|
زوجي طلقني
السلام عليكم ورحمه الله وبركانه
الله لا يبارك للاهل لي ما بتركوا ولادهم يعيشوا حياتهم بدون تدخلاتهم كتر الضغوطات لي نحن عايشين فيها انفجرنا الليله وئلي انت طالئ وهاي تالت طلئه الي حسبي الله ونعم الوكيل وبعد ساعه حكينا مع بعض ئلي بده يروح على المحكمه الشرعيه ويشوف شو بدنا نعمل حسبي الله ونعم الوكيل فكركم بتنحسب طلقه وله شو نحن كنا معصبين وبنغلط ومولعه الدنيا بينا على التلفون حسبي الله ونعم الوكيل |
لاحول ولا قوة إلا بالله العلي العظيم
أسـأل الله أن ينير بصيرتكم وأن يدلكم على الخير. يحتاج الموضوع إلى كتابة ما جرى بالتفصيل بدون زيادة أو نقصان وعرضه على المفتى في بلد إقامتكم على مذهبكم وسيقوم باللازم.بإذن الله |
شكرا لاهتمامك يعني ممكن يكون في حل
صارت مشكله بيني وبينه انا زوجه التانيه اله والمشكله من قله اعطائي حقوقي الشرعيه متل المبيت وكل شي يعني ممكن يغيب عني وعن الاولاد يومين او ثلاثه ولكن لا يغيب عن البيت الثاني اكثر من ليله وممكن تحصل ليلتين طبعا ما بخبر زوجته الاولى انه بايت عندي بقلها انه بالشغل ويوم العطله بقضيها في بيته الاول رغم المشاكل الموجوده بينه وبين ضرتي وعدم تقبلها بموضوع زواجنا لي صارله 3 سنوات موتتني حسبي الله عليها وكل اهله معها وهو معي بس خلص الليله انجنينا وغلطنا على بعض وانا غلطت عليه ولمه غلطت عليه قام وطلقني وما سمعته اول مره وهو بحكيلي اياها بعدين فهمت شو بحكي وخفت وسكرت التلفون رجعت اتصلت عليه وله هو بئلي انا طلئتك وانت تحرمي علي وما بدي تحكي معي ورجعت المشاده الكلاميه بينا وبعدين رجعنا حكينا وكان الوضع اهدى وخبرني انه بده يروح الصبح على المحكمه ويسال ازا تعتبر طلقه او لا رغم انها التالته والطلقتين لي قبل هيك ما تسجلوا في المحكمه الشرعيه يا رب فرجك مش قادره افكر يا رب تفرجها |
يا أختي إنتو سمحتم للشيطان يدخل بينكم الست الحكيمة ماتعلي صوتها على جوزها وماتناقش مشاكلها بالتلفون بس اللي صار صار دلوقتي ماعليك إلا إنك ترجعي لله عز وجل وتصلي وتدعي إنو يرجعلك جوزك وتمر أزمتك على خير وإياك و الغضب كوني ودودة فكلمة ود وهمسة حنان تقتل العناد في عقر داره والله يصلحلك أمورك وماتنسي تطمنينا عليك والله وبالي معك لأاني أحبك في الله وما أرضى ينخرب بيتك في لحظت غضب
|
السلام عليكم اخ فاي فلور شكرا لاهتمامك لموضوعي وايضا الف شكر للاخ رجل الرجال
الحمد لله رب العالمين راجعنا المفتي وقال لنا لا تقع الطلقه في وقت العصبيه والخناق ف الحمد لله رب العالمين ما حصل الا كل خير ان شاء الله شكرا لاهتمامك حبيت اطمنكم |
دوبي كنت بكتب اذا كان لحظة غضب لاتقع الطلقه
الف مبروك وانتبهي ياستي على زوجك هذي المره جات سليمه فرحتلك كثير ياقلبي |
الحمد لله رب العالمين
ألف مبروك وحافظو على الطلقة الباقية وعالجوا العصبية بعلاجها النبوي المعروف تغيير الهيئة فالقائم يجلس والجالس يستلقى وهكذا أو الوضوء وهناك حل آخر وهو خروج طرف من أطراف الغضب خارج مكان الحديث وأعلمي أختي الكريمة أن الغضب مدته خمس دقائق فقط وينتي بنسف عشر سنوات |
شكرا لمشاعركم الصادقه
ربنا يديم عليكم الصحه والعافيه والسعاده يا رب كتير فرحت لردودكم ولكلامكم الصادق شكرا كتير كتير الكم وربنا ان شاء الله ما بجيب الا كل خير ان شاء الله النا والكم اخوتي تحياتي |
| الساعة الآن 07:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©