|
معقوله الكذب شي تافه
السلام عليكم ورحمتوا الله وبركاتوا http://www.66n.com/forums/showthread.php?t=221411انا كتبت قصتي من اسبوع تقريبا وهذا الرابط [SIZE="3"] بعد التفكير والدعاء والاستخاره رجعت لزوجي طبعا جاني في بيت اهلي ورحت معه قلت راح ابدأ صفحه جديده [/SIZEطبعا المهم توقعت اقضي اليوم كله معه لكن الشكوى لله كالعاده نام وصحى وقال بطلع بروح القهوه ابي اشوف مباراه قلت له بااسلوب خلنا نشوف المباره في البيت رفض وقلت له كان ودي اجلس اليوم معك وقال لا قلت طيب ياقلبي وداني لهلي ورحت عندهم طبعا كان وقت المغرب وجا خذاني على الساعه 12يمكن المهم جلسنا مع بعض نسولف وفتحت موضوعنا وقلت له مستعده افتح صفحه جديده عشان ولدي وانا شاريتك مبي اخسرك ابي اثق فيك وابي احس بالامان والاستقرار قال لي سوي اللي اطلبه منك مثال تكشخين وتلبسين وماتحنين مع العلم اني البس واكشخ بس يلا تقدرون تقولون يتسبب يدور عذر قلت انشاءلله من عيوني مشيت الموضوع وقلت له انا بعد ابغاك تعاملني زين تهتم فيني تتقرب مني ماتكذب علي اي شي قول لي مبي ادري من الناس قال طيب وبعدها سألته عن جواله بلاك بيري قلت من معك من ضايف قال عيال اختي وخوياي سكت قلت ماضفت فيه بنات او بنات خواتك قال لا سكت ومشيت الموضوع وجااء اليوم الثاني قلت له طلعنا تحجج وقال ظروف وماعندي فلوس وزي كذا قلت طيب ناخذ لفه ابي اشم هواء مع انا كان عند هلي عشاء عازمينا قال والعشاء قلت انت اهم من العشاء وطلعني وماطولنا رجعنا للعشى كان على اعصابه المهم تعشى وطلع كالعاده القهوه وانا ظليت عند هلي وفجأه كنا مجتمعين كلنا الا بنت اختي الثانيه مب اللي تكرهني معها بلاك بيري قالت بصوت عالي عمي راسل لي رساله يقول فروا على قناة البحرين طبعا يصير عمها انا انصدمت قالت بنت اختي الثانيه لها عمك معك قالت اي انا مشيت الموضوع مابينت شي لهم وبعدها رحت لبيتي لانهم كلهم راحوا وماحبيت اجلس لحالي كلمته وقلت تعال انا لحالي بالبيت وجلست يمكن ساعه الاربع وجاااا وكنت مضايقه جلست ادعي ربي انه يصبرني ومااتصرف تصرف يضايق عادي جلست اسولف معه واضحك مابينت له بعد ساعه يمكن قلت له واناامزح ورني جوالك قال نفس جوالك وش تبين تشوفين قلت عادي بس كذا رفض بشده وعصب قلت ياقلبي ماله داعي تعصب شي عادي ارتبكت وقلت له ابي اتأكد من شي سألني وشهو قلت انت ضايف بنت اخوك سكت وقال اي قلت ليه تكذب انكروبعدها قال انتي ماسألتيني عنها قلت لي ليه الكذب انا اتكلم معك وابي ابتدي صفحه جديده شلون تبيني اثق فيك وانت تكذب مخليني قدام الصغارمغفله ليه تحطني بهالموقف قلت ورني جوالك رفض قلت وش دراني اللي بجوالك انه خوياك اثبت لي رد بوقاحه قال مب مثبت لك تبين ولا بكيفك وعصب قلت له انت شاريني ولا قال اي طيب ليه ماتثبت لي اشلون اثق فيك من جد منصدمه كل ماحاولت انسى اكاذيبه يرجع ويكرروقام يعصب وانا ماسكه نفسي عشان معصب وقلت بسلوب لاتعصب عشان ولدي مبي ينتبه لانه تعقد صحيح صغير بس يفهم وقام يهاوش وبدون مقصد زل لساني وقلت له اي زي سالفت المطلقه هو سكت مدري علامه تعجب على وجهه وقمت اسحبه ليه تكلمها قال من قالك قلت اللي قلت لهم واناابكي قلت ليه تسوي فيني كذاا سكت وقلت له من متى تعرفها قال من اسبوع من شريت البلاك بيري يعني انا اتكلم عن وحده هو يعرفها من زمان هو ارتبك ويحسبني اعرف اللي هو متعرف عليها قال جاتني وكلمتني نفس اسلوبك وكلمتني وقلت اكيد مرسوله انتي راسلتها قلت مجنونه ارسل لك وحده واصلن ليه تكلمها ليه تخوني قال حبيت اعرف من راسلها وكانت تقول تزوجني وانا مطلقه ومدري ايش مدخلت مزاجي السالفه سكت قلت تبيني اثق بعد ابي حل الحين لوضعي عصب وقال قومي اوديك لهلك قلت اذا رحت مب راجعه تطردني قال مطردك بس انا معصب مبي اتهور اسوي شي اندم عليه وقلت مااني رايحه وقام يهاوش وقلت انا تعبت خلاص بروح بس مب راجعه ووداني ورحت مع انا الساعه2 الليل قبل انزل من السياره قلت تبي شي لاني مراح اكلمك قال سلامتك وبعدها مكلم ولا شي كان يوم الجمعه فتحت المسن وشفته وسألته رحت للرياض قال شوي وفتحت الموضوع وقال لاتحاولين ماعندي كلام انا مقهوره منه مفكر اعترف بغلطه واللي قاهرني يقول موضوع تافه تكبرين وهو ميستاهل امانه يناس تشوفون الكذب تافه في هالموضوع انا ابي اعرف وانا داريه بتقولون ليه تبين تفتشين بجواله شسوي مخلاني اثق فيه ويقولي عدلي اسلوبك الخايس وتهاوشت معه طبعا لااخذت منه لاحق ولا باطل كل محاولت اتقرب يبتعد كل مره اطنش وامشي الامور واذل نفسي لكن مافي فايده مطنش انا اكره الكذب هذااللي متحمله ويقول بعد شي تافه اخر كلامنا قال لي حنا مانصلح لبعض هذي مقولته لي دايم يقول كذا قلت يعني انت ماتبيني قال كل نتهاوش ومدري ايش قلت تعال بيت هلي وقول لهم انا بعد تعبت وقال انا مشيت اذا جيت بعد اسبوعين جيت الحين انا تعبانه مدري شلون اتعامل معه قاهرني مطنش ولا يتأسف حتى اذا غلط عنيد وفيه كبرياء ابيكم تريحوني وش الحل معه والله تعبت من كثر مروح له والاحقه كرت هالشي نفسي يجيني يلاحقني والله يوفق اللي بيرد علي بكلمه او دعوه حلوه |
أختي ,, أحياناً التّغابي ,, أبلغ من المواجهة ,, في مثل هذه المواقف ..
|
فعلا اختي انتي سببت مشكلة على شي تافه . وانت مو لازم تعرفين كل شي ! خلي الرجال يرتاح وانت استودعيه الله , لاعاد تدورين وراه ترا يمل منك ويطفش ! وكذبه هذا بينه وبين ربه انت ذكريه بالله وان الكذب حرام الكذب حبله قصير والباقي على الله ! ومو كل شوي ودني بيت اهلي ! انت ايش دورك في اصلاح حياتك ؟ المفروض حتى لو قالك ابوديك بيت اهلك تقولين له انا ما اطلع من بيتي .
|
اقتباس:
|
اقتباس:
والثقه وهو يكذب وبعدين حتى لو اذكره باانه حرام ماينفع معه اتمنى حد يفيدني بكلمه من جد هالشي تاعبني ممكن تشوفونه شي تافه بس انا لا |
لا تخنقي الرجل بالأسئلة الكثيرة؛ لأن طبائع الرجال تتضايق من ذلك.
امنحيه ثقتك حتى لا يضطرّ للكذب. لا تكثري عليه العتاب. اجعلي له مساحة من الحرية يتحرك فيها، ولا تضيّقي عليه في زاوية حتى لا يملّك، ويملّ الجلوس معك. الموضوع ليس استغفال، إنما هو يضطر لذلك بسبب كثرة الأسئلة. أكثري من الجلوس في بيتك. احتويه بأنوثتك، وبحس تبعلّك، وبذكائك النسويّ، وبكلامك المعسول، وبالدعاء له أمامه، وبتقديره وشكره على مجهوداته معك ومع البيت. قرّبيه منك كثيراً بأساليبك المحبّبة. أشغلي وقتك بالقراءة في كتب العلاقات الزوجية، وركّزي على نفسية الرجل. |
شوفي اختي مافي ريال شرقي يعترف جدام مرته ان غلطان علنا
الا من رحم الله وزوجح من النوع اللي تاخذه الحمية وما يتعرف فلا تنتظرين الاعتراف منه ابدا وضحيه بطريقة غير مباشرة انج تدريتي انه ضايف بنات اخوه مع ضحكة خفيفة وبسسسسسسسسسسسسسسسسسسسس سدي الموضوع ولا عاد تفتحينه راح يدري انج مو ساذجة ولا غبية بس متخذته على عقله ومع الايام ببطل موفقة حبييتي |
عزيزتي أم هياء..الله يفرج همك والله انا حاسه فيكي انتِ تبغي تحسي بالأمان وتبغي ترجعي ثقتك فيه.. هذا ياخد وقت ومو بالسهوله حتنسي.. حتتذكري الأشياء دي كل مازعلتي منه ولكن حاولي انك تتناسي زي ماقالو الإخوه والأخوات.. وقوي نفسك.. خليكي قويه..طنشيه .. ألبسي واتزييني.. كلمي أهلك وصحباتك .. أضحكي بصوت عالي.. خليكي دايما مبسوطه قدامه ولا تسأليه عن شي .. أضغطي على نفسك.. ولو تقدري خليه هو الي يغار عليكي ., هذا الإحساس لو حسه حيبرد قلبك شويه أدعي الله انه يفرج همك .. انتِ سامحتيه هادي المره ولك الأجر ان شاء الله مستنية أعرف ايش صار معاكي |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©