|
بصراحه تحب ان تعمل زوجتك رياضه
السلام عليكم ورحمة الله وبركاته
مااااافيه - صااااادوه :24: موضوع خفايف - كالعاده موضوع يمكن يكون عند البعض صغير وغير مهم ** ولكن عند البعض الاخر كبير ويستاهل** والبعض يمكن أن يكون بالنسبة له نقطة تحول ** ( الزوجين ) كلا منهما يسعى لإرضاء رفيق دربه وبشتى السبل 00 والأجساد مراّة اصحابها 00 ولا شك هل تتمنى من شريك عمرك يعمل** رياضه 00 ريجيم 00 إهتمام صحي 00 ؟!! او انك راضي عنه جميل الرضى 00 وتتمنى الثبات له ؟ المجال مفتوووووح خذوا راحتكم الكلام بينا وبينكم :d |
جبتيها فالصميم يا شقردية
زمان اول ما تزوجت كنت اطلب من زوجي انه يسوي رياضة لانه بعيد عنك عنده كرش ما شاء الله لاحول ما خليت شيء ما اقنعته بيه حتى الرجيم فكرت اني اسويه له يوم من الايام فقالي ايش هالخرابيط سوي اكل عدل ولا تروحي لبيت اهلك فاستسلمت ورضيت بالامر الواقع اما انا الحمد الله الكل يقولي اصلح اكون عارضة ازياء{{{{{مبالغة شوي مشكورة يالغالية على الموضوح الحلو وتدكري معرفي نونو |
هلا والله منورين الحلوين وش هالمواضيع إللي هاذي اليومين طالعه لنا فيها يا أم هشام ما أمداك تخلصي موضوعك حق الزوجه وشنطتها وروحتها لأهلها إلا طالعه لنا بموضوع الرياضه والرجيم هيه ترى أبو متعب الله يحفظه أمر براتب شهرين يعني ماناكل مفاطيح الحين مع الراتبين جبتي موضو ع الرجيم الحين وقتها ياأم هشام الله يهداك كان جبتي موضوع عن وش مخططين نشتري من هاذي المكرمه وعلى إيش ناوين نغير من أثاث في البيت من مجالس أو أجهزه كهربائيه أو غرف نوم
لاكن رجيم مرة وحده بس يالله ماعليه ولاتهون حبيبتنا أم هشام أنا بالنسبه لي أول ماتزوجت زوجي الله لايوريك وزنه حول 120كيلو وعنده كرش وأنا حول 50 بس بعد الزواج إبتدى الوضع ينعكس صرت أنا كل ماجاءلي أسمن ومع الحمل والولاده كل ماجاء له يزيد وزوجي صار ينحف آخر شئ زوجي أصابه مرض السكر والله لايوريك إنخرط جسمه خرط صار نحيف وخفيف وزنه الحين 66 كيلو أما أنا زيدي عليها 10كيلو وكل مابقول بخفف زوجي رافض حتى السير الكهربائي لي فتره وأنا أطالبه وهو رافض يقول وزنك كذا حلو وعاجبني خلك كذا بس أنا بصراحه ماني مرتاحه نفسي أخف وزوجي واقف بحلقي حتى أحيانا لوعندي مراجعه بالمستشفى أكذب عليه أقول له الدكتوره تقول ليه خففي وزنك يقول ليش تاكلين على حسابها هي جالسه تصرف عليك هيه وش دخلها فيك عليها تصرف لك العلاج وبس مالها شغل بوزنك أبد وشفته طولها قلت في نفسي لوكان أنا سكت كان أبرك ليه من هاذي المحاضره الطويله والحمدالله لاأنا قد طلبت منه يخفف وزنه ولا هو قد طلب مني أخفف وزني إلا شكلي لو أوصل 100كيلو مو قايلها زوجي حتى عياله يبغى الواحد منهم مثل فهد الحيان ماعنده مشكله في السمنه . شقرديه أتحفتينا بالمواضيع الحلوه إللي مثل الشاي بالنعناع الأخضر الله يرضى عليك دنيا ودين ويجزاك خير الجزاء ياشقرديتنا الغاليه . |
وه بس فديته وفديت كرشته رااااااااضيه فيه تماااام الرضى
والحمدلله رااااااضي عني لكن بوده ان اسجل بنادي عشان امارس الرياضه للصحه فقط وليس للريجيم او ماشابه اما هو كان وزنه من قبل الزواج 54 مع انه طويل وحالياً 80 ماشاءالله :d و يارب يخليكم ويسعدكم ويخلي لكم ازواجكم |
بداية زواجي ببعلتي الكريمة ,, قلت لها وبالفم المليان ,,
لو زاد وزنك ,, وفي رواية (لو دبدبتي) :d,, سيكون الإنفصال ,, وبدون تردّد ..:25: وأثمر هذا التّهديد - ولله الحمد ,, بالمحافظة على وزنها ,, حتّى كتابة هذه المشاركة ..:22::22: |
زوجي منيته اسوي رياضه من تزوجت وهو يقول لايتعدى وزنك الخمسين و لو برز بطنك ياويلك جنانه الكرش
بس الله يعين يبون عياااال ولا يبون بطون... |
موضوع لطيف
انا بطبعي احب الرياضة حتى في اشهر حملي اخذت برنامج رياضي الرياضه فيها بركة وصحه يوم تزوجة زوجي كان يشوفني قبل ما اروح للجامعه اسوي رياضة توقع الموضوع بس عشان بداية الزواج و وقت حملي احيانا يخاصمني عليها وسأل الطبيبة وبالعكس كانت معي وبعدها سجل في نادي صحي كل يوم ساعه يروح وقريب من البيت اليوم اللي مانعمل فيه رياضه احس بخمول وتعب ومافيني نشاط |
طبعاً طالني تأثير الحمل والولادة .. ولكن ولله الحمد ليس كثيراً ..ولم تتعدَ زيادة وزني مقارنة بأول زواجي سوى خمسة كيلوغرامات فقط.
والحقيقة زوجي لم يطلب مني ممارسة الرياضة .. وعندما أسأله بشكل مباشر أو غير مباشر فإنه يبدي رضاه عني وعن شكلي .. ويقول: انتي عاجبتني كما أنتِ :o ولكنني في الحقيقة مستعدة وأتمنى بالفعل الاشتراك في نادي صحي .. وأشتاق لممارسة الرياضة والسباحة على وجه الخصوص .. خاصةً أن الجَمْعَة تشجعني أكثر مما لو كنت وحدي .. ولكن الصغيرين يقيدانني لأنني لا أستطيع أن أتركهما طويلاً .. وأنتِ تعلمين أن النادي الصحي يحتاج على الأقل ثلاثة أو أربعة أيام في الأسبوع وساعتين على الأقل في كل يوم. بس تدرين يا شقردية .. لو طلبها زوجي مني فلن أفعل ولن أرضخ ولن أستجيب :( .. وسأعتبر ذلك إهانة لي وأنانية منه .. لأنه غير مستعد للتضحية والتنازل ويريد الحصول على كل شيء: الجسد الرشيق والمتناسق والحلو + الأبناء .. وأرى في هذا ظلماً لي. لذلك زين انه ما طلب :d أما أن أطلب منه .. فالحقيقة هو كزوج بنت الحكمي أصيب مؤخراً بالسكر ـ الله يعافي الجميع ـ ومر بفترة نقص فيها وزنه كثيراً .. ولكنه عاد الآن للزيادة نوعاً ما .. لذلك فإن محافظته على وزنه أمر مطلوب من الناحية الصحية أكثر من أي شيء آخر ... إلا إنه إجمالاً ليس ممشوق القوام ولديه بعض المطبات هنا وهناك ;) .. أما أن أطلب منه ممارسة الرياضة للحصول على جسد رشيق فلا طبعا ... فهذه أتركها كما هي حتى يكون لدي سلاح أرفعه في وجهه إن وسوس له شيطانه يوماً بالاعتراض على آثار الحمل والولادة على جسدي ;) |
اقتباس:
هو المهم بالموضوع انك تحاربيها من بعد الولادة وعلى طول :15: انا عندي 2 اولاد والحمد لله وما شاء الله علي ++++عشان ما اعين :25: ما عنديش ريحة الكرش بس زي ما قلت بالاول لازم تحاربيها:30: |
موضوع جميل
انا اموت في شي اسمة رياضة من وانا بنت وانا امارس الرياضة في المنزل ...و كنت عندنا حصص للتربية الرياضية في المدرسة تزوجت ... و واصلت ممارسة الرياضة في البيت .. خاصة السويدي ..اعشقة اما الان بعد ما كبرت ... صار لي الان خمس سنوات وانا امارس رياضة المشي لمدة ساعة يوميا مع جارتي خاصة ان الممشى قريب جدا من بيتي زوجي يشجعني على الرياضة ...ومحافظة على رشاقتي مع اني عندي خمس اولاد... والحمد لله ما شاء الله جسمي مثالي و وزني ايضا ...اهم شي البطن ممسوح تماما انصح بالرياضة مو بس عشان الرشاقة ...ولكن للصحة النفسية ايضا |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©