|
حبوب كبتجون مع زوجي
السلام عليكم
مدري كيف ابداء موضوعي بس ان شالله بعد الله راح اجد الحل عندكم لاني مره تعبت ومدري من استشير بعد الله المهم مره من المرات كنت شايله ثوب زوجي عشان اغسله وهو ماتعود علي اني اغسل ثيابه يحب يغسلها بره المهم قلت بسوي سنعه واغسلها وانا شايلته حسيت ان الجيب مليان لقيت فيه حبوب غريبه بدون كرتون بدون شيء شكيت مسكت النت وبحثت لقيتها انها حبوب كبتجون خفت بعدها بكم يوم واجهته حلف انها مب له انها لاخوه (اخوه يعاني من تشوهات خلقيه فاعالطول صدقته ماشكيت بزوجي ابد المهم بعدها بسنه تقريبا واحنا راكبين السياره ولدي عمره سنتين جالس يحوس في السياره ورا ويطلع من كرتون منديل من السياره كيسين فيه نفس الحبوب الي قيد شفتها ويعصب زوجي ويهاوش ولدي قال هذي اسرار ماودي كان تدرين انها لاخوي قلت اخوك خله يتعالج مو تمسك الحبوب عنه قال خلاص بخليه يعالج المهم بعدها بفتره كان فيه خلاف بينه وبين اخوي انا دخلت ووسمعت اخوي يهدده بانه راح يفضح خويه الي ياكل حبوب المهم ركبت السياره واحس انه مرتبك وقالي سمعتي شيء قلت لا وانا سامعه بس ماعرفت وش اقول ( هذا خويه دايم يسهر معه ويحب يدق عليه ) رحت البيت قمت ادور باغراضه لقيت حبوب مره ثانيه هاوشته وكانه ماسمع شيء رحت ادور باغراضه لقيته مغبيها مكان ثاني المهم اليوم احوس باغراضه لقيت كيس حبوب جديد ضايق صدري مدري من اقوله اهلي ماخذين موقف من زوجي ولو اقولهم ماراح يخلوني عنده ولا دقيقه وش اسوي |
الله يعينك انشاء الله الاخوان يساعدونك
كم طفل عندك وكم لك متزوجة اذا سمحتي |
ابنتي سلوى
زوجك يخشاك ولا يخشى الله سبحانه فيما يفعل ويرضيك ولا يبحث عن رضى الله وهذه الحبوب ستوصله إلى غيرها من المخدرات وأشد فتكاً في عقله ودينه فإن رأيت أن تعامليه على أنه زوجك ومريض وبحاجةٍ لوقفتك معه فبادري بمساعدته للتخلص منها والرجوع للحق وذلاك خير فإن لم يستجب ورفض مسعاكٍ وأصر على ما هو فيه فأنصحك بمواجته بشكل صريح ومباشر وعاقل ومحب وخيريه بين ترك هذه الأمور أو فراقه لأنها تفقد الدين والعقل ومن يسعى لفقد دينه وعقله لا يصلح لنفسه فكيف لغيره وأنقذي دينك وعقلك وابنك منه, وبلغي أهلك بذلك ولا تعتمدي على نفسك في مواجهته. فقد تتضاعف آثار الإدمان ويصل جسدك أو عرضك شيء لا تحمدينه |
شكرا على الردود انا متزوجه لي اربع سنوات وعندي ولد المشكله انه غير معترف انه هو الي ياخذهن
|
السلام عليكم
في حالة التاكد من ادمان زوجك حاولي التقرب منه اكثر ومساعدته على العلاج واكثري من الذكر والدعاء وقيام الليل عافانا الله واياك من كل بلاء تحياتي |
حبيبتي
ناقشيه بجديه وقولي له انا سمعت حوارك انت وخويك وصوته كان مرتفع وسمعته فخفت اقول لك ذاك الليله بسبب غضبه من اللي صار !! وواجهيه واذكري الاماكن اللي وجدتيها عنده مره بلسياره ومره ومره ومره ! الخ لاتسكتين ان جاب لك كذبه ماتدخل العقل ! بعدين عندي سوالين انتي متاكده انها حبوب الكبتجون ...؟تأكدي لاتظلمين الرجال ؟؟ هل لاحظتي ع افعاله شيء متغير او عند رجوعه من السهر ؟؟ |
هل انتي متاكده انها حبوب Captagon منشط كبتجون مستعمل بين الشباب في نطاق واسع ولاسباب مختلفة وله اعراض اهمها التعب العام والانهاك الاكتئاب, القلق, اضطرابات النوم والقدرة الجنسية الزائدة بالاضافة للذهان وهو الجنون على المدى البعيد فهل يعاني زوجك من احدى هده الاضطرابات |
| الساعة الآن 08:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©