|
إفصاح الزوج للزوجة عن قيمة الراتب , بين الإجابيات والسلبيات.
بسم الله الرحمن الرحيم
السلام عليكم ورحمة الله وبركاته ,, ماهي إجابيات إفصاح الزوج لزوجته عن راتبه ...أيها الزوج؟ ماهي سلبيات إفصاح الزوج لزوجته عن راتبه ...أيها الزوج؟ ماهي إجابيات إفصاح الزوج لزوجته عن راتبه ...أيتها الزوجة؟ ماهي سلبيات إفصاح الزوج لزوجته عن راتبه ...أيتها الزوجة؟ وسؤال أخير للنساء: هل يشكل إفصاح الزوج عن راتبه ضرورة ملحة لكن ؟ تحياتي |
اقتباس:
موضوع جميل يمكننا من خلاله التعرف الى آراء الرجال حول تحفظاتهم واسبابهم لعدم الافصاح عن مثل هذه الامور،،، |
ما أعتقد أن مقدار الراتب سر ، بالعكس الوضوح حلو ومطلوب ...
بس خلنا نقول الرصيد أو الحساب وبعض الاملاك والموال إن تعددت ... هل من الضروري أن تعرف الزوجة كل ريال داخل وطالع ..؟ من رأيي الوضوح مطلوب بس إلى حد معين طبعاً ... هذا بشكل عام بس هذا يختلف بحسب شخصية الزوجة ... بعض الزوجات طمااااعاااات وغير مباليات ... وبعضهن قنوعات إلى أبعد حد ، ويضعن المبلغ بمكانه ومقداره المناسب .. وبعضهن يحسنن التدبير أكثر من الزوج ... بالتوفيق للجميع ... |
عموماً الرجل الشرقي لا يحب ان يفصح عن مقدار ما يتقاضاه من راتب لزوجته خوفاً من كثر الطلبات التي لا تستغني عنها المرأة الإجابيات والسلبيات للزوجة : انها تستطيع ان تعرف مدى مصداقية الرجل بموضوع صرف المال وعلى ماذا انفقه تحديد ميزانيه معينة لجميع مستلزمات المنزل حسب الأولويه معرفة مقدار العلاوات السنويه التي تزيد طبعاً من الراتب عدم الإحساس بالشفقه عليه عند الكذب عليها حيال ان الراتب قد انتهى ونعم يعتبر الإقصاح عن الراتب ضرورة ملحة لبعض السيدات اللاتي لا يتقاضين مصروف شخصي من أزواجهن ومن جهه آخرى انصح جميع السيدات العاملات بعدم الإفصاح عن مقدار الراتب الذي تتقاضاه للزوج وإنما تساهم معه بالقدر الذي تستطيع في شئون الحياة الأسرية .. حتى لو كانت تحبه جداً ولا تستطيع الإستغناء عنه .. لانه في هذه الحالة سوف يستغلها في القيام بجميع واجباته المنزلية وتصبح هي الرجل الأخر في المنزل وتنسى نفسها كإمرأه .. |
اعتقد من يوم الخطبه الخاطب يفصح عن راتبه...لان راح ينسأل عن وظيفته وراتبه هذا اذا كان شغال في قطاع خاص
اما الحكومي وخصوصا المعلم اعتقد ماراح يواجهه هذا السؤال.. بالنسبه للافصاح للزوجه..على حسب شخصية الزوجه نفسها بعض الزوجات طماعااات اذا شافوا الراتب كبير يطلبون حتى لو مايبون وبعضهم قنوعات وماتهم الكماليات اهم شي عندهم الاساسيات |
الاجابيات انو الزوجه تعرف انو حياتكم راح تكون على مستوى الرتب الي يجيك
السلبيات ماتقدر تقول ما عندي |
اقتباس:
اذا كنت تقصد الايجابيات والسلبيات بالنسبه للزوج فاليك الجواب من وجهة نظري: الايجابيات : لا شيئ السلبيات: سوف تطالبك بمصروفات ومقاضي بحجم راتبك |
طبعا على حسب هناك بعض الزوجات إذا عرفت عن مقدار راتب زوجها وهي حرمه مبذره ومسرفه وأي ريال في حساب زوجها يعتبر عدوها ماترتاح إلا إذا قضت عليه وزياده تخلي زوجها يتسلف لو ماكفاها راتب زوجها ونص كل شهر وزوجها ماعنده حتى حق البنزين وهي ولاهمها فيه هاذي النوعيه من الحريم من الأفضل حتى الصرافه ماتشوف لونها كيف لأني أتوقع ماعندها ولا إيجابيه من ناحية الماده بتاتا .
وهناك نوع آخر من النساء تمتاز بالحكمه والتدبير والتوفير وماتاخذ زياده عن حاجتها وعندها جدول لجميع إحتياجاتها وتطلبها من زوجها كل نهاية شهر يجيبها لها حتى وإن حصل ونقصها شئ غير مهم ماتطلبه من زوجها علشان مايمد يده على مبلغ التوفير إللي خلاه بالحساب من الراتب وتشتري غرضها في المره المقبله من الشهر التالي وطبعا تجدها تقتصد وتفكر وتخطط للمستقبل مستقبلها هيه وزوجها وعيالها وتجدها تفرح كل مازاد رصيد زوجها بالبنك وزاد راتبه الشهري لأنه عارفه في النهاية زوجها يتعب و يوفر ويجمع علشانها هيه وعيالها ولتأمين مستقبلهم في الحياة طبعا هاذي مثالان لسلبيات وإيجابيات بعض الزوجات وهناك زوجات تدمر وزوجات تعمر يعني كل زوج أعرف بزوجته وطرقها وأساليبها هي من أي الأنواع طبعا بعض الأزواج يكشف حسابه لزوجته علشان تقدر ظروفه وماتحمله فوق طاقته وبعضهم مايكشف حسابه لها خوفا من إستغلالها له وتصفير حسابه بسبب جشعها وطلباتها إللي ماتنتهي جيب وجيب وناقصني وأبغى وفلانه إشترت كذا وفلانه زوجها جاب لها وأنت ليش ماتجيب ليش ماتعطيني مثل الحريم ذولا لو قال لها ماعندي قالت له وحسابك أنا شايفه معاك فلوس بالحساب لو فهمها إن هاذا لظروف الطارئه وقت الحاجه تقوم تمد بوزها وأنت ماتحبني وقلبت عيشة الرجل نكد في نكد ومعصبه حتى يرو ح يصفر بالحساب علشان يرضيها ويفك نفسه من حنتها وزنتها ونسيو مثل هالزوجات قول الله تعالى ) لايكلف الله نفسا إلا وسعها ( ليش أقارن نفسي بإمرأه زوجها مرتبه أ كثر من مرتب زوجي وأطلب أشياء أ كسر فيها ظهر زوجي وتستهلك راتبه بالكامل كله علشان المظاهر والفشخره إللي مالها داعي وسبحان الله أنا أعرف نساء بنو مع أزواجهم حياتهم من الصفر وصبروا و أقتصدوا وتحملوا و جمعوا فلوسهم مع ازواجهم والحين يجنون ثمار صبرهم وتعبهم عندهم مشاريع وعقارات وأراضي وربنا منعم عليهم بخير وكل بفضل الله سبحانه وتعالى ثم التخطيط السليم في الإدخار والتوفير والصرف في حدود الحاجه بدون إسراف أو تبذير . وطبعا بعض الزوجات عقولهن خفيفه تطلع بين الحريم وماتمسك لسانها وتجلس تحكي أسرار بيتها وزوجها وتقول زوجي والله يوفر يبغى يشتري لنا بيت ولا أرض وتنقز لها وحده من الحريم وقالت لها يوفر صدقيني إنه يبغى يتزو ج عليك وأنت نايمه مثل فلانه شفتيها تعبت معاه وشقت و ضحت وزوجها يوفر في فلوسه وآخر شئ تزوج عليها هيا إنتبهي لزوجك زين تصير الحرمه مسكينه ترو ح بيتها إلا وفي راسها مشاريع وأفكار كيف تقضي على هاذي الفلوس في حساب زوجها كله خوف علشان مايعرس ويفتح بيت ثاني بالمبلغ إللي جمعه ومن هنا تبتدي الحنه والزنه ولو رفض زوجها طلباتها خلاص قطعت الشك باليقين فلانه صديقتي صدقت بكلامها شكله بيتزو ج عليه طبعا أنا أطلت بكلامي عليكم بس هاذا شئ لمسته من معرفتي ببعض الزوجات إللي أسلوبهم كذا . بالنسبه لسؤالك الأخير عن هل يهمني معرفة حساب وراتب زوجي طبعا يهمني أعرف راتبه والحمدالله بهذا الشأن متفاهمين وبرضى زوجي ومعرفته كل حساباته عندي وكل تفاصيل أموره الماديه وميزانية البيت أنا أديرها طبعا بتفويض منه و أنا أعرف كم عدل في السنه من علاوات قبل مايعرف هو بنفسه كم جاءت له زياده في راتبه عن طريق الهاتف المصرفي في البيت وأنا أشوف إن مادام إن هناك عند الرجل زوجه يثق فيها وفي تفكيرها فلا خوف على حساباته ولا راتبه بإمكانه الإعتماد عليها في كل شئ يخص أموره الماديه لأنها بلاشك ستكون أحرص منه في هاذي الأمور بالذات وإن هناك بعض الفئات من الرجال غير مبالين في الماده وكل همه يصرف مافي الجيب يأتيك مافي الغيب يعني الزوج أ كثر إ سراف من الزوجه ولاعنده تدبير في كيفة إنفاق را تبه فهنا لابد من زوجته أن تتدخل في الوضع إن كانت صاحبة حكمه ودبره في الأمور الماديه أما إذا كان الزوجين بنفس التفكير من إسراف وتبذير وسؤ تدبير فاالله يخلف على عاقبتهم الإثنين والله لو عندهم مال قارون ليجلسون طفرانين مدى العمر . والعذر والسموحه أخوي أو أختي على الإطاله وجزاك الله ألف خير على هاذا الموضوع المفيد والطيب . |
اول شي انا زوجي ماعلمني عن راتبة ومن يوم ملكة وتزوجت وماسالتة بس مرة طاح بيدي كشف حساب وعرفت راتبة بس هوو مايعلم يخاف تزيد الطلابات
|
آخر همي اعرف كم الراتب
بالرغم من انه كم مرة قاللي و والله اني لوقتكم هذا ما اعرفه مسكين بيحاول يجمع كم قرش و لكن مافي بركة في فلوسنا في جده يا بختكم يا اهل مكه كل أموركم خير و بركة يااااااااااااااا رب يا كريم اكرمني انا و زوجي بالعيش في مكه او بجوار رسولك الكريم |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©