|
مشكلتي من جديد
السلام عليكم
زوجي .. شريك حياتي مل مني .. لسبب خخخخخ اني يتيمه .. طيب وش اسوي حكمه ربي ..يقول لازق بوجهك اربع وعشرين .. وانا حامل وبولد ويقول لاولدتي بسافر وين اخليك .. طبعا اهلي علاقتي فيهم سيئه .. بسبب كل واحد منشغل بعائلته واهتماماته وباسرته يعني رسمي برسمي .. تزوجت وانا عند جدتي الي هي عند عمي مع عائلته وحمدلله استحملوني لاني مافضلت ابقى مع اخي وزوجته ومشاكلهم ولو قعدت عندهم راح يكون محسوب علي كل شئ خصوصا زوجه عمي واولادها .. ماذا افعل واخي لااستطيع زوجتها لاتستحمل وهو يبي يسافر اسبوعين :11: يقولي ماعندك اهل :18: طيب وش الحاله هذه ابي استقر وجاني زوج يحب المظاهر وانا بيتوتيه ماطلع ابدا الا لعمل او مناسبه معينه وهذه شخصيتي .. يعني الله يعين انطوائيه غصب عني ..الحل بالله لاني زهقت منه من تزوجت دايم يقول لو امك عائشه كان اخليك عندهم وارجع اخذك .. والا اقعد عند اهلك :29: اقول خل اختك صغيره تقعد عندي قال ليش اخلي اختي عندك :29: الحل والفزعه مليـــــــــت معاد احس معه بالامان مع احترااامـــي له ماذا افعل انفصل عنه .. وارى طريقي بحياه كريمه لاعرف ماذا اافعل لاني سوف افعل شئ ولكن لا اعلم ماهو انتظر رائيكم وساقرر اذهب الى اهلي للابد ليحترم وجودي او احاول اغير قناعاته وفي نفسه لاني ساحتسبها عند الله اجر :( الحل ياجماعه |
حقيقة الله يكون بعونك بس يا ترى انتي بتشوفي حل مناسب انك تنفصلي عنه وانت حامل وفي ولد جاي عالطريق الله يقومك بالسلامة حبيبتي احكيله هل تعترض على حكم الله انت زوجتني وانت تعرف اني يتيمة وهذا و بيدي هذا من الله عز وجل ولا اعتراض على حكم الله احكيله من بعد اهلي انت امي وابوي واخوي وصديقي وانا الي بعد الله غيرك حنني قلبه عليكي الله يفرجها عليكي اختي
|
لاوالله اجلسي في بيتك واذا يبي يسافر خليه براحته المفروض انه مايتحرك من عندك وهو الي يخدمك ويقوم بيكي مويفكر بنفسه ويسليها ويتعذر انك ماعندك غيره يكن لك سند وعون الله يهديه ويسخره لك ان شاء الله
|
مشكورين جزاكم الله خير كلامكم منطقي والي قلتوه سويته
مافي فايده يرجع زي ماكان الله يهديه لاني بالفعل خلاص مليت منه ومن تصرفاته الطايشه وغير مسؤله |
طيب مافي مشكله خليله يسافر ويروح مكان مايبي دام انه معزم على السفر
خليه يجيب لك شغاله تقوم فيك وتخدمك فترة سفره وصلى الله وبارك لاتكبري السالفه ولا تزعلي مع انه هو المفروض اللي يكون جنبك بس الله يصلحه شوفي وحده من اهل الحي تشوف لك شغاله نظيفه تجي تقعد عندك وتساعدك لين يرجع زوجك والله يعينه طويل العمر خليه يدفع حقها وانتهت السالفه |
زوجك قهرني ...ولو انه زوجي لكان من زمان انفجرت فيه بجد ........
الله يهديه قولي له ان عاد الموااااااااال لو ان امك عايشه وووالخ ...! قولي تراك تحطمني بهلكلام وانت سندي ووحيدي وحبيبي بهلدنيا تقول هلكلام وطفشان مني ! بدل ماتعوضني عن فقدي لهم وبلاخص بفترة النفااااااااااس احتاج لمن يساندني واهلي فاقدتهم !! وزوجي حبيبي الوحيد لي بهلدنيا يتخلى عني بوقت احتاجه فيه واحتاج ام بجنبي بفترة نفاسي ...... للاسف يافلان تقول هلكلام وانا يتيمه وتزوجتني وانت عارف ...والان تتذمر لو ان امك عايشه لكن شكل محد بيساندني لا بتعبي ولا بصحتي .... بصحتي تقول لو ان امك عايشه وان تعبت ونفاس ومرضت تتخلى عني ... عندي الموت ارحم من هلكلام وكأنك طفشت ولا تبيني ..... خليه يحس ع دمه شوي يخجل من نفسه ...(اقسم بالله دمي فار من كلامه ) سكتيه ولكن بااسلوب حلو وهادئء مو صراخ وووالخ ... وروحي واتركيه بيفكر بكلامك وبلاخص انك تحتاجيه بلنفاس وقت تعبك ويتخلى عنك !!!! فمن يساندك لااهل ولا زوج وقولي جزيت خيرا ع انك بتساندني بوقت نفاسي ....لان مالي احد ..! واطلعي واتركيه يبي يزعل خليخ يزعل انتي مااخطئتي قلتي الجد والحق ....... وان بغى يسافر ع الاقل لايسافر بااول اسبوعين لانك بفترة تعب تاااااااااااااااااام ....خليه يسافر بعد الاسبوعييييييييين او يسافر الالالالالالالالالالالالالان بوقت حملك ولا وقت نفاااااااسك لانك بتحتاجين اغرااااااض كثيره واحيانا علاجات ومواعيد وهذا من غير تعب الطفل وحالته ........ حبيبتي انتي ماكتبتيي الا وانتي متضايقه من كلامه واجهيه خليه يصحى من النوم االلي هو فيه ويحترمك ........ ونصيحه اخيره اهتمي بعلاقتك بااهلك حاليا اقاربك واخوك وزوجته اهتمي بها باسلوبك الحلو واجعلي الاحترام بينك وبينهم لان لاقددددددددر الله لااحد يضمن شيء ان صار بزوجك لاقدر الله شيء الله يحفظه لك يارب او ظلمتك الدنيا مالك الا هم |
سبحان الله
كل يوم اسمع سمعه جديدة مل منك لانك يتيمه طب ليه ما تروحين لبيتكم تبعدين عنه فترة منشان يعرف قيمتك ويحس فيك |
حبيبتي ...احزنتي قلبي والله فلا اقدر ان اسمع قصصا عن اناس بلا قلب ولا رحمه...
انا لا افهم كيف يعايرك بعدم وجود الاهل او الام..فيا ترى هل اليتم بيد الانسان ام ان الله تعالى هو يقرر متى يأخذ امانته فيترك فلانا يتيما و فلانه ارمله و فلانه مفجوعه بولدها و و و ..و ما من احد على رأسه خيمة و كلنا جاييلنا يوم فعيب عليه يتكلم معك و كأن يتمك بيدك...لا وحل ولا قوه الا بالله.. بعدين, انت تمسكي ببيتك ولا تفكري لا بترك البيت ولا باللجؤ الى احد يعني بصراحه الواحد ببيت امه و ابوه يكون ثقيل بعد الزواج فكيف ببيت العم او الاخ!!! حافظي على كرامتك عزيزتي وحاولي تستدري عطفه و توقظي ضميره و يحس بالمسؤوليه اللي اخذها على عاتقه فهو اذا تزوج بنات الناس ليس عليه ان يتكل على فلان و علتان حتى يحملوا معه مسؤوليه الزوجه بعده....ما احد ضربه على ايده. او الزواج عنده فقط للحصول على خدمه ٢٤ ع ٢٤ وعند ما تحتاجه الزوجه روحي عند اهلكــــ??? ارجو ان تحل امورك قريبا و ان يهدي الله زوجك لما فيه صلاحكما وكلمه اخيره....كوني مع الله ولا تبالي |
اقتباس:
ويكفينا شر ناس مانحتاج لهم ولايحوجنا لهم |
اقتباس:
عشان كذا تمادى زوجي والا قبل شايلني لفوق بس دوم تهديد امه لي وتفاخرها بانسبا اولادها الباين في كل مكان وتشويه سمعتي جعل من زوجي ان يصبح هكذا وليس مبرر له الله يهديه الواحد يكون متحكم بنفسه .. والان يقول مش مسافر الله يستر بعدين الحين اقنعته بس تعبت من الترقيع في هالموضوع دايم |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©