|
هل شعوركم مثل شعوري يالمقبلين..+ موقف محرج كيف القط وجهي
السلام عليكم ورحمة الله وبركاته.. أول شئ الموضوع فضفضة أكثر من إنه طرح مشكلة..وبعرف شعوركم ع اقبالكم للزواج ؟؟ بالنسبة لي من أول ماخطبوا لي الأهل فرحوا وسواا حفلة..لكن أنا مافرحت الفرحة اللي متوقع افرحها :d وزيادة على كذا زعلت..قلت لا تسوون حفلة وتتناقلون الأخبار..لسى باقي علينا التحاليل وباقي الأمور..اخاف افرح بعدين لاقدر الله ماتتوافق التحاليل ولا شئ..وينقلب الفرح حزن..واصير حديث للناس :24: لكن الحمد لله مشت الأمور تمام..وعدت التحاليل..وسويت العقد والملكة بدون شوفة..مع ذلك فيني الخوف من اظهار الفرحة.. بعد مرور أكثر من شهرين بعد الملكة..كان ودي اشوف زوجتي..ولكن خايف اطلب ويردون علي بالرفض عاد يطيح وجهي..لكن الحمد لله قمت ادعي ربي ان ييسر لي الشوفة..ومادريت إلى والطلب يجي من عندهم..قالوا اذا ودك بشوفه تعال.. الحمد شفتها..وتقبلتها والحمد لله مااحس بأي نفور..لكن برضوا كابت الفرحة داخلي خوف من أن لايتم الأمر..مع إن مابقي غير العرس..وهي بذمتي الآن زوجة!!! سؤالي..هل فيه أحد مثلي..ولا أنا أبالغ في خوفي واحتياطاتي من المستقبل ؟؟ ----------------------------------------- ثانياً..الموقف المحرج اللي مو عارف كيف القط وجهي فيه :) وقت الشوفه..وانا معبي نصايح من كل مكان..واسمع ان الكلام الحلو له مفعوله ومهم..وإنك إذا مدحت جمال زوجتك حتى لو كان مو ذاك القد راح يكون مردوده طيب خاصة على نفسيتها..الخ قلت خلاص لابد امدح جمالها.. يوم جت وسلمت طلعوا أهلها..وبقت أنا وهي نسولف..ومع السواليف..مدحت جمالها بأسلوب واحد عربجي..<شنسوي مالنا في الكلام الحلو..أول مره يعني هههههه هي ماهمتني..لكن دخول اهلها وقت ماقلتها آخخخ يوم اتذكر اصك راسي باقرب جدار.. مره اقول سمعوا؟؟ومره اقول لالالا أكيد ماسمعوا؟؟ومره اقول افرض كل كلامك معها يتصنتون عليه.. الله يعين بس هههههه.. وبالتوفيق..ولاتحرومنا من تعليقاتكم المخففة عن النفس :22: |
الــــ مبروك ــــف ......:14: :14: :14:
أخوي انت مبالغ بخوفك وانت بنفسك صنعته داخلك ليييش تخاف من بكره وبكره علمه عند الله إفرح وإنبسط وطلع كل إللي في راسك ترى هالفترات هي أجمل فترات الحياه ... إذا أنت في الفرحه خايف أجل لو تحزن >>> شكلك تموت هههههـ ( دعابه ) عادي حتى لو سمعو أهلها سوالفك ترى الاهل يفرحون لفرح بنتهم ويزعلون لزعلها الله يسخر قلبها لك ويسخرك لها يارب ... |
أخى gere :
بالنسبة لسؤالك الأول عن الشعور بالخوف ... والله نفس إحساسى هذه اللحظة .. فأنا فى بداية مشروع خطوبة ..لا أعرف لماذا أشعر بالخوف الشديد ..كخوف ليلة الإمتحان... بالرغم من أننى جلست مع البنت مرتين وهى جميلة ومتفاهمة معى.. أعتقد أنه خوف طبيعى ... فهى تجربة جديدة علينا ... سؤالك الثانى: أحسن شيىء أن تكون على طبيعتك ... فالبنت تحب الصدق كثيرا فى المشاعر... لكن أحذر لاتزيد الغزل ... مازاد عن حده إنقلب لضده... تقبل تحياتى ودعائى لك ولى وللجميع بالتوفيق ,, |
جزاكم الله خير...ردودكم والله ريحتني
|
الحمد لله مبروك أخوي والله يوفقك .
أخوي أنا شفت زوجتي من ثاني يوم بعد ما خطبتها . يعني اليوم خطبت . قال لي أبوها تعال بكرة شفها . وهذا قبل الموافقة سواء مني أو منها وما بعد سألوا عني . لكن الحق أن الزوج لازم يشوف زوجته وهي تشوفه ليكون بعدها الحكم في بقية الأمور . أما أن الواحد يخطب مجهول وهي تقبل رجل مجهول فهو يذكرني ببيع الغرر والجهالة :d فليس لأهل أي فتاة أن يمنعوا الخاطب أن يرى ابنتهم خاطبها ، وهذا في صالح ابنتهم وفي صالح الخاطب . وأستغرب أكثر مثل حالتك يا أخي . يعني تملكت عليها وصارت زوجتك وتقول جت الشوفة منهم !!! بعد أيش ؟ هذا حق من حقوقك لأنها زووووجتك وليست بمنتهم . وأول مرة أشوف واحد ما يشوف زوجته إلا بعد مدة من الملكة . ما شافها أثناء الخطبة نبلعها ، لكن ما يشوفها بعد الملكة إلا متأخر فهذي اللي ما تنبلع :) وعلى العموم أخوي الله يوفقك ويسعدك ، وراح تكون هالأمور من الذكريات الجميلة في حياتك إن شاء الله . واحمد ربك أنك ما خفت لا تقوم وتختبص ويصير لك مواقف حرجة معها وتمسكها عليك طول العمر وتعيرك بها ( بالمزح ) مثل اللي صار لي أول ما طلعت معها بعد ليلة الزواج ضيعت مكان الفندق اللي كنت أبغى أروح له مع أن مكانه معروف ، وهي إلى اليوم تذكرني بها :( |
يعتبر هذا الشي شعور عادي ببداية الأمر ولكن مع الايام تتأقلم على الوضع وأسال الله أن يسخرك لها ويسخرها لك يارب ترى نصيحة أهم شي ياخوي فهم نفسية الشخص حاول أن تفهم نفسيتها وبالتوفيق
|
اقتباس:
جزاك الله خير.. |
اقتباس:
بس شكله جاني من كثر ماني مسنتر هنا وأقرأ بالمشاكل هههههههه...مافيه شئ زين كله مشاكل*مشاكل أنا ماحب خطيبي وأبي الانفصال..وخطيبي مو عاجبني شكله ومو مرتاحه....الخ يبغالي أقطع عن المنتدى وأقرأ مواضيع تفتح النفس وتشوق للزواج :d والله يبارك فيكم.. |
أخوي gere
نفس شيء ما رأيتها الا بعد ستة أشهر بعد الملكة >>> ما فيه شوفة شرعية :25: .. أصنام إجتماعية لابد إن تُكسر:29: فيه نفس شعورك بالغموض بالنسبة للمستقبل كيف راح تكون حياتك مع هذه المرأة ؟ صحيح إنني دقتت بالبحث عنه الاسرة وعن المرأة نفسها ... وفيه مكالمات بيننا .. لكــن: فيه Dark spot شيء مظلم ماراح يتضح الا بالزواج ... وبعدين خلك بالمنتدى علشان تكسب مناعة من المشاكل ويكون عندك خبره :30: |
Falhung
جزاك الله خير..أنا عشان مابيني وبين زوجتي تواصل أحس بفجوة كبيرة بعد:).. وبالنسبة للمنتدى ياشيخ جاني Phobia (رهاب) منه :d بس مع ذلك الحمد لله تعلمت ماشاء الله منه الكثير.. وبالتوفيق للجميع.. |
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©