|
زوجي كذاب
السلام عليكم جميعا .. بصراحه اكتب لكم وانا بمووووووووووت من القهر .. لااااله الاالله من سنه تقريبا او اكثر قالي زوجي ان عنده انتداااااب في مدينه ثانيه وانا طبعا بعيده عن اهلي في مدينه ثانيه لوحدي .. وقالي لازم اوديك لهم قلت طيب اذا مو مطول مو مشكله اذا على يومين اجلس في بيتي ان شاءالله ماعلي خلاف .. قال لا وانا ما استامن عليك طبعا على اساس ان الانتداب يومين او ثلاث المهم انا قلت مو مشكله وحجزلي ورحت لاهلي .. المهم انا بديت احس انه في ان في الموضوع لان كل ماسالته متى ترجع يقول ما ادري وما قالوا لنا متى ومسوي انه متضاايق من الشغل .. بس ماقدرت امسك شي عليه يعني ما تاكدت 100% فسكت مع ان الشكووك ذابحتني .. ورجعت لبيتي بعد اسبوعين اللي هي مدة الانتداب اللي قالي عليها !!!!!!! المهم انه امس كنا طالعين انا واياه وسوالف منا ومناك الا يقولي عن طريق المدينه اللي راح الانتداب لها قال تذكرين الانتداب ذاك اليوم اللي رحت ورجعت في اليوم نفسه الطريق كان مره متعب !!!!!!!!!!!!!!!!!!!!!!!:eek: انا هنا انذهلت راح ورجع في نفس اليوم وجالس طوول الاسبوعين هذيك يكذب علي بمهااره ويعلمني وش سوى والمشكله يكلمني كل يوم ؟؟؟؟؟؟؟ الحين وش اسوي اقوله اني كشفت كذبته ؟؟ ولا السالفه قديمه وما يحتاج اقلب صفحات قديمه ؟؟؟ من جد مقهووووره للدرجه هذي وصل الكذب حتى على اهله وامه واهلي ؟؟ طيب ليه ؟؟ ووش كان يسوي هناك لحاله ؟؟؟ |
انا احس مو قادره اسكت لازم اقوله بس ابغى اسلووب وطريقه
اخواني الرجال في المنتدى اطلب مساعدتكم |
بوقتها ليه ماتكلمتي...
عادي متى ماشفتيه مروق جيبي الطاري.. وقولي كيف بنفس اليوم وتاركني عند اهلي اسبوعين... بالتوفيق.. |
هلا اختي قلب القمر
انا ماتكلمت لان كنا طالعين ومعانا عمتي ام زوجي .. والحين انا واياه متزاعلين على موضوع ثاني ماجالي فرصه اتكلم معاه |
اول شي اتاكدي انه فعلا كاذب قبل اي شي
|
هلا ادمنتك ..
والله اتمنى انه يطلع صاادق بس كل شكوكي طلعت في محلها .. لانه الفتره اللي وانا عند اهلي كنا نسولف انا واياه على الماسنجر ودخلت اخته وسولفنا سوى .. فسالته اخته انت وين الحين وزلة لسانه قال في ( وذكر اسم المدينه اللي انا واياه عايشين فيها ) شوي الا قال لا لاانا في ( مدينة الانتداب ) .. |
ممكن يكون وده يجلس فتره لحاله ومحتاجها ومن غير أي مأثرات ومسؤوليه!!! أنا قلت ممكن.؟ والشي الثاني ممكن تتكلمي معاه والجو راااايييق وتسأليه بطريقتك. وأتوقع انا إنه إنت لو مارحتي بيت أهلك كان رجع في نفس اليوم. |
طيب يااختي متى ماانتهت مشكلتكم حاليا وجا وقت وصار مروق...
وخلي براسك كذا موقف ضده مثل اللي صار بالمسن واللي بالسياره واذا عندك غيره.. وفاتحيه وخليك هاديه وواثقه من كلامك وحازمه بنفس الوقت...بالتوفيق.. |
فعلا مثل ما قالت الاخت يمكن كان يحتاج وقت يجلس فيه لحاله يروح لربعة واخوياه ويرجع للبيت بدون ما يشيل هم لأحد تمر على الرجال فتره يتمنى يصير لحاله اسبوع او اسبوعين بالكثير وصعبه يقولك باوديك لاهلك لاني محتاج اجلس لحالي وصار انتدابه يوم وقال فرصه اخليها عند اهلها كم يوم لا يروح تفكيرك بعيد ولا تضنين به ضن السوء هذا حالنا يالرجال واذا مو الكل ف الاغلبيه |
الله يسعدك يا اخت ريانه
انا عن نفسي اتكلم تجيني فتره كذا ما ابغى اشوف مخلوق واحب اجلس لوحدي وماطلع حتى من البيت اخذ اجازه من عملي واودي مرتي عند اهلها واقعد لحالي لا اطلع ولا حتى اوصل عند باب الشقه بس بدون كذب ولا لف ودوران يمكن حب يغير جو زوجك يمكن ضايق خلقه شوي وماحب يبين لك بس بصراحه ماتوصل للكذب عادي يقول يا ام فلان انا ابي اقعد لوحدي وين المشكله روحي ارتاحي عند اهلك كم يوم بس ليش يكذب ويفضح نفسه بنفسه لهدرجه يعني مايقدر يكذب ويحفظ كذبته مظبوط عشان لاينفضح أذا شفتيه فايق وغزالته رايقه تعالي وقوليله الموضوع وقوليله ليش تكذب علي !! يمكن يبرر كذبته ويمكن فعلاً يكون في انتداب وطال مدته ويمكن يكون يبي يجلس لوحده لاتشغلي بالك بالتفكير اختي الكريمه ولا تهوجسي ولا تسوي لنفسك سالفه تشغل تفكيرك أساليه وشوفي وش عنده وبعدين حلي مشكلتك والأخوان والأخوات هنا محد راح يقصر معك بشي |
| الساعة الآن 06:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©