|
زوجة اخوي الله يسامحها ويعين اخوي
اول شي راح اكتبلكم مواصفاتها وطباعها اهتمام في الشكل مافية نهائيا كريمات مكيا ج ماتحط الافي الزواجات ملابس مظهر تحت الصفر تفشلنا في المناسبات انانية ماتفكر غير في نفسها نظافة واهتمام في البيت مافية طبخ الحمدلله والشكر مبهذلة اخوي بغيرتها يعني مثلا انا لوزوجي جابلي شي لازم يجيبلها زية لو فلانة راحت السوق الفلاني لازم تروح هي مريضة بالغيرة معالتها مع اهلى معدومة همها بس اهلها لدرجة انها تخلي اخوي يمشي اهلها خلت اخوي ينقل من عندنا ويبنيلها بيت عند اهلها كل من الزن حقها اخوي يبغاها سعيدة وتعبان معاها موعشانة عشان يفتك من زنها وخايف على عيالة والله انة مايقدر ينام في بيتة اخواتها يجون ينامون عندها ولا عيال اخوانها الصغار في البيت مايخلونة ينام يروح يسكر على نفسة في المجلس ويدقون الباب علية والله انة تعبان و مو مرتاح باين في وجهة قلقان من اله الي عنده وهو دايما ينصحنا احنا اخواتة ويقول لاتسوون كذا مع ازواجكم يفكر ان الحريم كلهم زي بعض امي قلقانة من حالتة وماندري ايش نسوي مع زوجتة هو حاول يفهها وتعب معاها واخرتها رضي للامر الواقع احنا الحين ناوين يعنى نتفاهم معاها بس هي لونكلمها على طول تقعد تزن وتكذب اخواتك قالولي وسسولى تقلب كل شي لصالحها وقاعدة احاول اتقرب منة عشان افهمة الي تسوية زوجتة فية حرام وهوغير يسايرها هي والعجوز امها مستغلينة استغلال مابعدة بس ذحين راح الخص لكم مشكلتها الاساسية 1-ماتهتم بمظهرها تحسين لبسها تقال عجوز 2-شكلها ماتحط مكياج ابدا ومافية اهتمام لزوجها وهي ابدا وجميلة اخوي احلا منها3-اهلها ناس ماتستحي همجيين على مستوى وهذي لو بفصل بتعب3-يعطيها شهرين مصروف وهي مستغلتة تحطة في ذهب تامن مستقبلها يعنى ماتشتري ملابس وكشخها منو 4-ما تسعى ابدا لراحة زوجهاهمها نفسها واهلها وبس 5-اخوي حنون وحساس ومن احد يبكي عندة خلاص مايتحمل
وعلى فكرة هومايشتكي عندنا لانو كل العايلة كانومعارضين على زواجة منها بس هو لزم واخذها ابغى حلول لهذي الحرمة ولغيرتها المرضية وشلون نساعدة لانو خايفين علية من الامراض على فكرة هي مكرهتة فينا |
دام انه ماشتكى منها لاتدخلون في حياته وتصير هوشه بينهم بسببكم يمكنه مبسوط معاها تجي اوقات مشاكل بين الزوجين ويروحون لاهاليهم وهم واضح عليهم الزعل والضيق هذا مايعني انها منكده عليه عيشته واذا اشترت ذهب من حقها تشتري اللي يعجبها
|
الله يعين اخوك...والله اني احزن على اي رجل طيب وحنون وتجي زوجته زي كذا..حرام عليها والله...معناه بيعيش طول عمره تعيس..
المشكله هي ماتسمع منكم لو علاقتها معكم كويسه فهموها انه حرام الي قاعده تسويه ..لانوم ينام ولاراحه يرتاح..في بيته هو مدام ينصحكم انكم ماتسوون زيها مع ازواجكم...قوليله لا يااخوي الحريم مو زي بعض فيه حريم ينحطون على الجرح.. هو شكله نفسه يتزوج ..بس خايف انه الحريم زي بعض..اكيد جافي باله الزواج الثاني..ولمحليه انه الي زي كذا مايعدلها ويفوقها غير الحرمه الثانيه.على الاقل يهددها يمكن تحس وتستحي على وجهها على الاقل ماتخلي الاطفال يزعجونه وقت النوم بس انتوا وينكم عنه يوم اخذها.ليش مانصحتوه وهو ليش اصر ياخذها يمكن تزوجها عن حب..وهي تقربلك ولا من بعيد.. |
اقتباس:
بس هي تقول انه ينصحهم مايسوون زيها مع ازواجهم..وترى يبان على الواحد اذا مو مرتاح مع زوجته خاصة الرجال يبان عليهم.. بعض الازواج طيبين بزياده يكتمون ويصبرون عشان عيالهم...ويبان عليهم الهموم... حرام تخيلي تشوفين اخوك مهموم..ومو مرتاح في بيته ..ماتحزنين عليه؟؟ |
انا اشوف دخول اهل الزوج في مشاكل الزوجين بيكبر الموضوع بدل مايصغره والله اعلم حتى لو الزوج متضايق من زوجته دامه ماشتكى منها خلاص لاندور ونبحث عن مشاكلهم خاصة لو كان بينهم عيال وكمان هي تقول انها ماتحب يروح لهم يعني لو تدخلوا بيكبر الموضوع ويتطور ولاانا غلطانه؟؟
|
مع احترامي الشديد لك.. انا احس اساس المشكلة انكم مو حابينها.. وقاعدين تدورون وتتفرجون على اغلاطها!!!
ومعليش في تناقض بالكلام..تقولين مو مهتمة بنفسها !! وبنفس الوقت تغار لو سمعت احد راح السوق لازم هي تروح.. معانه انها تروح وتشتري ومهتمة بنفسها وماتبي احد يصير اكشخ منها.. تقولين المكياج ماتعرفه الا بالمناسبات فقط.. بعدين تقولين ماتهتم بنفسها وتفشلنا بالمناسبات!! يا اختي الناس اذواق.. هي يمكن بعد ذوقكم ما يعجبها!! هذي نقطة النقطة الثانية.. اللي اسشفيت انكم انتوا مو متقببلينه اللي هي مسألة البيت.. يا اختي حقها تبي اهلها.. اي إمرأة تبي تكون بجنب اهلها.. وين المشكلة!!! وشنو الغلط بالشي هذا!! هذا أنا أموت على اهل زوجي لو أدور الدنيا كلها ما ألقى مثلهم وهم بعد يحبوني ويحبون بنتي بشكل مو طبيعي.. لكن لو تخيرت بين اني اسكن بجنبهم ولا جنب اهلي راح اختار جنب اهلي.. مو نقص فيهم.. لكن اهلي لو أبسط شي انزعجت من عيالي دقيت عليهم تعااااالوا خذوهم ازعجوني بيجون ياخذونهم!!!! لو زوجي بيسافر ولا بيتأخر بالليل عنده شغل مالي غير اهلي وأمون عليهم.. مستحيل اتصل على اهل زوجي واقولهم كذا.. فمالكم شغل بنالها بيت عند اهلها ولا عندكم.. انتوا اللي بتسكنون ولا هي!!!! اخوكم متى ما بغيتوه سيارته تحت رجله دقوا عليه وهو بيجيكم.. وسالفة أنها أنانية وما همها إلا أهلها .. يا أختي انتي شدراك بكل سوالفها اللي قلتي عنها غير كثرة وجودك عند أهلك!! أو كثرة حشكم فيها.. النقطة الثالثة مالكم دخل بحياتها.. بكيفها طالما اخوكم ساكت لا تخربون بيته.. وأصلا حتى لو تكلم يعني شنو بتسوون.. ماراح تتقبل منكم نصيحة وانتوا بالاصتدام هذا.. لكن ممكن توصلون لها بطرق غير مباشرة .. يوم من الايام عجبكم لبس معين عليها ممكن تبالغون في مدحة.. وهي بتحط في بالها انه هذا الستايل يعجبكم تبدي تحرص وتدور على هالستايل.. لانكم وانتوا ساكتين ما تدري انتوا شنو يعجبكم وشنو مايعجبكم.. ممكن التقرب منها والتودد لها من طرفك ومصادقتك لها ممكن تجرأين وتتقبل منك لو قلتي لها شرايك نروح السوق مع بعض وتعطينها رايك باللبس.. ممكن تمدحينها تقولين لها مشاء الله عليك مملوحة بس لو تسوين كذا أتصور يطلع عليك توووووحفة.. إذا بتروحين لمشغل ولا شي تتصلين عليها أنا بروح المشغل شرايك تخاويني وخليها تروح معاك تقص تصبغ تغيير..أشغليها بنفسها وهكذا . الأمر بسيط لو كنتي فعلا تهمك مصلحة أخوك.. أما إذا مجرد فضفضة وتستمرون تحشون فيها ماراح توصلون إلا لطريق مسدود.. وراح تبغضونها أكثر وأكثر.. |
اقتباس:
|
ارى ان مشاكلها خاصة و يجب على زوجها هو ان يحلها بينه و بينها
و لو حصل تدخل و تحريض من قبلكم انتم او أهلها يمكن يخرب بيت اخوكي و هو مو حابب يخربه مشكلتها بالزينة و الاهتمام هي مشكلة خاصة جدا بينها و بين زوجها لأن أساس زينة المرأة لزوجها و ليس لارضاء الناس أما مشكلة بخلها و شراءها الذهب بدل الملابس فهي ايضا بيد اخوكي ، بامكانه يخفف المصروف عنها و يذهب معها للسوق و يشتري لها الملابس بايده دوركم انتم -أهله- النصيحة فقط أكبر غلط ان تنقدوها او تحاولوا تحريض اخوك عليها هو رجل و بالغ و عاقل و أكيد بيعرف يحل مشاكله بنفسه |
انصحي اخوكي بالشئ اللي يرضي ربنا بس لاتتدخلوا بينهم عشان لاتقلب المشكلة عليكم
الغلط من اخوكي صراحة كان وقفها من اول مرة مو بعد عشرة وعيال يقول تعبان !! الله يصلحها |
اقتباس:
مع احترامي لكل ما قلتِ .. ليس من حقكِ أن تستخدمي عبارة مثل هذه العبارة .. وأخوكِ هو المسؤول عن مشكلته وهو من يجب أن يوقفها عند حدها .. إن كانت تحتاج لمن يوقفها عند حدها. أخوكِ تعبان ومتضايق وغير مرتاح وأنتِ قلقة عليه ويؤلمكِ حاله .. على العين والراس .... ولكن لا يصح أن تتصرفي وكأنه طفل صغير ينتظر من يدافع عنه ويأخذ له حقه. وأساساً حتى لو تدخلتِ بأي طريقة .. ما دام أخوكِ بهذا الضعف والاستسلام والمسايرة ـ كما تقولين ـ فلن تُحل المشكلة. |
| الساعة الآن 04:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©