|
محتارة في الموافقه على ولد عمي
السلام عليكم ورحمة الله وبركاته
طبعاً انا عضوه جديده عندكم شفت كيف تتفاعلون من الموضوع وتفيدون وتستفيدون قلت بطرح مشكلتي واشارككم مشاكلكم صراحه مدري كيف ابدا لكن بتكلم من البدايه أنا بنت وحده بين 4 أولاد وامي كبيره شوي ف السن يمكن عشان كذا حبيت اطرح مشكلتي ( من يوم كنت فالابتدائي وكان ولد عمي دايم يبدي اعجابه فيني عند عماتي وابوه كنت صغيره ومالي بهالخرابيط وصلت المتوسط بعد ماكانت تهمني , وصلت الثانويه وكبرنا وماصارت تنفتح هالسالفه كثير ! بيوم ارسل ولد عمي هذا اخته ( اللي كانت اختي اللي ماجابتها امي ) وقال انه يفكر فيني ك زوجه وحلف لي انه صادق ومافي بقلبه احد غيري ! واذا انا مفكره فيه او لا (كان عمره وقتها -22- وانا -16-) , طبعا انصدمت من الموضوع مع اني متوقعته , قلت لها مافكر بشي الحين عطوني وقت فكرت فيه ولد ( اخلاق - بار بامه وابوه - محافظ ع الصلاه - طيب الى ابعد درجه - كل بنات العائله يتمنون نصه - اهله ناس طيبين ومحافظين ) كنت افكككر بعقلي كثثير و نادر مافكر بالعاطفه ! طبعا قلت لاخته هو كل البنات يتمنونه واكذب اذا قلت مابيه ! من بعددها وانا كل ماطرو طاري زواج تخيلته جننبي ! وسمعت أنه مكلم ابوه بالسالفه ., مع انه كان تونا ع الكلام حححسيته ججد لي , ححبيته ل درجه الجنون , تصير مواقف بيننا تحسسني انه مايبي زعلي ولا حتى عصبيتي ! كنت اشوف الحب بعيونه ( لاتفهمون غلط ترا وربي مابيننا شي ) وانا كانت مراهقتي عاققله جدا استسخف اللي يحبون قبل الزواج ! مرت الايام ! وتخرجت ., كلم اخوي وقال أسألها اجي رسمي ولا لا ( أخوي كبره ) طبعا اخوي هذا قريب لي لدرجه فضيعه بما انه ماعندي اخت ( الا هذي السالفه ماكان يعرف فيها ) جاني اخوي ووجهه مقتلب قال فلان يبيك تبينه او لا ! قلت ابيه اكيد , قال طيب وراح , جاني قال بقولك كل شي عنه بعدين قرري اذا ايه او لا ! قالي هو ليش حبك ! قلت مدري عنه ! قال يعرف وشو قلبك ووشي شخصيتك قلت ماتوقع قال هو يبغاك عشان شكلك قلت مستحييل هو لو يبغا الظاهر يقدر بالراحه ياخذ اجنبيه بما أنه اخوه ماخذ اجنبيه ! وقال ليه حبيتيه ! عشان اخلاقه صصح ! ( قلت ايه لانه عادي مو ذاك الجمال اللي يسدح بس اهم شي الاخلاق قالي : أنه قبل كم سنه كان يكلم بنات - قلت مافيه واحد ماله سوابق < يما اني ضامنه انه حالف لي انه مايحب غيري قالي انتي عصببيه وهو عصبي ماراح تجتمعون ! - قلت مو سبب مقنع عشان ارفضه ! قال ماراح ترتاحين معه ف الفراش ! قلت وليه قال انتي جسمك صغير . وهو ... ( ماوودي اقولها ) قلت لو كل الناس يقيسون على كذا قبل الزواج ماحد تزوج ! قالي انتي مو ناقصك شي ويقدر غيره يحبك الدنيا مو متوقفه عليه ! انا حسيت اني كرهته ! بعدها بفتره حسيت لا ! لاني بججد حابته ! يعني حلم حياتي ومراهقتي اللي كنت اتمناه يصير قدامي وانا مححتاره مستحييل ! والحين انا ساعات اقول الولد اخلاق وبعد الزواج اكيد يتغير والولد حابني وصادق وش يضمن لي يجيني واحد احسن منه اخاف اوافق واندم اني ماسمعت كلام اخوي وساعات اقول اريح بالي وارفض انا توني صغيره وبيجي اللي احسن ! اخاف ارفض اظلمه واظلم نفسي معاه واخاف اذا تزوجت افكر فيه واخون اللي ماله ذنب ! بما انه ولد عمي بتكون حرمته قدامي ! وهو قدامي ! ماتححمل طبعا فيه كم شي ماقلته * اخوي اللي كلمني بالموضوع صار له موقف مصيرري مع ولد عمي ( وبكذا شكيت ان اخوي بيرده له عن طريقي ) انه اخواني الكبار يحبونه بششكل فضيع ! ودايم يقولون انتي له ! وامي واخواني عندهم خلفيه بالموضوع وماعارضو مع انهم ضد زواج الاقارب الا هو ماكانو يعارضون سؤالي لكم الحين ! اصدق اخوي ! ولا اصدق نفسي واخواني والعائله كلها ! طيب لو انتي مكاني بتاخذينه ! وياااااارب اسسعد قلب كل من ساعدني ووقف معاي |
انا من وجهة نظري
يااختي الفاضلة والدك واخوانك خذي رايهم ماراح يغشونك ابدا الا اذا هم مايحبونك ويريدون الفكة منك وهذا اعتقد انه مستحيل اختي عندي سؤال اذا هو ولد عمك غريبه لاتعرفين عنه كل شي بالنهاية اتمنى لك التوفيق دنياء وآ خرة |
أخواني معجبين فيه ودايم من رجولته يقولون انتي له
بس مستحيل انهم يغشوني و صراحه مافهمت سؤالك بس بجاوب على فهمي هو ولد عمي وعلاقتنا معهم كويسه مره وعارفه كل شي عنه واخواته اقرب شي لي من العائله ودايم احنا عند بعض عارفتهم بس الامور الي قالها اخوي مايعرفونها الا الشباب ويعطيك العافيه اخوي 3> |
تسمحين لي اتكلم عن اخوك
ماعليش اسئلة اخوك مو اسئلة اللي يبغى جمع راسين بالحلال ايش الفراش مايصلح وانت قلتيها لو كل الناس يقيسون بطريقته ما احد راح يتزوج وسؤاله : كيف عرفتي انه يحبك حبيبتي السؤال هذا غريب جدا جدا من اخ لاخته يعني هو متوقع علاقه قبل بينكم او انه انت المبادره للارتباط فيه شوفي من الاخير لو انا مكانك وعارفه انه بينه وبين اخوي مواقف مو زينه اترك كلام اخوي على جنب ببساطة لانه كلام مو عقلاني ابدا واستخير واسأل عن الشاب اكثر علشان تكونين على بينه اذا والله حسيتي انه مناسب وافقي لانك راح تندمين ندم كبير اذا خسرتي زوج يحبك واذا كانت شخصيته ماتشجع هنا معاك حق ترفضيه والله يكتب لنا ولك اللي فيه خير |
شوفى اختى انا بتكلم من خبرة بهالامور نصيحه من اخت ناصحه عانت واجد ومو حابه احد يعانى مثلى ياختى لاتخلين اى احد حتى لو اخ او اخت او ام او اب ياثر على قرارك او يحدد مصيرك والله ماحد بياكلها ويندم بعدين غيرك,,وبعدين هم مع مرور السنوات صدقينى راح يقولوك انك انتى الى رفضتى وماجبرناك وووو ممكن يتخلون عنك لذلك انتى تحبينه وتبينه ومرتاحه له ورجل كويس لكن طبعا قرار الزواج يبيله استخارة وسؤال وتحرى ودقه حتى لو ولد عمك لكن لاتفرطين بهالمشاعر عشان راى اخوك!!!بكرة لو تزوج وانتى جلستى بتاكلين اصابع الندم ,,,,والرزق بيد ربى سبحانه مو عليه وماحد عارف المستقبل ممكن يجيك افضلوممكن اقل وممكن مايجى الله اعلم انتى فكرى هل هو كويس واستخيرى ولاتخلين احد يقرر بدالك ابددددد وبصراحه كلام اخوك مع احترامى مو مقنع وحتى لو كلم ماضى وانتهى وماحد يحاسب غير ربى سبحانه ممكن تاب وممكن طيش بسيط وبكل الاحوال مانحاسب احد ونحكم عليه ياكثرهم ويستقيمون بعد الزواج وحتى لو بغاك عشان شكلك ماحس عيب تنكح المراءة لجمالها كما جاء بالحديث اللهم صلى على محمد فما اجرم وعلى اى اساس يحكى بالفراش على شكل الجسم!!!!!!!!!!!كلامه غير مقنع بتاتا الا اذ كان فيه شى مخبيه وقاعد يتكك لذلك انتى لاتاخذين كلامه بعين الاعتبار بنفس الوقت لاتهمليه فكرى فيه واحيانا يا اختى عندنا اخوان او خوات او اهل يحبونا بس مو شرط عندهم حكمه او راى صائب وبالنهايه ماحد عارف الخير الا ربى سبحانه فاستخيرى والله اعلم بالتوفيق الله يفرج لى ولك
|
اقتباس:
وانا صراحه ماقتعنت بكلام اخوي لانه بس هو اللي يحكي عنه كذا وكل الباقين يشهدون له بالخير والله يوفقك يارب ويسعدك دنيا واخره |
مدام انتى مقتنعه وهو فعلا يبغاكي واهلك معظمهم موافقين ماانصحك بي الرفض استخيري والله يووفقك
|
اة ياروحى انا
حتى لو كان كلام اخوي جد * انه راعي بنات على قولتك طيش واكثرهم يتسقيمون بستخير و أن شاء الله خير الله ييعافيك ويسعدك يارب |
يااختي
استخيري وتوكلي على الله ترا حلاات الثوب رقعته منه وفيه وولد العم احن للبنت عمه اكثر من ااي شخص ,لا تتكبري عليه علشان ماتندمين من كلاامك انتي متعلقه فيه مااهو لازم ان يكون بينكم تلفوون ولا غيره ولاكن حب من بعيد وعفووي ياازين الدم للتقى مع الدم وياازين الدهن لاصاار في مكبتكم ,وابوه عمك ااخو ابووك يعني بمقاام ابووك مستحيل بيرضى للبنت اخوه اي ضرر في المستقبل لانه بيشووفك بنته وااي شي بيالمك بيالم عمك انا انصحك لا تفكري بغيره واذا ولد عمك كان يكلم بناات ااي العزوبيه انتي ماتحكمين عليه قبل الزوااج لان ماافيه احد معصووم عن الخطاااء الله يووفقك ويسعدك مع بن عمك فقط هع هع افرحي وفرحي قلب ولد عمك |
استخيري وتوكلي .. ودام اهلك شارينه اشتريه ..
|
| الساعة الآن 02:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©