوجي واهماله لي وهجره حتى الشغل بالبيت اشتغل ليل ونهار حتى النوم ماتهناه من بنتي الصغيره يقول لي ماعندك ولا شغل (ماعندي شغاله)احس صرت شغاله بالبيت بس اشتغل واربي ولما يجي وقت النوم انام حرام والله حرام رجعت للاغاني بعد ماتركتها وشوي استغفر الله واتوب بس ارجع واحاول امسك نفسي واجاهدها للاسف حطيت بروكسي وصرت ادخل للمواقع المحجوبه والكارثه اني لاابحث الا عن مقاطع الفتيات وصورهن صرت اعلي صوت الاغاني لاخر شي وارقص .. رجعت امارس العاده السريه بعد ماتركتها خوف من الله احس جواتي بقهر بغضب بحزن انتقام احس اني بارجع لنفس حالتي لما رجعت لزوجي من قهر الاهل وقهر الزوج واهماله وخيانته لدرجه اني صرت ادخن ارجوكم لاتستهزءو فيني والله اني اكتب وانا ابكي استغفر الله العظيم |
الله يهديك ويفتح على قلبك ،،
الله يسخر زوجك لك ويسعدكم ،،، اختى اقرائي قران وخاصه سورة البقرة وخلي القران صديقك وانيسك وان شاء الله تتحسن كل امورك باذن الله ، الله يحفظك يارب،، |
أسأل الله أن يربط على قلبك...
لعل أعمال البيت والإجهاد تلهيك لهذا اندمجي فيها تماماً حتى ينشغل ذهنك عن غيرها... شغّلي سورة البقرة بصوتٍ عالٍ في البيت... أكثر من الاستغفار باستخدام أصابع يدك اليمنى... احذفي البروكسي، وكلمة السر، وارميها بعيداً... قزمي بزيارة أهلك أو صديقاتك... ::: إن شعرتِ أنك مخطئة في حقه أو على الأقل هناك أمل في ليونته معك قومي بما يلي: اجلسي مع زوجك، وضعي أيديكِ على مكان الخلل وأصلحيه، ثم احتوي زوجك بأنوثتك... ::: التزمي الدعاء بأن يرقّق الله قلب زوجك... |
طيب ياااختي اجلسي مع زوجك تصارحوا وتفاهموا
شوفي انتي ايش اللي مقصره فيه وكمليه وبرضه وضحيله الشئ اللي مقصر فيه ويكمله ان شاء الله بالحوار الهادئ توصلون الى حل وبعدين من قالك ان الاغاني بتزيح همك وتريحك الا بتجيب لك الهم والغم واستبدليها بالاناشيد وطفله واحده ان شاء الله امرها بيتسهل انتي حاولي تنظمين نومها يعني ماتخلينها تقيل لو يصير اللي يصير واذا قيلت خليها شوي مو كثير عشان تنام لك بالليل واما شغل البيت الله المستعان العمر يخلص والشغل مايخلص بقولك شغله سويلك لسته باعمال المنزل ورقمي كل شغله وانجزي منها كل يوم اللي تقدرين عليه ثنين ثلاثه المهم ماترهقين نفسك وحاولي تخصصين لك في كل يوم كم وجه من القران عشان لاتطوى صحيفة يومك دون تلاوة هذا الكتاب العظيم وبرضه حاولي تخصصين وقت وتمارسين هواياتك المفضله همسه اذا كان عندكم في الحي مركز لتحفيظ االقران سجلي فيه انتي وبنوتك وصدقيني راح تنبسطين كثير هذا غير الاجر والثواب ان شاء الله الله يوفقك |
الله يهديك أختي ,لما تلجأين للمعااصي وش تستفيدن , بتكثر الهموم وضيقة الصدر والطفش .
أكثري من الإستغفاار وإلجأي إلى الله هوالقادر سبحاانه يغير الحاال , ومن ترك شيئا لله عوضه الله خيرا منه . والله كل الرجاال يقولون نفس الكلام ماعندك شغل , وهم نص الهم والشغل . وصدقيني لوقاالك كلمة حلمة أو مدحك رااح ترتفع معنوياتك وتشتغلين بنفس, الحريم الوقود الي يشحن طااقتهم الكلام الحلو من أزواجهم . |
حبيبتي الله يعينك على ماابتلاك من اهمال زوجك لك ولكن أخيتي لا تقابلي الابتلاء بالجحود والمعاصي
حبيبتي لكل منا ظروفه الخاصة من ضغوط وقهر وما الى ذلك ولكن بابه كبير تضرعي اليه التمسي رضاه سبحانة اشكرية على نعمة العظيمة فالدنيا لم تقف عند عتبة زوجك حبيبتي لا تعيني الشيطان على نفسك كوني قوية بإيمانك استغفري الله الجئ الية توكلي علية رددي من دعاء اللهم تولني فيمن توليت فمن تولاه الله لن يخسر ابد استغفري غفار الذنوب توبي اليه عودي اليه عندها ستجدين ابواب الخير فتحت اليك وزوجك عاد اليك عودي اى الله فحياتنا بدون طاعتة لا تساوي شيئا مع ودي |
سوف اقول لك يا اختي كلمة واحدة وهي الصلاة بليل وقراءة القران وكدلك الدعاء وكتري من الاستغفار مافي احلى من تقرب من لله سوف تشعرين براحة تامة وسعادة وطمانينة لان ما في شئ افضل من كلام لله والصلاة على نينا محمد صلى لله عليه وسلم توبي يا اختي توبة نصوحة ولا تتركي الشيطان يغويكي .لله يهديكي
|
عزيزتي وهل بعد مافعلتيه احسستي بالراحة
هل احسستي انكي الان في نفسية افضل وان وضعك تحسن وان الامر بينك وبين زوجك بدا بالتحسن اترك الاجابة لكي وتذكري ان كل كل انسان في هذه الدنيا مبتلى كل بقدر ايمانه الم يقل الله عز وجل (لقد خلقنا الانسان في كبد) وان لم اكن خاطئة الست انتي من كنتي قررتي ان تعيشي حياتك وتنسي خيانة زوجك مالذي احبطك وثبط عزيمتك |
اقتباس:
سبحان الله ردك كالبلسم الله يجزاك خير |
اقتباس:
هذا اللي اسويه مااحب اجلس بدون شغل واذا مليت رحت اشتغلت اي شغل في البيت وطبعا احتسب الاجر لان بنظره ماعندي شغل بس وبعدين انا في النهايه انسانه وزوجه لي حقوق البروكسي من زمان حاولت احذفه لاني مااحب اخلي عندي مجال لشي حرام بس يقول البرنامج قيد الاستخدام قم بالغاء اي برنامج ثم اعد المحاوله اتمنى تساعدني اذا تعرف لاني عجزت احذفه ( سبحان الله حطيته اصلا عشان افتح موقع الساحات بس خطوات الشيطان اوقعتني اعوذ بالله منه ) بالنسبه للخطأ طبعا انا اخطيت بطريقتي في ابلاغه بالايميل اللي شفته وحاولت اني اقوله انه انا وكذا بس قطع علي الحوار وهو اصلا عمره ماجا ناقشني باي مشكله تصير هو طريقته على طوووول الصمت والتطنيش الين يطيح اللي في راسه استغفر الله بس |
| الساعة الآن 11:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©