|
ودي اتخلص من اللهاية
السلام عليكم
الصراحة عندي مشكلة .:( ولدي الصغير سامي اكيد عرفتوه :15: حابة اشيله اللهاية :15: صار لي زمان وانا افكر فيها بس حرام ما هان علي لانه متعلق فيها وايد خصوصا وقت النوم ما ينام الا ما كانت بفمه اليوم مزقها باسنانه فكل ما يطلبها احاول اني افهمه انه مزقها يعني خلاص ما في لهاية يسكت شوي وبعدين يتدكرها ويقعد يبكي عليها مرة ثانية :11: فايش رايكم هدي فرصة عشان انسيه فيهااكيد راح يطلع عيني عشان ينساه :eek: ولا حرام ما زال صغير واشتري له وحدة ثانية:( والطريقة الانسب اللي تنفع عشان ينساها لا تبخلو علي بردودكم الله يجزاكم خير لانها فعلا مسالة متعباني :30: |
اللهاية هي إحدى أخطائي مع ابني سلطان .. وإحدى النصائح (الهدامة ;)) التي سمعتها من أختي.
بهذلتني صراحة .. فقررت إيقاف استخدامها تماماً .. ورميت كل اللهايات في سلة المهملات حتى يكون قراراً لا رجعة فيه .. وكان عمر سلطان تقريباً سبعة شهور. ثلاثة أيام من البكاء .. أول يوم يكون أشدها ويخف تدريجياً .. ثم خلاص .. انتهى أمرها تماماً. |
3ايام بكاء الله يعيني
صراحة تبيلها طاقة وبال طوييييل انا سببي امي صراحة اول ما ولدت سامي راحت واشترتها لي عشان يتعود و يقدر ينام بالليل وارتاح انا من صراخه بس لما كبر صارت كل همي لانها فعلا مو كويسة بس ايش بسوي مشكورة عزيزتي ونورتي موضوعي والله يحفظلك سلطان |
حبيبتي .. استغليها فرصة و كل مابكى وريه اللهاية و هي مقطوووعة
استحملي بكاه كم من يوم الله بيعينك :) بس فعلااااا اللهاية من اسؤ النصايح اللي تجي للام بيوسف من عمر ال 4 شهور وقفتها له .. صح انها كانت تسكته بس صدددقا ما قدرت استحملها عليه .. استحملت بكاءه كم من ليلة و بعدها نسيها و الحمدلله صديقتي استخدمتها من اول يوم عشان تخلص من وجع الراس رغم نصحي لها انها مش كويسة بس ما سمعت كلامي و قالت خليني اناام :) و النتيجة الولد عمره سنتين الان و لازال متعلق فيها بشكل فضييع وللاسف برضو مو راضية تسمع كلامي و تخليه يبطلها تستهل الامور و تقول خليه دامه ساكت ... كل ما تقدم بالعمر كل ما زاد تعلقه فيها ... استمري و استحملي بكاه و حاولي تلهيه باي شي وقت ما يتذكرها و الله يعينيك على بكاء الليل .. بس قوي نفسك و كله لمصلحته مهررة . فقددتك يا مختفية .. قلت البنت يا وحمت .. او انشغلت مع زوجها .. لاني ادري انه يجي فترة و يسافر فترة لاا تغيييبي .. ياارب تبشرينا بالقريب العاجل |
[QUOTE=noora;2587873][B]حبيبتي .. استغليها فرصة و كل مابكى وريه اللهاية و هي مقطوووعة
استحملي بكاه كم من يوم الله بيعينك :) بس فعلااااا اللهاية من اسؤ النصايح اللي تجي للام بيوسف من عمر ال 4 شهور وقفتها له .. صح انها كانت تسكته بس صدددقا ما قدرت استحملها عليه .. استحملت بكاءه كم من ليلة و بعدها نسيها و الحمدلله صديقتي استخدمتها من اول يوم عشان تخلص من وجع الراس رغم نصحي لها انها مش كويسة بس ما سمعت كلامي و قالت خليني اناام :) و النتيجة الولد عمره سنتين الان و لازال متعلق فيها بشكل فضييع وللاسف برضو مو راضية تسمع كلامي و تخليه يبطلها تستهل الامور و تقول خليه دامه ساكت ... كل ما تقدم بالعمر كل ما زاد تعلقه فيها ... استمري و استحملي بكاه و حاولي تلهيه باي شي وقت ما يتذكرها و الله يعينيك على بكاء الليل .. بس قوي نفسك و كله لمصلحته مهررة . فقددتك يا مختفية .. قلت البنت يا وحمت .. او انشغلت مع زوجها .. لاني ادري انه يجي فترة و يسافر فترة لاا تغيييبي .. ياارب تبشرينا بالقريب العاجل [/B شكلي راح اخد بنصيحتك بس ادعيلي لاني صراحة مااستحمل بكاؤه . الحمد الله انه ما يصحى بالليل بس لما يجي وقت نومه هدي اللي كارثة مشكورة يالغالية على مرورك الطيب الله يخليلك يوسف |
شوفي فعلا وقت النوم هو وقت الكاارثة
و اقولك من تجربة فطمه من الهاية عالاربع شهور و بعدها فطمه من صدري ليلا على عمر السنة و 3 اشهر و بعدها فطمه من الببرونة عالسنتين وهو كان متعود ماينام الا صدري في البداية و بعدها صار ماينام الا على الببرونة يعني شفت الي ماينشاف منه :) رغم انه طول الليوم طفل هاادي ووديع بس بالليل ينقلب وحش كااسر يدور الببرونة تدري اول مرة قعد 3 ساعات بكاء متواااااااصل لا نومني و لا نوم اهلي و المشكلة اني كنت عندهم يعني احساس الذنب كبيير لانه كل اللي في البيت ماعرف ينام من صوته تخيلي للساعة 3 الفجر و وهو واع وااااع .. نام ساعتين و بعدين صحى يبكي و هكذا .. الللية الي بعدها .. نومته مع اختي و برضو بكا بس اقل و ناااام الليلة اللي بعدها رجعته ينام عندي برضو بكا يمكنن ساعتين و بعدها نام للصبح وقعدنا كم من ليلة يبكي شوي وبعدين خلااص اتعود ينام بدون شي ... و ارتحنا ... يعني لا تستلمي مهمااااااااااااااا بكا |
كرهيه فيها حطي فيها مررة او ملح او ماعندك وفي كل مرة يطلبها يلقاها مالحه وراح يرميها من نفسه |
كلام مهره في محله لسى ما جربت الامومة بس قدامي ولد اختي من الشهر الثالث تخيلي رمينا اللهاية عشان اذا كبر اكثر ما يتعلق فيها صح يؤلمك بكاؤه المتواصل بس ما عليه اضغطي على قلبك و لا يتعود عليها |
اقتباس:
اوكي الله يعيني والله اني من الحين افكر فالبكاء راح اجهز الاسبرين مشكورة يالغالية |
اقتباس:
على العموم مشكورة على مرورك |
| الساعة الآن 08:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©