وصلت حدي
 

السلام عليكم ورحمه الله وبركاته
ممكن تفيدوني في شي معقدني مررررررررررررره
كيف الحرمه تزعل من زوجها ويراضيها من دون ماتطفشه او تنكد عليه وتخليه يحس بالذنب وينكسر خاطره في شي ماذيني منه بالمرررررررره
لاني كل ما تزاعلنا قالي انت الغلطانه
قاهرني والله بموت منه

ماشاء الله عليكم كل اللي دخلو وقرو الموضوع مايزعلون بالمره

حبيبتي هوني عليك


أرى أنك تتبعي أسلوب التطنيش ...

فالرجآل نفسهم أطول منآ نحن النساء

إتركيه يزعل أسبوع إن شاء الله شهر

أصبري ..قومي بواجبآتك

تجملي ... وإذآ نآم أطفالك وهو يعلم بوجودك

ركبي لك قهوه وسوي حلى وأفتحي التلفآز وتفرجي

ولا كأنه موجود:d >>>> دآيم تسويهآ

ترى والله الحقرآن يقطع المصرآن:25:

تعجبيني والله لاكن قلبي رهيف مايصبر
واذا زعلك وفقع مرارتك وش تسوين

والله أحقره في البدايه كآن مستآنس على الوضع

بس لمآحسيته تمآدى وأنا اللي ترآضيه كل ماصآر غلطآن

أستخدمت أسلوبه وقسم بالله تغير حتى لدرجة مره سوى قهوه

لنفسه وجآب له حلى وقآم يتقهوى بالمجلس ...>> أنقهرت والله

خذيت شوي وأسمع صوته يندهـ بأسمي خخخخخ جيتك مطبقه

بغيت أطيح >>>>

سويت نفسي زعلانه قال تعالي تقهوي معي

أنا مآني مثل بعض النآس يتقهوون بلحالهم >>>> هنا فطست ضحك

وبعد المنآقشه والأعتذار رجعت الميآه لمجاريهآ ....

بس ترى مانفعت معه بالمره الأولى ولا الثانيه ولا الثالثه

أنتي بس أصبري ....

أرآضيه إذا كنت انا الغلطآنه أمآ إذاهو

نجوم السمآء أقرب له

الله يوفقك وييسر امرك انا دايم اراضي وكل مره انتي ماتسوي شي نفسي ازعل واتدلع زي الحريم
وهو بس يشم ريحه زعل على طول يسحب سيفون وبقوه وشوي والا انا مسنتره عند راسه خبله ماعندي سالفه وشوي والا انا اراضي وهو ماعنك احد بعدين مع العشره انتفخت وصرت ما عاد اقدر اصبر على حركاته لازم اوقفه عند حده

حبيبتي لاتحسبين كل النآس عايشه ومتدلعه

أنا اللي أحاكيك وعن تجربه ألحين مطلقه

بتنصدمين صح بس كل شيء بهالدنيا وارد

وأنا كل ما أنصدمت أو أنجرحت زآدت قوتي

ووالله حتى بطلاقي لم تقطر دمعه من عيني

لأن من بآعنآ بعنآه بأرخص الأثمآن

حبيبتي أخيرآ شوفي مصايب غيرك

بتهون مصيبتك :d

الله يعوضك خيررررررررررررررررررررررررررررر
ياقلبي عليك

ما أبي غير ولدي الله يخليه لي

وإذآ على الرجآل هو بيرجعني

بس أنا رآفضه تمآمآ ..

خلاآآآآص النفس عآفت

الله يوفقك خيتوووو

سبحان الله
انا جتني عقد كثيرة من الزواج بعد زياراتي للمنتدى هذا
يتضحلي أن زوجك شخص محترم مفوه يجيد التحدث والحوار
أنتي تقولين بعد الحوار دائماً يضعك في موقف أنك انتي المخطئة ( انا استفدت بان اضع مجال لزوجتي في المستقبل أن اجعل نفسي أن المخطىء حتى لو كنت غير مقتنع عشان لا تتعقد حياتها مثلك ) !!
ما ادري ليش مجتمعنا يقدس وقدر الخلافات والمشاكل
صحيح المشكلة هذي صغيرة .. لكن كل مشكلة كبيرة بدايتها صغيرة واخشى أن تتطور وتكبر هذه المشكلة وهو المتوقع لأنك تقولي أن المشكلة هذي قديمة وانك وصلت لمرحلة لا تتحملين اكثر ، والله يستر من الجاي
نصيحة ( لا تعملي بعض الطرق السخيفة لزوجك عشان تبيني زعلك مثل البكاء او الهجران او النفسية السيئة او مثلاً اهون عليك او رد اسائته بكلمة شكراً وغيره من الأساليب الفاشلة المعتادة )
طبعاً المعذرة لذكري بعض الامور التي لم تسألي عنها .. والمعذرة ايضاً لأني لم اتوصل للجواب المناسب للمشكلة