|
موقف صار لي ابي ارائكم -_^
السلام عليكم شباب و بنات انا صار معي موقف مع خطيبتي و ما ادري تصرفي صح ولا غلط:25: احس تغيرت معاملتها معاي من ذاك اليوم و خفت مسجاتها و سؤالها عني الموقف هو اني كنت اتكلم معاها على الايميل كتابه مو صوت وهي اصلا ما ترتاح بالكلام الا على الايميل مع انها تنكر هذا الشي :29: المهم كنا نتكلم عن شنو نحب و نكره قالتلي انا خايفه من شي قلت لها شنو؟؟ تراجعت عن كلامها و قالت بس خلاص بس انا سألت مره ثانيه قالت انا خايفه انك تتزوج علي :( هي كانت تلمح من قبل و تبي تعرف اذا كنت باتزوج عليها و انا لمحت انه ممكن بس الحين صار اللعب على المكشوف انا كان ردي هو التالي بالظبط: __________________________________________________ _____________ اول شي انا من حقي اني اتزوج 2و3و4 الله عطاني هالحق مو من حق اي احد يحرمني منه لا انتي ولا غيرك ثاني شي انا حاليا مو ناوي اتزوج عليج ابد بس ما اضمن شنو يصير بالمستقبل يمكن انتي تتغيرين علي , ويمكن ما ننجب عيال و اسباب كثيره النقطه الثالثه غلاتك راح تظل بقلبي ثابته لو اتزوج 10 عليج مو وحده ولو تطعنيني بسجين بنص قلبي راح اضل احبج:o __________________________________________________ ________ طبعا بعد هالكلام احس البنت اقتنعت و صارت تقول كلام غزل وانا رديت كلام غزل وكملنا سوالف عادي بس احسها بعدها تغيرت علي ما ادري ليش يمكن فكرت بينها و بين نفسها و تغير رايها ما ادري شنو المشكله بالظبط طبعا يجي واحد و يقول ليش انت تقول لها انك ممكن تتزوج عليها و ليش ما جاملتها و قلت مستحيل اتزوج عليج انا مو من طبعي اغير كلامي احب اذا قلت كلمه ما اغيرها و ما احب اجامل كثير واحب الصراحه كثييييييير اتمنى رايكم هل انا على خطأ او تصرفي كان جيد؟؟؟؟!!!!! على فكره انا عمري 21 و هي 16 و مخطوبين من سنه تقريبا يعني مرتاحين معا بعض والزواج قريب انشالله |
وعليكم السلام ورحمة الله وبركاته
الله يحفظكم يارب باقي صغار بالعمر عساه العمر كله انت ماشاء الله عليك اعطيتها كاش بوجهها :) محد ينكر انه من حقك تتزوج 2 , 3 , 4 بس يا اخي الفاضل كان قلت لها وانا اقدر وفي وحده بها الكون كله تسوى شعره من راسك إعطيها من الكلام الحلو مو تسوي لها خطبه إنت باقي بأول الطريق , حسسها انها كل شي بحياتك ومستحيل تتستغنى عنها عشان تحبك وتفتح لك قلبها , والله الكلام الحلو ماراح يكلفك شي بس يساوي عندها اشياء كثيره الحرمه بشكل عام ماتحب هالسيره وانت من قبل ماتدخل وانت تفكر الله يبارك لك ويبارك لها ويجمعكم على خير اخوي والف مبروك مقدماً |
اقتباس:
والله يا خوي انا حسيت نفسي تسرعت بالكلام يعني نفس ما قلت كان لازم اكون اكثر رقه و حنان بس بعد ما احس نفسي قلت شي يجرح و لا يزعل ونفس ما قلت انا ما احب اخدعها من بداية حياتنا و احسسها انه مستحيل هالشي يصير وللامانه انا ما افكر بغيرها بس احب انه يكون عندي الخيار بالمستقبل لانه الواحد ما يضمن مستقبله شكراً لك يالغلا |
يااا توكم صغنونين الله يتمم لكم على خير بس الله يهديك أخوي تسرعت بالكلام وقلته بدون فهم بعدين أنتوا توكم ماعرفتوا الحياة الزوجيه بحق شلون تحكم من الحين إنك بتتزوج محد يعترض إنه الشرع حلل بس توكم مااكتشفتوا ولاعرفتوا بعض بالتوفييق |
ههههههههه لسا صغيرة كان المفروض ماتسئل هالسؤال لكن عموما هى تبيك تقول شى معين وانت مافهمتها تبيك تقول انا مابى غيرك وماحب اكون الا لك وووو من هالكلام وانت من جد قلت كلام معليش لاتزعل منى حسيته جفس شوى وبدرى عليه ماحد قال غير كلامك قل انا مكتفى فيك ومابى غيرك وتونا خلينا نتزوج واقلبها ضحك يعنى مو مستاهل تكسر خاطرها عشان كم كلمه ويقالها تغار عليك الله يهديك بس ارجع قلها حبيت امزح معك بس وبعدين بالمستقبل لين حبيت تتزوج لكل حادث حديث وبالتوفيق
|
اقتباس:
|
أخي الكريم ( آسف ما عرفت أكتب اسمك ههه)
الله ما حللها لك إلى هالحين عشان تقول مثنى وثلاث ورباع لأنها ما زالت خطيبة ولا تحل لك لا غزل ولا غيره إلا في حدود الكلام الخاص بالزواج وبعلم وليها. وبعد العقد خذ راحتك وابصراحه ضحكتوني يا حليلكم جد أول كلمة بينكم أخاف تتزوج عليّ وانت تقول إيه كنكم متزوجين من عشرين سنة وما حسبتوا حساب يتم الزواج أو لا ولا حساب للموت وباقي أمور الحياة الله يطول بعمركم على سعادة روقوا واركدوا ولا تلعبون بشي أكبر منكم. خلوكم بالغزل بعد العقد الله يجمعكم على خير ويوفقكم والمسلمين |
يا أخي الكريم:
أنا أرى أن تتوقّف عن التواصل معها ما دمتم في مرحلة الخطبة، وأجّل الحديث معها حتى تعقد عليها. ::: بخصوص كلامك ذلك فأنت كنت صريحاً معها جداً. الصراحة جميلة، لكن مع النساء لا بد أن تستخدم لغة ذكية في الأجوبة؛ فهنّ لسن كالرجال. سؤالها لك كان دافعه الحب من ناحيتها، وطلباً لإشباع حاجة الأمان لديها. ::: بما أن الأمر قد ذهب فحاول بعد العقد أن تشبع عاطفتها كثيراً+تعطيها معسول الكلام+تجنب الحديث عن التعدد ومواضيعه+أشعرها أنها المرأة الأولى والأخيرة في حياتك. |
خليني أقلب لك الموضوع بشكل اخر معليه ..
لو إنت مثلا سألت خطيبتك هذا السؤال .. ( خذني على قد عقلي معليه ) :) ( إذا مت بيوم من الأيام - قبلك لا سمح الله - هل راح تتزوجي واحد ثاني غيري ؟؟؟؟؟ ) و ردت عليك بالتالي : و الله الشرع حلل لي إني أتزوج من بعدك و مافي شئ يمنعني و لا يحرمني منه و أنا مو ناوية أتزوج من بعدك واحد ثاني ، بس أبد ما أضمن شنو يصير في المستقبل يمكن يتقدم لي واحد أفضل منك ؟ يمكن إنت بتكرهني فيك ؟ و أسباب كثيرة بس غلاتك راح تظل بقلبي ثابته لو اتزوج 10 من بعدج مو واحد ،، ولو تطعنيني بسجين بنص قلبي راح اضل احبج . . إيش هو إحساسك ؟؟؟ |
اشكر كل من شارك بالموضوع من كل قلبي
بس يا جماعه والله احرجتوني حسستوني اني ياهل وما افهم بالدنيا كل ما يشارك واحد يقول توكم صغار ما تسوى علي ههههههه ترى السالفه صارت من قبل اسبوعين تقريبا وانا الحمد لله تداركت الوضع وصلحته بس نزلت الموضوع عشان اعرف اذا انا اخطأت و للاسف طلعت مخطيء بالنسبه للاخوان رجل رجال و البليغ اقولهم انا اقصد بخاطب مملك يعني عاقد عليها والحمدلله امورنا عال العال حاليا :) واذا احد عنده رأي ثاني يتفضل |
| الساعة الآن 01:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©