|
مقهورة وقلبي محروق على اهلي وحاسة بتأنيب ضمير
السلام عليكم
سامحوني ازعجتكم بمشاكلي وهمومي مالي الا الله ثم انتم افضفض لكم بالذات اني مسويه نفسي قوية ولايهمني شي ومن داخلي قلبي محروق ماكنت اعتقد اني بكون كذا بيوم من الايام كنت بنت مااهتم بشي اسمه زواج او عيال او بيت الي خلاني اهتم بهالشكل نظرات الشماته ياناس نظرات وكلام الشامتين يقتل مليون مرة في اليوم مااتكلم عن ناس يتشمتون من برى العايله انا اتكلم عن اهل واقارب مني وفيني ومع هذا يقولونها بوجه امي الله بلاك ببنت طايحه في كبدك مااحد يبغاها!!! بالله عليكم اي وحده تقدر تتحمل هالكلام واي بنت تنخطب في عايلتنا يتعمدون يقولون لاامي ان كل البنات الله وفقهم ماعدى بنتك الان نيتك شينه غير ان يقولون لاامي لاولد ولابنت عرستيهم اصلا مااحد بيطق لكم باب!! الي تتأخر ماتتزوج ممكن تتأثر نفستها بس الي ينقال لها كلام يسم البدن تموت مليون مرة في اليوم احيانا اسئل نفسي الى متــــــــــــــــــــــــــــى؟؟؟ كنت قبل اربع سنوات كاتبه في ورقه متفائلة ان في 2010 بيتغير وضعي وجات 2010 وبعدها 2011 والله العالم كم عدد السنوات الي بتجي ماابي اتزوج علشان نفسي ابي اتزوج علشان امي علشان ابوي حتى لو تزوج واتطلق علشان اسكت حلوق الناس الي ناشبة لنا قسم بالله كاسرة خاطر نفسي ليش يصير فيني كذا وربي اكتب لكم ودموعي في عيني كنت شعله من النشاط والطموح والضحكة ماتفارقني اما الحين مالي خلق نفسي مالي قدرة ان ابتسم بتقولون يووووو كل هذا علشان زواج؟؟؟ بقول لكم مب علشاني علشان اهلي ماني قادرة اشوفهم يتعذبون بسببي حاسة بتأنيب ضمييييييييييييييييير مع ان مالي ذنب حاسة بحرقه في قلبي وغصه في حلقي وانا اتذكر كلام ابوي وهو يناظر نفسه في المراية ويشوف الشيب ويقول كبرت ولاعرست اولادي مع اني عارفه انه يقصدني بس ماحب يقولها |
الله يكون بعونك اختي ادعي الله تعالى ان شا الله يستجيب لك عاجلا
سؤال كم عمرك انت؟ |
انتي تبغي تتزوجي عشان تسكتي الناس
ولا تبغي الستر ويجيك اولاد وتحسي انك لك اهميه وبيت يحتاجك اذا كان السبب الاول همك فاحسن تجلسي في بيت ابوك اما اذا كان السبب الثاني هو دافعك للزواج فصدقيني بيجيك الخير. بالتوفيق |
اقتباس:
عمري 27 |
اقتباس:
ان قلت لك علشان السبب الاول وعلشان السبب الثاني اكون صادقه وان قلت لك احيانا ماافكر في الزواج اكون بعد صادقه مايهمني نفسي ولايهمني كلام الناس الي يقولونه عني انا الي كاسر ظهري اهلي مااتحمل اشوف نظرة حزن في عيونهم بسببي سويت كل يتمنونه ولو يطلبون مني اي شي ماراح اتردد هذا الي يحزني ومقطع قلبي انهم متأثرين بتأخر زواجي وانا مب طالع بيدي اسوي لهم شي والاانا مش الى هذه الدرجه متأزمة احيانا اقول لو افرحهم حتى لو انا اعيش بتعاسة وحزن مايهمني |
بصراحه العيب مش فيك أو في أهلك هذا قضاء الله وقدره العيب في الناس الي ماتستحي وتأذي خلق الله في شي الله كتبه لهم
اصبري ياأختي ولايهمك ربي بيعوضك خير أهم شي خليك واثقة بالله عزوجل والجئي اليه لأنه العالم بحالك والقادر على أسعادك فرج الله همك غاليتي أكثري من الصدقة |
عزيزتي والله انتي نفس عمري :d
حرام تكسري نفسك وتحطميها صح كلام الناس ونظراتهم محرقة لكن مالفائدة اذا طاوعنا انفسنا في التأثرمن هولاء السذج !!! الايكفيك ان تحكي همومك لمن خلقك !! والله واقولها عن قناعة ان الذي خلقنا واوجدنا لن يتركناولن يضيعنا لكن متى ؟؟وهذا هو الاهم !! عندما نعيش لله وفي الله وبالله. |
الله يسهل امرك ويزوجك ويريح قلبك
كتبت كلام كثير ومسحته , اسال الله تعالى ان يتقبل دعوتي |
لملذا هذا النبرة اليائسة يا اتي .. وانتي لا زلتي 27 .. طيب لو وصلتي 30 او اكثر ماذا تفعلين ؟؟
يا اختي عيشي حياتك انتي في احلى ايام عمرك تضيعينها في حزن وهم ..... ورزقك مكتوب قبل ما تخلقين .. والناس ماعندها غير الكلام .. لو كنتي غير متزوجة حكوا فيكي ولو تزوجتي كمان حكوا فيكي ولو ماخلفتي حكوا فيكي ..الخ .. طنشي ولا تيأسي ... اليأس سلم القبر.. وتذكري ان في بنات اكبر منك بكثير ماتزوجوا وفي بنات تزوجوا في سن صغير ويتمنوا انهم ماتزوجوا..وبنات تزوجوا وتطلقوا في اقل من سنة من زواجهم احمدي ربك انتي معززة مكرمة عند اهلك ..ولا تخلي الزواج اكبر همك لأنك ممكن يخليكي توافقي على اي رجل يتقدم لك لمجرد الزواج وساعتها مارح يخسر الا انتي.. الله يوفقك ويرزقك اليقين والرضا بقضاء الله وقدره ..ويرزقك من حيث لا تحتسبي |
السلام عليكم :
أختي العزيزة لماذا هذا التشائم انا تزوجت بنفس عمرك والله انعم علي بزوج لا يوجد مثله ولله الحمد وكل الذين كانوا يشمتون بي اصبحوا يغارون مني، ولكن كنت ادعو الله تعالي كثيراً وكنت اقوم قيام اليل وادعو الله تعالى واطلبي من الله تعالي وانت ساجدة والله تعالي يقول(( أنا عند حسن ظني عبدي بي)) أحسني الظن بالله ولا تقنطي من رحمته . |
| الساعة الآن 02:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©