|
كيف أصير داية - عاجل جدا -
السلام عليكم و رحمة الله و بركاته
ألحقوني يا عضوات .. :24: مثل ما تعرفوا إنه أمي الله يطول بعمرها مريضة و تتعالج و جسمها متعب جدا .. و عندها جلسات الكيماوي - ادعولها الله يسعدكم بالشفاء العالج - .. و هي اللي دايم توقف معنا في ولاداتنا .. و بما إني يوم جبت ولدي و في فترة النفاس ما ارتحت لإني كنت بأجهز نفسي للسفر للدراسة و أمي اللي اهتمت في ولدي و ربته و كان ممنوع ولدي من الرضاعة .. فحتى الرضاعة مالي خبرة فيه .. فما عندي أي خبرررررررررررررة في النفاس و لا الإهتمام بالأطفال المهم ، أنا حاليا متعبة مع الوحام .. و أختي ولدت ماشاء الله تبارك الله ( أول طفل لها ) .. توها عروسة ^_^ و أمي مرررررررة ما تقدر تطالع فيها و يا دوب تهتم في نفسها و صحتها فأنا و أخواتي تكفلنا برعاية أختي و هي عند أمي ،، و أنا الوحيدة اللي فاضية تقريبا و بأنام عند أمي و أهتم في أختي مع أختي الثانية و أختي الثانية لسى مخطوبة و ما تعرف شئ ، و البقية متزوجات و ما يجوا غير مرة في الأسبوع .. مدارس أولادهم و مسؤوليات الزوج فما يفضوا .. . . مساعدتكم الله يخليكم .. و أمي ناسية كل - كيف أهتم في أختي في فترة نفاسها ؟ - كيف أساعدها بالرضيع ؟ - إيش اشتري من العطار عشان فترة النفاس ؟؟؟ - إيش أقول لأختي تستخدم عشان الخياطة تلتئم ؟؟؟ ( ولادة طبيعية و الحمد لله ) - إيش أطبخ لها ؟ و إيش أخليها تاكل و تشرب ؟ - إيش الخلطات اللي أستخدمه لها ؟؟؟ . . ساعدوني .. أختي الثانية دحين صحيت عشان تغيييير للنونو - الله يعزكم - .. أختي هذه تعرف تهتم في الأطفال ، تشيلهم و تأكلهم و تنيمهم و تنظفهم .. لإنها كانت دايما تشيل أطفال العيلة ، مو مثلي أفششششل حتى ولدي أمي ربته :24: بس أشياء النفاس ، أختي ما تعرف شئ فيه .. فزعتكم الله يخليكم .. و دحين بأجهز لأختي فطور و ما أعرف إيش أعمل لها ؟؟؟ حماتها قالت لها لا تاكل بيض لمدة يومين عشان النونو لا يجيه صفار .. من جد خبراتكم الله يخليكم .. و اليوم زوجي قال بيروح للعطار و يجيب لي الأغراض اللي أبغاه لأختي ،، و لازم أسجلها له في ورقة .. . . أحس إني أفششششل من جد ، حتى وقت ولادة أختي .. خفت أروح معها |
|
:: |
اقتباس:
و من جد و الله من غير مجاملة ، إنك أفدتيني بشكل ما تتصوريه .. تويي كنت بأعمل شاي عشان الفطور ،، بس قريت الموضوع و قمت سخنت الحليب .. :) و لا كنت كمان راح أشربها حليب بارد .. بس كويس نبهتيني ^_^ و جهزت لها بسرعة صحن التمر و غطيته و خليته جنب سريرها تاكل منه أي وقت بأسجل الأشياء في جوالي و ارسلها لزوجي ،، لإنه قال لي أرسله الأشياء الضرورية قبل الظهر .. :) حتى أمي قبل شوي بأسألها ؟ أجهز موية و ملح غسول لأختي ؟ قالت لي أنا المفروض أسألك لإنك متعلمة ؟؟؟؟؟ : ( أمي مع التعب نسيت كل شئ .. و قالت لي قبل شوي ، انتبهي على نفسك و حملك ترى يادوب أشوف حالي .. و ألف شكر سيدة الموقف .. ^_^ بنروح نفطر دحين قبل لا يبرد الحليب .. و بعدين أجهز باقي الأشياء اللي كتبتيها لي ربي يسعدك يارب |
اقتباس:
الله يجزاك خير ^_^ أصلا قلت لأختي ، ترى بأجرب فيك كل شئ عشان إذا ولدت إن شاء الله بعد 6 أو 7 أشهر :d لإنه ماحد راح يفضى لي وقتها .. : ( |
ألف مبروك المولود الجديد ..
يربى في عزكم إن شاء الله .. شوفي النفاس أهم شي الفطور متكامل .. و يكون في وقته .. و الاهم إن النفاس ما تجوع .. كوني حريصة يكون فيه وجبات خفيفة بين الوجبات الرئيسية .. شجعيها على الرضاعة الطبيعية من شان تضل تدر بالحليب .. إذا جيتوا تحمموا الولد .. حطوا شرشف في البانيو حقه .. من شان يساعدكم على مسكه .. و لا تتهاون في إستحمامه لان الماء يساعده في النمو و تقوية جهاز المناعة و تجنيبه الامراض .. واذا تعرفين القشر .. جيبيه لاختك و سويه لها ممتاز في تنظيف الرحم .. للاسف مالقيت له صورة لانه الظاهر مو معروف .. طريقته : حمسيه شوي على النار بعدين فوريه مع ماء وسكر على نار هادية لمدة 20 دقيقة .. تشرب منه في اليوم كاسين .. والله يقومها بالسلامة ؛ |
سمعت انو النفاس ماتستحم بشكل يومي وقد ماتقدر تقلل من الاستحمام
عشان الجروح واشوف امي تسوي معبوط التمر مع الرشاد والسمن وتتقهوى عليهم والاكل يغلب عليه البر وماتاكل الاشياء اللزجه شوفي فيه موضوع وحده تسال عن استخدام المسك ونصحتها اخت لنا بنصاائح حلووه وكثييير سمعتها طبعا النصائح هذي للدوره بس الدوره نفس النفاس والا @@<<يعني فيه شببه كثير |
حبيت اضيف برضه انه لازم تكثري السوائل الساخنة مثل اليانسون او الشمر لانها مفيده في اخراج الغازات من بطن المولود عن طريق لبن امه و كمان لازم تخلي الجرح دائما جاف و نظيف و تنشفه خااااالص بعد كل مرة تغير فيها الفوطه او تتشطف:22: ايه كمااان اه ايضا الطحينيه او لا اعرف اسمها عندك يمكن الهردة مفيده في ادرار اللبن:17: و وضع الطفل بشكل سليم علي ثدي امه مهم جدا بحيث يكون كله ملتفت لامه و بطنه ملاصقه لبطن امه و ليس راسه فقط هي التي تنظر للام و التاكد ان الهاله المحيطه بالحلمه اغلبها داخل فم البيبي و ليس الحلمه فقط حتى لا تتسبب في تشقق الحلمه :24: و تقلل ايضا من الهواء المبلوع مع اللبن هذا ما في بالي الان و لو افتكرت شيء تاني برجع ان شااء الله :14:و الف حمد لله على سلامة اختك و مولودها و مبارك ما جاءكم:14: |
سألت الوالده عشان أفيدك وسألتها عن البيض قالت بالعكس البيض جداا مفيد للنفاس والمولود أصلا يطلع من بطن أمه فيه صفار لكن سبحان الله الأطفال درجات مختلفه منهم الشديد ومنهم الخفيف عالعموم إذا أصيب بالصفار دائما يسقى بماء وسكر ويعرض للضوء مباشره عليها بشرف السوائل الساخنه الأعشاب المعروفه والإكثار من الشوربه وخصوصا حطي تحتها خطين شوربة الخضروات بمرق الدجاج لما لها من فوائد عظيمه(إذا تحبي أعطيك طريقة ماما) وأيضا هناك نوع من أنواع الحلا او أكله تاكل منها النفاس لإنه ينزل الدوره معمول من القرفه ومطحون الأرز نسيت إسمه بصراحه بس دايما آكله روووعه طعمه يممممممي وأيضا يوزع ضيافه على الحريم وعليه طبقه من المكسرات النيه المنوعه(لوز\فستق حلبي\كاجو\جوز الهند) إذا تحبين أجيب لك الوصفه وإيش بعد ياربي إيه المفروض والصحي المرأة النفاس ماتتعرض للهواء أبدااااااااااااااا حتى المكيف لإنه جسمها كله يكون مفتوح حتى بشرتها وجميع اجزاء جسدها لازم تتدفى مزبوووووط وبالنسبه للجرح سواء كانت قيصري أو طبيعي لازم ماتعرض المنطقه بالماء عشان مايتعفن ولكن تحافظ على طهارتها بالديتول الأخضر المخفف للمنطقه وتغيير الفوطه كل مالزم الأمر بس لاأطلب منك سوا الدعاء لي بالخير |
الف مبروك النونو الجديد
انا مش خبره بس بفيدك باللي عندي على الفطور تاكل تمر ويكون مع رشاد وحبة البركة مفيده جدا وتبعد عنها مشاكل الهضم الحليب مهم جدا شوربة لحمه مع خضار او شوربة دجاج مع خضار جدا جدا مهمه السمك جدا مفيد الاعشاب حلبه كمون ينسون قرفه بس ماما تقول الاعشاب يفضل تاخذها بعد 4 ايام عشان في بعض النساء يكون عندها مشاكل في الولاده وماتكتشفها في اول الايام وممكن الاعشاب تضرها تحاول تقلل من الماء في اول الايام عشان تحافظ على منطقة البطن دائما تكون واضعه شال على شعرها والاذن مفيده جدا ماما تقول بس مش عارفه ايش السبب ايش كمان .. الاستحمام مره وحده في الاسبوع بعد 20 يوم تتغسل في ماء + ملح كلام طبيبتي وقت ولادتي و الايام الاول يفضل تستخدم ميبو للخياطه او تستخدم غسول المر عشان تنشف الخيوط اتذكر ماما عملت لي شابورة وخلتها في علبه عندي مع خبز بر عشان ما احس في الجوع تقول الجوع مضر جدا للنافس هذا مايحضرني الان |
| الساعة الآن 02:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©