|
موضوع خطبتي اللي عقدني .. نوروني
السلام عليكم ورحمه الله وبركاته هذا اول موضوع لي بهالمنتدي .. وان شاء الله مايكون اخر موضوع اتمنــي تفيدوني .. ما اعرف كيف ابداء موضوعي .. لكن راح ادخل فيه علي طول لاني وصلت بالتفكير لطريق مسدود .. انا عمري 21 سنه ومن يوم اني في الثانوي وانا انخطب لكن ابوي يرفض والي الآن وهو يرفض يتقدمون لي الاثنين والثلاثه مع بعض ويرفضهم كلهم وحتي في منهم يتقدمون كم من مرره حتي في من صديقاتي خطبوني لاخوانهم ويرفض تعبني هالموضوع مره مادري ليه يرفض الكل مستغرب حتي يرفض بدون ما يسأل حتي .. مرات يوافق بالبدايه يسكتنا كم من يوم بعدين يقول لا وانا لما الحين ماكلمته بالموضوع وولا تكلم ولا فتح الموضوع ولا مره قدامي الموضوع يكون بينه وبين امي بس حتي امي قالت لعمي يكلمه وقالت لجدتي لكن مافي فايده وانا زيي زي باقي البنات ابي اتزوج واعيش حياتي .. وخصوصا ان صار يطلع كلام ان اهلي يردون عني لان كثير تقدموا لي الحين في واحد متقدم لي وعصب وتنرفز لكن مابعد عطيناهم جواب لما الحين ياليت تعطوني رايكم وش اسوي ؟ انا فكرت ان هذي فرصتي افتح معاه الموضوع لكن مو عارفه كيف ابداء فيه ( مع العلم انه مره يعصب لما تقول له امي ان فيه احد متقدم ) لو من رايكم اني اكلمه .. كيف افتح معاه الموضوع ؟؟ |
الله يفرجهاعليك ياقلبي بصراحه صعب تكلمي ابوك ومزاجه عصبي كلمي الوالده ليش ابوي مايبني اتزوج؟؟؟؟
بعض الاباء مايحبو يشوفون بناتهم يبعدون عنهم ؟؟؟؟؟؟؟؟؟؟؟؟؟؟ بس للو عندك اخواتك متزوجين غريبه؟؟ حبيبتي اكثري من الاستغفار والصلاه بنيه تسخير زواجك فالله خير موفق ورازق؟\\ موفقه [SIZE="3"] أحب بنتـــــــــــــــــــــــــــــــــــي[/SIZE «♥"]http://♥«·̵̭̣̌̇♡̬̩̃·̵̭̣̌̇«ṗŗέŋŝέşŝ«·̵̭̣̌̇♡̬̩̃·̵̭̌̇ ̣«♥[/URL] |
هل انتي موظفة ؟؟؟
|
آميييييين يارررب
لكن ابوي مو عصبي ابوي حلييييييييم لابعد درجه يعني مايعصب الا اذا وصل حده لكن استغرب عصبيته من هالموضوع وامي نفسها مستغربه وحتي مابقي اسلوب ماكلمته فيه ومافيه فايده وماعندي خوات متزواجات انا اكبر وحده ونعم بالله |
رسيل انا مو موظفه
انا لسه ادرس |
هل تنظنين انه من الحكمه السكوت !؟
ارى ان تكلمين اباك وبكل ثقه وترتبين قبلها الكلام وتحظرين ادله شرعيه على وجوب الاخذ برأيك وانه لا يجوز على الاب ان يمنع بنته من الزواج بدون سبب ! , اجعلي كلامك من الناحيه الشرعيه اكثر .. ولا يوجد مانع ان تبدي رغبتك بالزواج طبعا هذا التصرف يبنى على طبيعة علاقتك بوالدك بمعنى يتقبل او لا يتقبل ! سؤال : هل اباك يحبكم ويدللكم بشكل مبالغ بحيث لا يريد ان تخرجوا او يتضايق عند خروجكم ؟ |
الله يفرج همك اكيد في سبب خلي امك تفاتحه وتشوف ليش يرفض بس انتي طالبه زي ماقلتي يمكن يبي يضمن مستقبلك لمن تخلصي دراسه ,,, |
انا حطيت فكره اني اكلمه في بالي
لكن مو عارفه كيف افتح معاه الموضوع خصوصا ان الموضوع حساس وانا خجوله + ابوي مره حنون معانا وامي من قبل كم مره كلمته وجابت له ادله وكلمته من الناحيه الشرعيه لكنه عصب مره ابوي مره يحبنا ويدللنا ،، لما تقدم لي ناس بيسكنوني برا الرياض رفض يقول لا لازم بالرياض ولما جوا بالرياض نفس الشي يرفض حتي سآلته امي اذا كان فيه احد في باله فيقول لا والله محتاره حتي هالموضوع صار يآثر علي نفسيتي وعلي دراستي |
يمكن عشااانك تدرسين ويبغاااك تكملين درااااستك؟؟؟
ويمكن كماااان مااايبغاااك تبعدين عنه زي الوالد مع اختي اللي تزوجت في شهر 10 وربي قام الدنيا وقعدهااااا لانها بعدت عنه واللحين خلاااص تأقلم مع الوضع.. اكثري من الاستغفااااار والله يوفقك وييسر امرررك .. |
هو يقدر يشرط علي الي بيخطب اني اكمل دراستي
لكن يمكن اني مايبيني ابعد عنه هذا الشي حطيته من ضمن الاحتمالات اللي تخليه يرفض بس برضو هذا مو شي يخليه يرفض يعني انا بعد ابي اعيش حياتي |
| الساعة الآن 02:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©