منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   هل انا على خطأ؟ (http://www.66n.com/forums/showthread.php?t=222197)

شوكه بين ورد 07-04-2011 12:08 AM

هل انا على خطأ؟
 
الســــلام عليكم ورحمة الله وبركاته
هل انا على خطأ لما تجي اجازه ومااروح عند اهلي؟
خصوصا ان زوجي يقول ليه ماتروحي لاهلك في الاجازه
وانا حقيقة مااحب اروح لاهلي لاني احس اني اضايقهم غير كذا اختي اولادها يضربوا اولادي وانا الصراحه مااحب اعطي لزوجي صوره موحلوه لاهلي عشان كذا انا اقول ماابغى اروح بااجلس ببيتي وزوجي يزعل علي يقول اعرف ان كل الحريم يحبوا يروحوا لاهلهم الا انتي ليه؟
يعني معقوله الزوج يتضايق لما زوجته تجلس ببيتها وماتروح لاهلها؟

شقـردية 07-04-2011 12:13 AM

لأ موخطأ00

لكن يمكن زوجك قد تعود عليك ان كل إجازه تذهبي لأهلك 00فاستغرب وضعك حاليا

شوكه بين ورد 07-04-2011 12:22 AM

يااختي شقرديه انا من يوم تزوجت عمري مارحت لاهلي في اجازه وتركت بيتي وزوجي وانا ذحين عندي اولاد وليه سبع سنين مو معقوله كل اجازه يعيد نفس الكلام رغم انه عارف جوابي احيان احس اني ازعل خصوصا اليوم لدرجه انه مايطالعني كان سويت مصيبه يوم جلست ببيتي

بوح قلب 07-04-2011 12:57 AM

طبيعي حبيبتي زوجك بيستغرب
لان مثل ما قال الكل يروحون لاهلهم وما ينبسط الواحد وياخذ راحته الا في بيت اهله بعيد عن البيت ومسؤليته والضغوط

طيب انتي ليه ماتروحين يومين عند اهلك توسعين صدرك وتستانسين وترجعين لبيتك ؟
معقوله عشان الاطفال تنقطعين عن أهلك !!
صدَق المثل مدري الحكمه اللي تقول (الصغار يتصالحون والكبار يتفارقون )<< اذا تضاربوا الاطفال يعني

طيب انتي اذا ولد اختك طق ولدك .. يعني يطلع دم ؟
او تنكسر يده ؟
او يجيه شي قوي ؟؟

كلها خمس دقايق يصيح ثم يسكت لاتكبرين الامر حبيبتي
والاطفال حلوين وهم حلاوه الدنيا تقدرين انتي بذكائك ما تخلين احد يلمس عيالك بالكلمه الحلوه

يعني لو ضربوا عيالك روحي لولد اختك قولي عيب حبيبي ما يصلح انتم اصدقاء اذا كبرتوا تكونون مع بعض
وهذا صديقك في سرعه البرق تلاقينه يسلم على ولدك وبيقوله اسف

الاطفال عسوولين بس ما نعرف نتصرف معاهم

<< كأننا طلعنا من الموضوع :p

شوفي رووحي يومين لاهلك وجربي طريقتي وقولي وش يصير لك << تراي قسسم رياض أطفال

خليني أطبق عن بعد :p

بيكون لي عوده اشووف ردك وان شاء الله تقوين لي بروح واجرب طريقتك (كلها يومين هونيها يا بنت الحلال وتهوون :d)<< يارب تقول بروح
والله يوفقك مع زوجك ويهنيك

أم سلطان1 07-04-2011 01:08 AM

حياك أختي ورده بين أجمل ورد ياعمري يمكن زوجك يستحي من أهلك والناس يقولون يمكن هو مانعك من زيارة أهلك يعني عدم زيارتك لأهلك يعني الإساءه لسمعته بين الناس يمكن يلحقه كلام منا ولا مناك تعرفي الناس وسوالفها لاكن أنتي تدلعي عليه بكلمتين وقولي له أنا ما أصبر عن بعدك ولا عيالي يستغنون عنك أنا ما أرتاح في وجودي بمكان آخر وأنت بعيد عني وحتي عيني ماتذوق النوم إلا في حضنك أحس بالراحه والأمان والعيال يحتاجونك ويطفشوني بأسألتهم عنك لما أسافر وأنا أفضل نقضي الإجازه عندك هنا أنت زوجي وحبيبي وأهلي كلها في وجودك ما أحتاج أحد معي ياعمري وكثري الدلع والكلام الحلو حبتين
وفري راسه صدقيني راح يقتنع بكلامك وربنا يسعدك ويوفقك في حياتك يارب .

% قلبي حنون % 07-04-2011 01:46 AM

عزيزتي.. ورد

هل تقصدي انه يبغاكي تنامي عندهم في الإجازه ولا بس زياره؟؟

إذا كان قصده زياره فأكيد مستغرب.. لانه هادي صلة رحم و واجبه عليكي
أما إذا قصده تنامي عندهم .. فهذه على راحتك .. ويمكن يبغاكي ترتاحي و تغييري ..

موهبة الكويت 07-04-2011 02:59 AM

اعتقد هو مستغرب

لان اللي اعرفه ان كل السعوديات اذا صار عطلة راجوا بيت اهاليهم

اميرة الرومنسيه 07-04-2011 03:07 AM

ياورده بين الورود :)

زوجك اكيد يبغاك تنبسطي انتي واطفالك مع عيال اختك واهلك وتغيرون جو
ويخاف ان الناس يحسبون التقصير منه مثل ماقالت اختي ام سلطان

والاطفال يتضاربوا في البيت وفي المدرسه وفي الملاهي يعني لازم تتعودين

انا بناتي وهم بنات ينضربون بس مااقاطع الناس واحاول اتافهم معهم باللين

ولد اختي مع انه نتفه الا انه يبلش بنتي وعمرها 8 سنوات واحيانن يبكيها :(

بس هو يموت بشئ اسمه علك وسياره :d ودايم اذا رحت لهلي احرص عالعلك يكون بشننطتي عشان اهجده فيه :17:

وفعلا يحق لزوجك انه يستغرب ان ماتروحين لاهلك لانه مو عارف السبب ولان مثل ماقال الحريم يدورون الفرصه اللي يروحون فيها لاهلهم

انا دايم اروح لهلي واذا يوم رفضت الروحه زوجي يستغرب اني مااروح

عاد كيف انتي اللي ماتروحين لهم وقت الاجازات وسالفة ان تحسين ان اهلك يتضايقون منك شيليها من بالك ولاتكونين حساسه اكيد تلاقينهم مشتاقين لك

اميرة الرومنسيه 07-04-2011 03:15 AM

اقتباس:

المشاركة الأصلية كتبت بواسطة موهبة الكويت (المشاركة 2599062)
اعتقد هو مستغرب

لان اللي اعرفه ان كل السعوديات اذا صار عطلة راجوا بيت اهاليهم


:d وه بس متى يجي الويكند

اش نسوي اذا نموت عليهم وعلى لمتهم ؟

وبعد اذن ورده بين الورود .. بسالك ياموهبة الكويت الغاليه :) انتم ماتروحون لهاليكم بالعطلات ؟؟

الماضي الدفين 07-04-2011 04:18 AM

أختي وردة بين الوررروووود

زوجك لربما مستغرب عدم زيارتك لاهلك وهذا فعلا شي مثير للاستغراب ومحزن بنفس الوقت , اذ وضعت نفسي مكان أختك أو أمك واتخيل أن ابنتي لا تزورني !!! حقيقة هذا أمر محزن جدا ..

فلا افراط أختي ولا تفريط ولو استطعتي أن تجعلي مكان خاص لك ولاولادك في بيت أهلك فهذا طيب , وصدقيني أمك لا تمل منكم بالعكس حتى لو تذمرت وما أن تعودوا لبيوتكم حتى تشعر بالفراااغ وتقول يا زيييين أولادها وهم يكسرون أغراض البيت :)

أنا أنصحك أختي الكريمة أن تفسحي مجال لزوجك أن يسافر ويتفسح في الاجازات مادام رجل مستقيم ولا تخافي عليه , الرجل يحب أن يعيش أيام العزوبية فترة من فترات حياته فدعيه يهنأ بها ..


أموووورة

الفرق بين الكويت والمملكة أن المملكة كبييييييييرة واللي تسكن بعيد عن أهلها لازم تروح لهم بالعطلات وفترات طويلة , مثلا تكون هي وزوجها بالرياض وأهلها مثلا في الجنوب

اما في الكويت كلها خطوتين وما تحتاج تشد الرحال لاهلها ...

هذا قصدها أختي موهبة


الساعة الآن 03:25 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©