|
يارب لا تآخذني كرهت زوجي وكرهت اللي في بطني قبل لا يجي
السلام عليكم ورحمة الله وبركاته
تعبت ونفسي اقول اللي بنفسي الطلاق كان بالنسبة لي فرج من هم كبير والحمدلله بس الألم مازال يلازمني كرهت زوجي وكرهت اللي في بطني قبل لا يجي ومن كرهي فضلت الإنفصال وبعد الطلاق حاولت انهي كل اللي بيني وبينه وعرضت عليه ياخذ الولد بس رفض بشدة ادري إن من حقي وحق الطفل الحضانة بس كل ماتذكرت إن هذا ولده أتذكر الألم وانهار ما ابغى شي يربطني فيه ونفسي انسى تصرفاته وانسى ان دمي اختلط بدمه حاولت اتغلب على ألمي وحاولت أتقرب من طفلي أكثر بس الألم مسببلي غصة غريبه للعلم كنت اظنه اكتئاب ولادة ويعدي بس للأسف مازلت اتذكر الألم واتهرب من ولدي استغفر الله واتوب إليه |
وعليكم السلام ورحمة الله وبركاته
ياهلا برواء الأيمان ياسبحان الله والله العظيم توي اشوف لك رد على أحد المواضيع وأتسائل بيني وبين نفسي ياترى ايش أخبارها وكيف احوالها ؟؟ وأطلع للصفحه الرئيسيه ألا وألقالك موضوع ماصدقت كانك سمعتي تساؤلي :) ماأدري كم لك من يوم تطلقتي وكم عمر ابنك ؟؟ لكن بأذن الله فتره وتعدي على خير وماأتوقع تقدري كمان تعيشي بدون أبنك الله يحفظه لك ويحميه ويعوضك ببره وبر أخوانه لكن من الوضع النفسي السيء اللي انتي فيه ولان أبنك جاء في هذه الظروف هي من يجعلك تتخيلين الشي هذا ويمكن لأن زوجك مايبغى اطفال على حد علمي تبغي تعاقبيه بالشي هذا لكن أحمدي ربك أن أبنك معاك وأن زوجك تاركه لك لأنه لو العكس صدقيني راح تندمي أتجهي ألى الله وادعي وارقي نفسك كمان وصدقيني بحول الله وقوته مع الأيام راح تتحسن أوضاعك طبيعي الألم أللي عايشته حتى لو كانت الحياه أللي كنتي عايشتها اقسى من الوضع اللي عايشته الآن لازم يكون لها تأثير لأنها كانت متعبه وبأذن الله فتره وراح تتجاوزينها وتنسينها كمان وما شاء الله أنتي كمان على خبري موظفه يعني وقت فراغك قليل وهذا في مصلحتك كمان الله يسعدك ويفرج همك ويحفظ ابنائك ويشغلك بالخير والسعاده وراحة البال |
الحمدلله ان ابنك معاك
مو مع ابوه ومحروق قلبك عليه ماتدرين اكل؟شرب؟اتلحف؟ الحمدلله الاطفال نعمه وقت الازمات اضم ابني لصدري وارتاااااااااح لدرجه صار ابني يهرب اذايشوفني جيت بقرب منه هههههههه |
الله يفرج همك وييسر امرك يااااااااااارب
|
هذا ولدك .. لعل الله جعل انجابك لهذا الولد خيرا لك دنيا وآخره
لا ألومك على مشاعرك تجاه طليقك لكن احتسبي الأجر في تربية الصغير تخيليه كاليتيم الذي يحتاج رعاية هل تظنين أنك غير مأجورة على تربيتك له حتى لو كان ابنك؟ استغفري وأعانك الله أختي |
لاحول ولاقوة الا بالله ايش ذنب هالولد تكرهينه نسيتي حملك فيه وولادتك والله ان حتى بعد الولاده تنسين الالم واهم شيء هو مايجيه شر بجهنم ابوه اهم شيء ولدك اعتبري ابوه ميت لاتهتمين فيه واحضني ولدك وعوضيه عن الام والاب انتي بنعمه مااحد يحس فيها الا اللي فاقده ماتدرين يمكن هالولد اذا الله كتب لك زواج مره ثانيه هو اللي يصير بار فيك كثير اعرفهم تطلقوا واتزوجوا وولدها اللي من زواجها الاول هو اللي بار فيها وعازها |
أختي الكريمة رواء الإيمان
أولاً أنتي الآن تعيشين حالة نفسية عصيبة معروفة هي التعمق في نقطة معينة ( تسمى البؤرة والهامش) وهي جرح زوجك لك وحجم هذا الجرح ومن قوته تعمق في الذاكره وتناسيتي كل ما سوى ذلك من خير وشر وصار لا هم لك إلا هذا الجرح والحديث عنه يعمقه زيادة ووجود الولاد لا علاقة له بالجرح ولكن قيمتك عند نفسك عزت عليك بمدى الإهانة التي سببها لك الجرح ذاته مما أرخص عندك الحياة وكل شي ورغبة منك بعلاج الجرح صرتي تصرخين من الم الجرح وتبعدين كل ما لهعلاقة فيه كما تظنين ولكن في الواقع الجرح حصل ومن تسبب به غادر حياتك وبقي لك إبن نشأ في أحشائك وذقتي الموت حتى خرج وحمله شهوة وحملتيه كرها ولله الحمد لعل هذا الولد هو منحه من الله على ما أصابك تحتاجين إلى جلسات استماع مطولة لتفريغ ذاكرتك من كل تلك الأحداث وإعادة ترتيب ملفات ذاكرتك ولدي طريقة مناسبة وسهله لذلك بإذن الله بهدف أن طليقك لا يستحق كل هذا الألم ولو سببه فألم البكاء يضر بك لا به. ثم فرمتة ذاكرة عقلك وتوجيه معالجه نحو أهم شي في حياتك وهو العناية بنفسك جسماً ونفسيةً وتعليماً وتثقيفاً من أجل العناية بنفسك وبالولد. ولعل لي عودة على ضوء ما أسمع منك. أسأل الله العلي القدير أن يعوضك خيراً وينبته نباتاً حسنأً وأن يهدى طليقك إلى سواء السبيل. |
اعرف انك قوية ماشاء الله ومررت بتجارب مؤلمة في حياتك ولديك ولد سابق وربيته لذالك ربي هذا الولد مع اخيه ورزقك الله حسن تربيتهم ورزقك برهما
وهو تزوجك لشهواته ورغاباته وعندما طلبتي الاستقرار وانجاب الذرية تركك لذالك عيشي لنفسك وابناءك وانسي ايامه والزميه بالنفقة وزيارة ابنه فرج الله همك وكربتك وانار الله صدرك |
اهلا اختي رواء الايمان مقدره مشاعرك
والله يعينك ويفرج كربتك ويخلف عليك بالزوج الصالح بس حطي ببالك ان الطفل ماله ذنب وتراه هو ضحية علاقة الله ماكتبله الاستمرار بالعكس حبيبتي احضنيه وربيه وعوضيه عن حنان الاب وتأكدي انك مأجورة الله يسعدك وييسر امرك |
اقتباس:
شاكره سؤالك عني والله لا يحرمني منك غاليتي |
| الساعة الآن 01:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©