|
طرائف زوجيه .. تعال/ي نغير جو
السلام عليكم ورحمة الله وبركاته حياكم الله واحد واحد , فرداً فرداً , عضواً عضواً , بيت بيت , دار دار , عضوة عضوة :d أسعد الله قلوبكم بالتقوى واضاء الله عقولكم بنور الإيمان وأتم عليكم صحته وعافيته وأمد لكم أعماركم في طاعته يارب العالمين يشهد الله اني احبكم يا اعضاء المنتدى وانكم اقرب الي من أخواني فأنا لا اقابل اخواني ولكن اقابلكم يومياً وكم شخص هنا بالمنتدى لا اعرف سوى معرفه الإلكتروني لكن له محبه في قلبي , ادخل بالموضوع , طبعاً بها القسم كلنا متزوجين الحمد وكلنا صار لنا مواقف حلوه ومضحكه مع زوجاتنا // أزواجنا حاجات حلوه تبقى في الذاكره ماتنسى ياليت اللي عنده موقف حلو يحطه ونغير روتين القسم نبسط , نفرفش , نغير جو مو كله مشاكل مشاكل مشاكل :) أنا ابداء بنفسي انا عندي أم جوري مستحيل تقول ما اعرف ولا الله اعلم ولا مادري ماشاء الله تبارك الله عليها كل شي تعرفه :d رحنا قبل فتره الى مكه وانا اعرف مكه زين لان لي اهل هناك وكنت اروح لهم با أستمرار المهم بعد ماعديت شارع الستين متوجه للحرم قلت : حبيبتي قالت : نعم قلت : تتوقعين في بيك هنا بالشارع وانا عارف انه في بيك بعد يمكن 30 متر بس مو باين قالت : لا حبيبي مكه كلها مافيها بيك قلت : متأكده قالت : اي كم مره جيت ماشفت فيها بيك ومشينا شوي بالسياره واقوله شوفي البيك هذا هو :d ههههههههههههههههههه قالت : وي شكله فك جديد اخر مره جيت ماكان في بيك هنا :cool: هذا الموضوع انا ما انساه وصرت من فتره للثانيه اقولها كم فرع ناوي يفتح البيك في مكه :) هذي وحده من الطرائف اللي ما أنساها لغاليتي ام جوري ياليت من الاخوان والأخوات اللي عنده موقف حلو حصل له مع زوجته / زوجك لايبخل علينا وخلينا نغير جو الكئابه اللي بالقسم أسال الله العلي العظيم ان اللي يفتح هالموضوع انه يغفر له سيئاته ويسعد قلبه ويرزقنا وإيآه من حيث لانحتسب ملاحظة : البيك مطعم كبير له أسمه بين المطاعم ومعروف جداً عندنا في الحجاز :) |
]أخي .. أبو جوري.. الله يحفظلك جوري وأم جوري.. فكره حلوه انه نكتب مواقف طريفه.. لازم أعمل عصف ذهني لذاكرتي عشان أقولكم كم موقف :17: راجعتلكم بإذن لله |
اقتباس:
ويحفظك يارب العالمين آللهم آمين يارب حياك الله تنوري بأي وقت |
موضوع ظريف جدا جدا يجعلني ادخله مرات ومرات لاستمتع بالطرائف لانو انا من هواتها هه
ما على بالي طريفة الحين موفق |
قال ما في فرع للبيك في مكة قال .. :(
عندنا أربعة فروع رئيسية : 1- أم القرى ( وهذا الذي تفاجأت به زوجتك :d) وليس حديث عهد ، بل إن له أكثر من 15 سنة على تأسيسه !! 2- الزاهر أسفل كبري العتيبية ، ومنزلي قريب من هنا ، ولازم تزورنا يا أبو جوري . :) 3- العزيزية - الشارع العام . 4- جبل النور مقابل النوري على الطريق المؤدي للشرائع . هذا بالإضافة للفروع داخل المولات ، ومنها فرع في سوق الضيافة بالزاهر . انتظرني أخي في الرد القادم لأستحضر بعض المواقف الزوجية :) |
اذكر موقف مضحك مررنا به وحنا بطريقنا لخط الدمام الرياض ...
وحنا طبعا كثيرين سفر للرياض للاهل طبعا الله يخليهم لنا ... كلعاده والمعتاد يلازمنا ضحك بلسفر وبلاخص انا تأتي بذكراي مواقف مضحكه واضحك فيسئلني واذكرها له والاهم بذاك اليوم وحنا نمشي وباقي بلمدينه للي حنا ساكنين بها .. وكان قبل ساعه من يوم مشينا للسفر كان في مطر وتوقف .. ثم كان الجو ممتااااااااااااااز جدا جدا هواء سحب كل كل شيء وكنا فرحانين لانه كان غدا بدء الاجازه الصيفيه وهو معلم فلصيفيه له طبعا .. فكان مفتوح شباك السياره من عند زوجي ومستمتع بلهواء ويذكر الله ومن هلكلام وانا مستمتعه ولكن لم افتح الشباك لان ولدي بحضني وسوالف مزح وضحكك. وكان زوجي متشييييييك ع الاخرررر.. فأتت سياره مسرررعه من جانبنا وكانت بعض الشوارع بها تكسير بلارضيه وبها ماء من المطر اللي قبل ساعه ومرت السياااااااره بدون ماننتبهه لان كنا ندور موقف امام مطعم .. للاسف مرت ونشخت مويه المطر اللي بلشاررررع ع زوجي وع غترته وشماغه ووجهه صدددددددددمه ! بس سمعت قال يوم تنشخت عليه (لااله الا الله محمد رسول الله ) وينظر فيني وفهمت من نظرته (يعني شوفي ياهمس ماتهنيت ابد لابلبس ولا بريحة العود اللي بخرتيني ولا ولا !!) انا يوم نشخت قلت لالالالالالالالالالا ... بعدها بشوي يوم مسكنا خط الدمام الرياض خلاص هنا ماقدرت اكتم ضححككككك ضحكت من قلب وهو بدء يضحك ويقول يارب يجيء لها موقف مضحك وضحك عليها يارب ....وخلاص طول الطريق ضحك عليه ياعمري شكله معصب متسخ ويتعطر الى ان نصل لااقرب محطه ويذهب لدورة مياه اكرمكم جميعا ويغير ..فكنت اضحك وعيوني تدمع لاتتعطر خلصت العطر حبي خلالالالالاص انت بتغير وشو له العطر ؟؟ قال اخاف ترجعين من ريحتي يكفي ان كاتم حاسة الشم لاجل مااشم ؟؟؟ ويضحك واضحك ابعطر نفسي الى ان اصل للمحطه واروووووووووووووووووووووح ابدل .. لاحول ولا قوة الا بالله ...شوي اكتم ويكتم معي ثم ينفجر هو ضحك ع الموقف وانا معه ..وسبحان الله من كثر ماضحكنا وامزح معه والله ان طول الطريق 4 ساعات تقولون انها ساعه اقتصر الطريق علينا ... فقال لو اني داري انك بتضحكين وتضحكيني معك كان كل مره بلسفر ادعي بموقف مضحك . والله يجزاك خير ع هلموضوع اللي بيغير جو المنتدى. |
ابو جوري الله يسعدك ويبارك لك في جوري وامها ويرزقكم الذرية الصالحه
انت تقول خاص في المتزوجين بس انا راح اتطفل عليكم بنيه انه ربي يرزقني بزوج صالح يسخره لي ولبنتي وراح اقولك على موقف حصلي مع زوجي من رابع يوم زواج يعني باقي استحي منه احنا من اهل الرياض ورحنا لمكة نزلنا بعدها للجنوب المهم في ابها المطاعم قليلة وبالاصح غالبها او يمكن احنا ماعرفنا يكون وقت الغداء غداء وبس العشاء عشاء يعني ماتدلل في الطلبات المهم ما تغدينا ذاك اليوم والساعه 6 المغرب بغينا الغداء ماحصلنا اي مطعم يوصل بالاخير قال خلاص نطلب خفايف وطلبنا صحن فطاير وكم حبه سمبوسة وعصير كوكيتل بصراحه ماكان الطعم ذاك الزود بس انا ماقلت اكلت عادي هو شرب شوي من العصير واكل نص قطعه سمبوسة قال طعمه مو حلو ولا وقته حلو وقام طلع من الصاله راح يدخن انا ماحسبت خبر مسحت السفرة عن بكرة ابيها بما فيها العصاير الاثنين ونص السمبوسه الباقية رجع الرجال وانا امزمز اخر الكوكتيل قال لا اله الا الله كللللللللللللللله بح ولا شي طيب النص لالا بس فتافيت كان بقيتي لي عاد الشكل مايدل انك متوحشه كذا والله صرت في نص هدومي من الفشله |
اقتباس:
ههههههههههههههههههههههههههههههههههههه قوية الله يزيد المحبه |
أبو جوري
كيف الحال أتأخر أحيانا منسجم مع المنتدى أو أسوي بحث أو أجهز موضوع من مكتبتي فأتأخر على الاهل وخاصة إذا راحو الاطفال للنوم فإذا جيت متأخر يسألون وش عندك بالمكتب ووش اتسوي بالنت وهم يدرون وش اسوي بس نوع من الاتهام المبطن.. قالت أدخل مواقع واتواصل مع ناس وانتعاون بالراي والمشورة وأنذكر هذا وننصح هذي ونشرح لذاك ومقاله أدبيه هنا وشعر هناك.. قالت إيه بالضبط من اللي معك قلت كل ما يخطر ببالك أرامل ومطلقين ومطلقات ومتزوجين ومراهقين أطفال أطباء (ولاحظوا طمرت قسم المقبلين على الزواج والمتأخرات ) فانتبهت وقالت المهم ما فيه باب عندكم للحريم اللي يدورون إرجال قالت: هاه .... أصلاً أنا ما أدخل هالقسم أبد قالت يعني فيه وابعينة ضحكة اللي كفش واحد ... وزات الضحكه على إني ورطت نفسي قلت اسمع سو كللش إلا هالباب لا تحاكيهم قلت أنا زي أبوهم قالت ولو ما هوب شغلك أنت وَقف عليّ .... مشكور ابو جوري |
موضوع رائع صراحة والله يخليلك ام جوري
أنا موقفي يمكن مو مضحك بس هو أقرب لكيد النساء ههههه المهم بعد ماصار عند زوجي اي فون صرت انا داااائما متوترة وأغار من هذا الايفون غيرة غريبة لأنه أغلب وقته عليه وبرامج الايفون كثييييييرة يعني لو زوجي يجلس عليه اليوم كله مايكفيه وهوا في البيت يفتح الايفون عشان النت لكن برا البيت يكون جوال عادي لأنه مافيه نت واللي يقهرني أكثر إنه ياخذ الايفون معاه للحمام (أعزكم الله ) فصرت أنا أول مايدخل الحمام أروح جري على النت وأفصله ومايصير عنده ارسال :d ودقيقتين ويطلع من الحمام هههههه وعجبتني الطريقة :14: عاد هو يفكر ان الارسال صار ضعيف ومايوصل ومرة من المرات وانا جالسة معاه ومعصبة :( قلت له شوف انت والايفون هذا لاتفكرني سهله ترى يوم بأكسره او اكب عليه موية لو ماتعدل بيننا والحمام انا بأفصل النت كل مادخلت :23: فضحت نفسي :25: قال وانا اقول ليش مافي ارسال كويس انك اعترفتي لأني كنت راح اكتشف لو ماقلتي (عمره ماحيكتشف بس عديتها له ) *هههههه وصار كل مايدخل للحمام يقول لا تفصلي النت أقول له لو طولت أكيد بأفصله تهديييييد مشكور على الموضوع |
| الساعة الآن 04:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©