|
رأيكم في شخصيتي
بسم الله الرحمن الرحيم أبغى مشورة الجميع أنا متزوجة من 4 سنوات تقريبا ومطلقة من شهر ونصف أو أكثر مشكلتي في شخصيتي , يعني شخصيتي لاتعجب زوجي أببداً . ( كلامه عني ) فأنا لا أضحي من أجله ولا من أجل حياتنا الزوجية , متكبرة , متغطرسة , ماعندي أي خبرة بالحياة الزوجية من ناحية التعامل مع الزوج , لا أحترمه وأرفع صوتي عليه , لا أحترم أهله , عصبية , مزاجية , عندي قناعات مدري شتبي , أبيعه برخيص وإنو من آخر اهتماماتي . باختصار ماعندي أسلوب أبببببببببببداً . مثلاً ,, هو طلقني لأنو مل من أسلوبي وتعاملي معه , بعد شهر منطلاقنا رجع يبينا نرجع بشرط إني أتغير , ووعدته إني أتغير , ولمدة هالشهر ,, اكتشف إني ماعندي أي استعداد للتنازل عن أي شي من قناعات وغيره , يعني ماشاف وحدة تبي تتغير , (( أنا ساكنة مع أهله - أمه وأخت سيئة المعاشرة - يعني نفسيتي زفت ,, أطالبه في بيت ورافض وإلى الآن رافض لأنو مايبي يخلي أمه بلحالها علما بإنو لها ولد أكبر منه لكن هو يعتقد إنو هو أحسن من أخوه معها , ومع العلم بإنو أمه قادرة على خدمة نفسها من جميع النواحي لأسباب كثيرة لا وقت لذكرها لأنو مو هذا موضوعنا )). المهم هو يقول : أنا قدمت تنازلات كثيرة من أجلك ,, وإنتي ماقدمتي ولاعندك استعداد تقدمي أي تنازلات من أجلي , نتهاوش وتوصل نقاشاتنا للألفاظ السيئة والغلط على بعض ( من الطرفين ) هو اللي قالي اكتبي موضوع وكذا نصه وكتبته الآن ,, إذا فيه أي اضافات راح أقولها ,, وإنتوا أبغى رأيكم ,, وإذا عندكم أي استفسار اسألوني والسلام عليكم ,,, |
اقتباس:
|
السلام عليكم ..
طيب هذي سلبياتك كما ذكرها ... هل انتي معترفة بها ؟؟ بماذا ضحى من أجلك ؟؟ وما وجه التضحية المطلوبة منك ؟؟ |
اقتباس:
( احترام أهله) اللي يحترمني أحترمه واللي مايستاهل الاحترام لايحق له الاحترام أنا لاأحب المجاملات وصريحة مو بقلة ذوق ماأحب الغلط عشان كذا ماأمسك نفسي أبببدا طلبت منه يطلعني في بيت لوحدنا عشان تتحسن نفسيتي شوي مو راضي نطلع وبيرجعني لنفس المكان ( مع العلم إنو قبل طلاقي كان فيه مشاكل وذكريات سيئة جدا جدا جدا ماأحب أتذكرها ) أحب الاستقلالية والاستقرار النفسي ,, أحب أملك مكان وأكون أنا المدير والآمر والناهي فيه أغلب مشاكلنا وهوشاتنا لأسباب خارجية ,, لأني أكون (معبية) من برا غرفتنا وبأي موضوع أو سالفة صغيرة أنفجر وأعصب وأتنرفز هو يقولي : إني حاطته ند لي ,, وأنا مدري عن هالشي والله |
مع انك ما جاوبتي على كل الاسئلة لكن برد على قد ما اتضح لي من كلامك ..
اختي الكريمة .. انت معترفة بكل ما ذكره زوجك .. والاعتراف هي خطوة للتغير .. ولكن لا تقفي عند هذا الاعتراف وغيري من نفسك .. واكبر خطأ ان تخبري نفسك انك لا تستطيعين التغير و ( أنا كذا ) .. صدقيني انك تستطيعين متى ما عزمتي ووثقتي بقدرتك .. حاولي التغاضي عن بعض اخطاء خالتك وحماتك ولا داعي للتعليق على كل خطأ .. وان تندمي على مالم تقولي خير من ان تندمي على ما قلتي .. اظهري الخضوع والانكسار لزوجك بذكائك كأنثى .. لا تقولي له كلمات مثل ( اش معنى انت أو اش معنى انا ) هذه الجملة عادة تظهر الندية فتخلصي منها وما كان على شاكلتها .. لو كسبتي زوجك فصدقيني مع الوقت قد يقتنع بمطالبك المشروعة ويحققها لك .. ولكن ابدأي اليوم واضبطي انفعالاتك وابتعدي عن المواقف التي تعلمين انها تستثير عصبيتك ... ولا كل سالفة ينرد عليها يا قلبي .. الله يصلح حالكم ويسخركم لبعض |
أختي سناااريا مشكلتك أنت وزوجك متلخصة في أهل زوجك فسؤالي لك هو : ماهي مشاكلك مع أمه وأخته ؟ هل يمكن أن نقول أنك سبب في ما يحصل بينك وبينهن من سوء علاقة ؟ بالنسبة لزوجك : نصيحتي لك يا أخي لا تفرط بزوجتك , وهي ليست متعنتة ولا متغطرسة وطرحها لهذا الموضوع وتقبلها للنصح هو أكبر دليل على صحة كلامي... |
والله أنا كتبت الموضوع بناء على طلبه ,,
لأني الصراحة مالي خلق أكتب أو أتكلم مع أحد ,, يعني ملييييييييييييييييييييييييييييييييييت أحس خلاص بنفجر من كثر المشاكل ,, مليييت منها حتى مالي خلق أتكلم بموضوعي أو أشاور أحد والله مو قصدي إني ماأبي نصيحة أحد بس حامت كبدي من جد >< |
رسيل
نسيت أجاوب على أسئلتك بس والله مرررة مالي مزاج أكتب أو أكرر كلامي نفسيتي دمااار ,, ياليت أحد يتفهم للحالة اللي أعيشها الآن يمكن مع الردود شوي شوي أنطلق بالكتابة والاجابة على أسئلتكم |
أختي الماضي الدفين
مشكلي مع أمه وأخته يبي لها موضوع بلحاله لأنو رواية أنا أبغاكم تشوفون لي حل مع شخصيتي وزوجي راح يتابع كل شي |
ممكن تكون شخصيتك عجولة لتحقيق ما تريدين وتحلمين به وهذا سبب عصبيتك
|
| الساعة الآن 01:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©