|
آآآآآه من ولدي عمره 5شهور
السلام عليكم ورحمة الله وبركاته تعبت من ولدي الله يصلحه ابغى اعدل نومه يصير ينام في الليل بس عجزت وتعبت اقعد ساعات انومه ولما انزله في فراشه يصحى نومه خفيف حييييييييييييييييييييييل صحيته بدري الصبح وخليته طول اليوم بس يغفي نص ساعه الظهر نص ساعه المغرب ما اخليه يطول عشان ينام في الليل يجي الليل وارضعه وعلى 12 يكون خدران ينام نص ساعه الى ساعه ثم يصحى ويبدأ مواله يغفي ويقوم اكثر من 4 مرات تعبت والله احيانا شوي وابكي الي عندها طريقه لاتبخل علي تكفوووووووووووووووون |
هو انت لسه شفتي شي الله يعينك شوفي موضوعي طرحته قبل شويه ومن شو بعاني انا كل ليله ببكي وبنزف كمان
الله يهديهم هالصغار |
والله قريت موضوعك والله يعينك ويعيني وكل مسلمه بس ان شاء الله الاخوات مايقصرون
|
عزيزتي.. يمكن ولدك مايشبع.. هل هو أول طفل ليكي؟ بدأتي تعطيه وجبه في اليوم؟ اذا ترضعيه طبيعي لازم يرضع من الجهتين.. وحاولي تهتمي بأكلك.. انشاء الله لما يكبر يتعدل نومه الله يساعد كل الأمهات أنا ولدي عمره 7 شهور وبطل يرضع من نفسه ومره متضايقه .. ليا يومين أفكر أطرح مشكلتي |
اعدل نومه لانه يشبع فيسهر بالليل
ايه اول طفل اعطيه سريلاك اما الاكل بس قليل ارضعه من الجهتين ان شاء الله يتعدل تعبت اغصبيه على صدرك يمكنك مو دايم تعطينه عشان كذا بطل |
السلام عليكم ..
يمكن - ولا أجزم - أنه يعاني من مغص ..كما حدث لي مع ابنتي ونصحتني خالتي باعطائها حبات من الرشاد مع سكرة نبات .. أعطيتها وأنا مترددة لكن الحمدلله صارت أحسن شوي .. خذي عشر أو خمسة عشر حبة واغسليها بسسسسرعة لا تبالغي في الغسل وضعيها في فنجان مع سكرة نبات وضعي عليها قليلا من الماء المغلي .. قبل النوم اعطيه الحبات بالملعقة .. ستنزلق الحبات بسهوله الى حلقه لأنها منقوعه ويمكنك أن تجربي بنفسك للإطمئنان ستلاحظين أن مرات اخراجه زادت مما يساعده على الراحة في نومه .. |
المفروض ماتعطيه اي شئ الين يكمل 6 شهور ويكون داخل 7 شهور عشان كذا يبكي ونومه قليل رضعيه طبيعي وصناعي غيري حجم المصااصة خليه M وتكون الرضاعة زجاج مو بلاستيك ماركة بيجون واعطيه يانسون بشوية سكر نبات لاتكثري السكر ودهنيه كل ليلة بزيت زيتون دافي وحطي عليه شوية زنجبيل وحاولي جو الغرفة يكون دافي مو مرة برد ولامرة حر جربي وباذن الله يتغير / انا بنتي مااعطيتها اي شئ من خرابيط الحريم بس رضعه طبيعي وصناعي الين كملت 6 شهور والحمدلله ماغلبتني كثير بالصياح وبعدين حبة حبة عودتها على السريلاك والبرنقال وهكذا بس دحين ماخدة حقها بالصياح وزيادة :d صرت ابكي معاها وبنت جارتي دائما اسمعها تبكي وكانت تعطيها موية بتمر وتأكلها بدري |
لاتشكي لي ابكي لك
نفس الحاله مع ولدي راسه خفيف ونومه ملخبط وجايب فيني العيد الله يعين الجميع .. |
ياكثر الاطفال الي ماينامو بالليل الله المستعان
أبن أختي كان دايما في الليل يصحى يعني كل نص ساعه كل ساعه وكان يقوم يبكي ومايقدر ينام تقريبا 10شهور على هذه الحاله وودته المستشفى يعمل تحاليل طلع عنده نقص فايتمين د وحديد شوفي أبنك لما يقوم يبكي ولا عادي وكم يجلس صاحي قبل مايرجع ينام مره ثانيه؟؟؟ |
اقتباس:
لا ياعزيزتي مامعه مغص |
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©