أشعر بملل والفراغ الشديد؟
 

السلام عليكم ورحمة الله وبركاته

اخواتي الاعزاء
ارشدوني للصواب
انا متزوجة من ثلاث سنوات وعندي طفلين
الموضوع اني عايشة بيت اهل زوجي وما عندي شغله اسويها ابدا غير تربية عيالي وزوجي لاهي عني بمشاكل ابوه ...فأكون طول النهار فاضية وما عندي شغله .

شو اسوي ما اقدر اشتغل عشان ما اخلي عيالي ويا الشغاله بروحهم.
دلوني لقضاء وقتي بشي مفيد.

تابعي مثلا برامج بالتي في مفيده ... اشتري لك كتب منوعه قصص رواايات كتب

زوجيه كتب عن التربيه كتب فقهيه ..

حطي لك جدول معين للقران .. اسمعي محاضرات ..

اذا فيه مسابقات تابعه للمسجد او العائله اشتركي ..

اذا انتي تحبين الاعمال اليدويه سوي ..

مثلا تريكو ... مثلا اشتري الة لصق الكرستال وزيني بيتكم او اغراضك ..

عندك هوايه او موهبه سويهااا ..

هذا مايحضرني الان ..

سجلي بدار تحفيظ قران وفي عندهم حضانه للاطفال
حاولي تدخلي المطبخ وتسوين حلويات لاهل زوجك و زوجك

الفراغ سبب من اسباب تفرغ ابليس للانسان


ممكن تحطين لج جدول تختمين فيه القران

ممكن تغيرين في نوعية الطبخات

ممكن تحطين لج جدول في تعليم عيالج

ممكن تشتركين في دروس دينية يسمح فيها الاطفال


موفقة

الحل هو

انك تسفرين الشغاله وتهتمين انتي في البيت والاطفال والطبخ والتنظيف...طبعا تحطين جدول عشان تكونين منظمه وقتك..

صدقيني بعدها ماتلقين وقت حتى تحكين راسك...بس منجد تحسين انك لك دور في الحياه وتحسين بوجودك وانك عايشه فعلاوتحسين بالسعاده ..

مشكورين الغاليات
عجبتني افكاركم