|
أثار بر الوالدين في حياتنا
بسم الله الرحمن الرحيم السلام عليكم ورحمة الله وبركاته راح ابدا موضوعي بي احاديث للرسول صلى الله عليه وسلم حدثنا قتيبة بن سعيد حدثنا جرير عن عمارة بن القعقاع بن شبرمة عن أبي زرعة عن أبي هريرة رضي الله عنه قال جاء رجل إلى رسول الله صلى الله عليه وسلم فقال : (يا رسول الله من أحق الناس بحسن صحابتي قال أمك قال ثم من قال ثم أمك قال ثم من قال ثم أمك قال ثم من قال ثم أبوك وقال بن شبرمة ويحيى بن أيوب حدثنا أبو زرعة مثله). رواه البخاري حدثنا أبو الوليد حدثنا شعبة قال الوليد بن عيزار أخبرني قال سمعت أبا عمرو الشيباني يقول أخبرنا صاحب هذه الدار وأومأ بيده إلى دار عبد الله قال : (سألت النبي صلى الله عليه وسلم أي العمل أحب إلى الله قال الصلاة على وقتها قال ثم أي قال ثم بر الوالدين قال ثم أي قال الجهاد في سبيل الله قال حدثني بهن ولو استزدته لزادني). فضل بر الوالدين كبير جداااااا ويظهر في مواقف كثيرة من حياتنا اليومية في ناس تشعر بي اثار بر الوالدين كنت زمان مااشعر بي هذا الشي ابدا الله يجعلني فعلا باره بي امي وابوية انا كتبت دا الموضوع بعد فعلا مالمست وشعرت بي الاثر الحمدلله احب اني البي أي رغبة لاهلى خصوصا بابا بيتعب كثير بس لاجل يرضينا ولو على حساب راحتوا ونفسوا المهم مايحسسنا بي نقص ولا يخلينا نحتاج لشي ولله الحمد الاسبوع الا فات حصلت مشكلة لاهل سواقنا واضطرينا انو يسافر موقتا طبعا السواق كان شايل كثير دوامات وجامعه ومدراس ليا ولي اخواتى حتى الا متزوجة سافر السواق وحسيت فعلا انو تعب من المسئولية المفروض يرتاح مو يتعب اكثر خصوصا انو عمروا فوق الخمسين يزيد التعب مع الامراض ضغط وغيرووا من الامراض المزمنة الله يحفظووا ياارب اكثر شي زعلني انو انا احيانا اضطر متاخر على الساعه 2 وقتها واختى 12 والثانية 3 واخوية موعد طبعا روحة وجاية ووو في دي الفترة ضغطت على نفسي واتحملت انى اخلى كل تاخيري في الفترة الا كان متواجد فيها السواق فكرت مستقبلا انو راح يروح ويجي ويتعب ووو ماحد طبعا فكر وجلست اضغطت نفسي وفي فترة كنت احضر درس نموذجي كنت محتاجة فيه للراحة فعلا عشان اتفرع للي حااقدموا جاتنى الموجهة في يومين وطلبت اقدم درس نموذجي عملى وكنت لسه ماسويت ولا شي رجعت البيت مهمومة ومضغطوطة كيف ا قدم كل شي بي مستوى مناسب وانا ورايا ضغط وراح اتاخر ومتى انام ومتى اسوي ووو في داك اليوم سبحان الله كنت محتاجة احد يساعدني في اشغالى دخلت المسانجر ولقيت صديقات ليا من شهور بدون مبالغة ماشفتهم كل واحده كلمتنى وكل واحدة مسكت مهمة تصميم شي في الدرس والعمل كلها كم ساعة وكل شي انتهى الحمدلله وتانى يوم رحت طبعت اوراقي وملفتى وكل شي خاص بي الدرس والكل ساعدونى في الدوام حتى واحده كانت متزاعلة معاها اتيسير كل شي فجاه والحمدلله عدى الدرس وكان من اروع مايكون والحمدلله كان درس مميز واخدت امتياز في وقتها وسولي احتفال وو:22: رجعت يومها البيت حمدت الله طبعا وشكرتوا وشكرت الجميع على مجهودهم معايا :d بعدها اتذكرت كيف انى ريحت ابوية وكيف ربي ريحني وسهلي كل اموري واتذكرت دعوتوا ليا الخلاصة من ذكري للقصة والا مريت بي انو بر الوالدين لو اثر كبير يعنى شي بسيط ممكن يغير حياتنا ويجعلها افضل اتمنى يكون موضوعي مفيد للجميع امان الله |
ماأجمل ان تشعربلذه العمل !
ماأجمل ان تشعرانك تفكربحق الآخر! ماأجمل ان تعطي ولوعلى حساب راحتك! ماأجمل ان تتعب انت ليرتاح والدك ! ماأجمل ان ترسم بسمة على شفاه امك ! والأجمل ان نتعلم فن برالوالدين !ِ عزيزتي : تلك الحسنة تطيب بها نفس المؤمن، وتؤتي اكلها ولوبعد حين . كنت مرة راجعه من الدوام ،فطلبت مني احدى المعلمات ايصالها لمنزلها لأن زوجها مشغول ، عندما اقتربنا طلبت مني ان اوصلها لبيت والدها وليس زوجها ،قلت طيب. في اليوم التالي: سألتها لماذا لم تنزلي عند بيتك لأني اعلم ان اطفالها ببيتها ،قالت كل يوم لابد ان اذهب لوالدي لكي اعطيه حقنه الانسولين . فحمدت الله ان لي صديقه مثلها ، بارك الله فيها وفيك . موضوع جميل سلمت يمينك . |
ما شاء الله عليك
فعلا بر الوالدين له أثره الكبير , الله يضاعف لك الاجر ولا يريك مكروه في والدينك . ربي يجزاك الخير |
ماشاء الله عليك يابنت مكه
مواضيعك كلها حلوه وهادفه انا من الناس اللي الحمد لله متوفق جداً في حياتي والله اتوقع الشي اللي نفسي يصير ويصير سبحان الله وكثير يقولولي انت انسان مرزق تدري وش السبب إني مستحيل ومن سابع المستحيلات يمر يوم ما امر على امي وابويه واجلس معاهم وبعمري مازعلت الوالده والوالد ابداً ابداً الحمد لله ابويه بحياته مادعى عليا تخيلي انا عمري حدود الـ 30 سنه وابويه لما الحين يقولي يابابا , ياحبيبي :o والوالده عندي شي مقدس ولو تطلب وحده من عيوني اعطيها ياها اغلى مافي حيات الإنسان هذولا الأثنين والده و والدته واذا بعد عمر طويل راح واحد منهم ينغلق بابا من أبواب الجنه ويبقى باب الله يطيل في عمر آيائنا وأمهاتنا ويعطيهم الصحه والعافيه ولا يورينا فيهم مكروه يارب العالمين خالص ودي اختي الفاضله |
تعرفي يابنت مكة أول مره أشعر بأثر من أثار بر الوالدين من حوالي سنتسن لما بنتي كان عمرها ثلاث سنوات يوم جيت أطلع من البيت جت بنتي وجابت حذائي الله يكرمك وحطته عند رجولي علشان ألبسه ماتصدقي وقتها فرحت كثييير وأتذكرت نفسي
كنت غالبا لما أبوي يطلع من البيت أحطله نعاله عند رجوله سبحان الله الي ألهم بنت بهالعمر تعمل هالحركة؟ الله يسعدك على موضوعك الحلو ويرزقك ماتتمني يارب ويجعلنا نعم الأبناء البارين اللهم أميييين |
اقتباس:
يمكن بابك يتقفل قبلهم !! :24: بنت مكه 00 انا يتيمه 00 يعني ابوي وامي صاروا ذكريااات ولله الحمد على ما قضى 00 ولم يبقى لي إلا الدعااااااء لهم 0 الله يجمعنا بهم في جنانه 00 والحقنا بهم بخير ولم يفتنا بعدهم شكرأ على الموضوع الراقي 00 |
الله لا يحرمك الأجر ويوفقك عزيزتي
ما أذكر موقف معين بس اللي يضايقني لين تقول أمي انت أكثر وحدة تحسين فيني وهذاي تزوجت وصرت بعيد عنها صحيح تذكرت سالفة وحده من البنات أيام كنا ندرس كان عندها اختبار وصار عند أمها ضيوف طول الوقت مع أمها تشيل وتحط إلى 11 أو 12 بالليل وهي مادرست مشت على كم شيء عالسريع وسبحان الله جابت درجة مرتفعة في الاختبار بعد توفيق الله ثم دعاء والدتها لها وموضوعك هذا ذكرني بسؤال دائما يجي في بالي كيف ممكن نبر بأمنا وأبونا غير دعائنا لهم نزورهم نسلم عليهم وبعدين لحد الحين فضايلهم بعد الله علينا وهم اللي يساعدونا ويدعمونا كيف نقدر نحسن اليهم في حياتهم شكرا لك على طرح الموضوع |
قال تعالى
: ( ألا تشرك بي شيئاً وبالوالدين إحساناً ) وقال: (وقضى ربك ألا تعبدوا إلا إياه وبالوالدين إحساناً) . موضوع رائع نسأل الله رضاه و ان يرزقنا بر الوالدين جزاك الله خير |
موضوع مميز بارك الله فيك بنت مكة
ومن اسباب إجابة الدعوة بر الوالدين وقصة اويس القرني خير شاهد على ذلك نسأل الله ان يعيننا على بر والدينا |
اقتباس:
اقتباس:
اقتباس:
اقتباس:
ويسعدك ياارب اقتباس:
اقتباس:
اقتباس:
اقتباس:
كنت اتمنى من الجميع المشاركة بي قصص ومواقف اكثر للاستفادة اسعدني تواجدكم |
| الساعة الآن 01:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©