|
بخصوص موضوع الاخت عشقك جنون لتبرئة الذمه
السلام عليكم ورحمة الله وبركاته
قبل كل شي احب اقول مو عيب ان الانسان يرتكب خطأ لكن العيب انه مايصلح خطأه بخصوص موضوع الاخت عشقك جنون ( اربع سنوات وانا بين احضان صديقي ) انا رديت عليها واتهمتها انها ناقله الموضوع لانه قديم وانا قاريته قبل اكثر من سنه واعترف اني تسرعت لان المفروض مااتهم شخص باي اتهام الا اذا كان عندي دليل ملموس وللاسف انا ماعندي دليل الا ذاكرتي القصه محفورة في ذاكرتي بنفس الاحداث ونفس الاسماء لكني مو متاكده وين قاريتها والحين لما سويت بحث في قووقل عن القصه مالقيتها الا بتواريخ بعد تاريخ كتابة الاخت عشقك جنون للقصه وعلشان كذا ندمت اني اتهمتها قبل مايكون عندي دليل مادي انا تسرعت وكتبت الرد لاني واثقه من ذاكرتي بس لاني مااحب اظلم احد حتى لو بنسبة 1% تراجعت عن كلامي وتمنيت اني ماكتبت الرد ... وعلشان كذا كتبت الموضوع هذا علشان اشرح موقفي وابري ذمتي واذا كان فيه احتمال اني ظلمت الاخت عشقك جنون ولو بنسبة ضئيلة فانا اعتذر لها لاني مااحب الظلم باي شكل .. واعيد واكرر انا مااعرف الاخت عشقك جنون علشان اكذبها او اتبلاها او اتهمها ظلم ويشهد علي الله اني ماكذبت باي كلمه قلتها ونيتي صافيه انا كل الموضوع ان القصه هذي راسخه في عقلي واذكرها بتفاصيلها واحداثها ومااذكر بالضبط وين قريتها ولما سويت بحث ومالقيتها تفاجأت لاني كنت واثقه اني قاريتها بمنتدى وحسيت اني تسرعت بالرد واكرر اعتذاري لعشقك جنون وللجميع علشان يرتاح ضميري .. ملاحظه ياليت الادارة تحذف كل ردودي من موضوع الاخت عشقك جنون وشكرا.. |
بارك الله فيك أختي الكريمة على شجاعتك
والأقوياء هم من يصححون مساراتهم والتائب من الذنب كمن لا ذنب له وهذا لا ينقص قدرك بل يزيده وخصوصاص توبتك من التعجل بالحكم وقلب صاحبة القصة أكبر مما تنصور والذي حمل كل هذا الحب الطاهر والتضحية العظيمة. ننتظر رد صاحبة الموضوع ونسأل الله للجميع حسن النية والعمل والتوفيق. |
السلام عليكم
جميل ان نرى مثل هذه المبادرة الشجاعة وهي لا تزيد الانسان الا عزة بالمقابل علينا التأني قبل كتابة اي حرف حفاظا على مشاعر الاخرين تحياتي |
رفع الله قدرك .
|
الله يرفع قدرج اخت روزِ ويرضى عليج
|
الله يفرج عنك كرب الدنيا والاخره
ويحرم هاليدين اللي كتبت عن النار00 بردك هذا - شريتي اخرتك 00 ابرك من هالدنيا ومافيها الله يعطيك على قد نيتك ولا حرمك الاجر والله قدير على أن يظهر الحق 00 سبحانه عالم الغيب والشهاده فالظلم ظلمات يوم القيامه00 |
الله يجعله في موازين حسناتك
|
بارك الله فيك والأعتراف بالحق فضيلة
|
الله يسامحج أختيه
وصدقيني القصص وااايد والأسماء تكرر دائما وطبيعي تتداخل في ذاكرتنا الأحداث بس مو معناته تكون هي بذاتها وأنته قلتي من مدة طووويلة يعني طبيعي تنسينها وصدقيني لو كانت هي مستحيل تنسينها ابدا ولو موجوده من قبل بتطلع بالبحث حتى لو لها عشر سنين بس أنتي شفتي بنفسك مو موجوده وهذا دليل براءة أختنا عشقك وظلمنا لها .. الأخت دعت عليج دعاء وحده مظلومة ومبين عليها الصدق ولا مادعت عليج أنتي خصوصا لأنج أنتي اللي تهمتيها بقراءة قصتها وكأنها تفاجأت فيج توها حاطتها وقايله إنها سر وتيي وحده وتقولها جذابه أنا شايفتها قبل .!!!!! صراحة شيء كبير وااايد ومؤثر وااايد واايد وخاصة وقت تكون اسباب تكذيبها مو منطقية اشياء بصراحة تافهه بالمختصر ماشي سبب بروحي انا تضايقت من البعض الله يهداهم يالسين يدققون بكل رمسه منها حتى التاريخ والمدة الي إعتمرت فيها بيطلعونها جذابة غصب وبموضوعها الأول كانوا يسألونها عن خصوصيات استحى اسالها لو ربيعتي وإعتذرت منهم عسب جي تغايض البعض منها ( وأنا أول وحده غلطت بحقها والسموحة منها أنا اللي نقلت موضوعها وكنت سبب أول إتهام وجهوه لها ) وللأمانة بقول خالي شو قال وقت سألته عن كفالة اليتيم اللي شكك البعض فيها : قال كفالة اليتيم أمر واايد سهل لكن سبحان الله , الله ما يضيع عبيده هالإيتام رغم سهولة أخذهم الله يحرم البعض منهم لأنه سبحانه وحده يعلم شو ازين لهم ومايحطهم عند اللي ما يخافه فيهم وكفالة اليتيم طاعة مثل اي طاعة ينحرم منها العبد بسبب ذنوبه ...... وقال بعد هالبنيه مبين عليها واايد زينه والله يحبها عسب جي موفقها للخير وميسره لها ومعرضها للإبتلاء وعصب وزعل وقت عرف الرمسات اللي وجهوها لها وقال أي حد يشك فيها براحته لكن خل يفتح باب بيته اللي قافله على نفسه وعياله ويكلف على عمره وينزل ويشوف قصص خلق الله وخاصة الأحياء الفقيرة وهالبنيه لأنها حاشمه عمرها وساتره نفسها مع ريلها وما تتسكع في المولات ودور لها علاقات وبائعة نفسها صارت غريبة وجذابة وخيالية ؟ ياليت أعرف ابوها واحب راسه على هالتربية الصالحة في زمن صار الواحد يخاف على ولده عيل كيف بنته ؟ ولا فيه بنيه تيلس في الجامعة 4 ساعات إضافيه عسب بس ما تركب ويا حد غريب ..؟ ومتحمله إهمال أهلها وما دورت لها حد يساعدها من هالشباب النشامى بحجه فراغ عاطفي البنات الحينه كل وحده راكبه ويا ربيعها وصافه سيارتها على جنب وضحكها ياصل لأخر الإشارة وريلها بعد عرف يختار له حرمه وقفت معه وقت محنته ونعم الزوجة الصالحة عرفت معني الزواج مو شهوة تفرغ والسلام الله يحبهم و وفقهم ببعض وإبتلاهم وأنعم عليهم بكفالة ايتام والله هذى السعادة الحقيقية ( هذى رمسة خالي تحمس مع الموضوع خخخ ويقول فيه عباد الله يصطفيهم له ) |
جزاك الله خير اختي
نشكرك جميعآ على شجاعتك الادبية |
| الساعة الآن 11:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©