|
ابنى و الزن
السلام عليكم و رحمة الله
عندى ولد عمره سنة و سبع شهور و لسة مش بيعرف يتكلم و بنت عندها 4 شهور لاسباب الحمل و الولادة اقمت عند اهلى لمدة 3 شهور و رجعت بيتى و معى امى جلست عندى لمدة شهر تقريبا و سافرت لبلدنا تانى مشكلتى مع ابنى او مشكلته معى الزن اول ما يشوفنى يزن يعنى ممكن يكون بيتفرج على التيفزيون و يبص وراه يلاقينى قاعدة يزن و ميكونش عاوز حاجة يرفع ايده و يشاور على اى حاجة حتى الهوا و يزن انا مش عارفة اعمل ايه انا بحاول محسسوش بغيرة من اخته يعن انا برضعها و اغيرلها و انيمها و ساعات الاعبها و هى على كرسيها و هو طول اليوم رايح جاى يبوس فيها انا مش عارفة اعمل ايه فى مشكلة الزن دا بتكلم معاه بهدوء و باخده فى حضنى و اقوله حاضر و كتير بزعق على الزن بعد ما انفجر انا بلاعبه كتير و بدلع فيه كتير يعنى مش على طول وحشة معاه و امبارح جاتلى حالة هياج عصبى ضربته بالشبشب و انهارت فى البكاء الهيستيرى انا مشكلتى انى بتوتر من الزن اى زن فى الدنيا بيخلينى افقد اعصابى و فى نفس الوقت انا مش بحب انى ازعقله ولا اضربه عشان نفسيته و مش دى التربية اللى احب اربيهاله بصراحة انا بلاعبه كتير و بدلع فيه كتير يعنى مش على طول وحشة معاه بس بجد تعبت جدا من الزن ارجوكم تساعدونى |
كووكاااريتا ياعسل
اخييييرا نزلت مواضيع الشكوى من البيبهات ربي يحميه لك و اخته ياارب و تشوفيهم باعلى الدرجات و المراتب شوفي ياعسل الزن علاجه الوحيد الطنااااش الطنااش الطنااش عارفة انه صعب بالبداية . بس شوية و تتعودي يعني اذا جا و طلب شي .. حاولي تفهمي ايش هو شفتي انه بس حابب يزن و مافيش شي معين طالبه ساعتها كلميه بهدوء وحزم وقولي له بس .. ماما مش فاضية و سيبيه.. خليه يكلم نفسه .. يزن .. يبكي و لا كانه قدامك لو شفتي انك طفششتي من البكا و الزن اما تسيبي الغرفة شوية عشان تهدي و ماتنفجري عليه او تدخليه غرفته و تقولي له بحزم لما تبطل تعال و روحي الغرفة الثانية مرة على مرة بيفهم انه اسلوبه مش نااافع معاك و يبطل لحاله |
يا نورا حاولت اللى بتقولى عليه
بيمشى ورايا يزن لحد ما ينشغل بحاجة للحظات و اول ما يشوف وشى بيزن برضو حتى ساعات ادخل اوضة و اقفل عليا الباب يقفلى من ورا الباب يزن بحس ان مرة جوزى حيرجع من الشغل يلقينى متشعلقة فى السقف و شانقة نفسى |
كوكار..الظاهر إبنك عم بغاااار من أخته..وكل طفل له طريقه في التعبير عن غيرته..وابنك زبطت معاه شغلة الزن..والقصد هو لفت الانتباه له..الله يكون بعونك يارب..كوكار..روحي السوق اشتريله اشياء وافكار جديدة حتى يلعب ويلتهي فيها..في أفكار كتير في محلات الالعاب والعاب غريبة عجيبة..وحاولي تشاركيه في اللعب شوية..وبدّك تطولي باااااااالك..عارفة انه صعب ومش سهل بس حاولي وآخرته ان شاء الله بنسى الزن.
|
| الساعة الآن 09:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©