|
وربي حزينة
صبحكم الله بكل خير
أنا كثير انزل مواضيع عن خطيبي وكنت اسمع نصايكم بس للأسف يد وحده ماتصفق كان بعض الأعضاء يقول اعطيه فرصه وأنا الأن لي ثمانية شهور مملكه ولاتغير ولاشئ بالعكس زاد له أكثر من شهرين مازارني وخلال الأيام السابقه كان لايزيد على ساعه بل تصل إلى ربع ساعه ياأخوتي قطع الحزن قلبي وش اللي يصير معاي يدق علي بعد اسبوعين او أكثر والمكالمه دقيقتين او ثلاثه لاأعرف عنه شئ سوى الغموض والعجيب انه صدقوني يدق دقه وحده إذا مارديت مايرجع يعاود الإتصال الحين ساحب علي كل هالفتره وبالأخير دقه وحده ياالله احس ماعاد فيني صبر يزورني ماقدم لي ولامره حتى ورده ياليت لو بطاقه حب واهديت له ولكن لاجدوى أختي اللحين ملكت زوجها يزورها يوم بعد يوم وأخذ اجازه اسبوع عشانها لأنه في منطقه ثانيه وواعدها بكل اجازه انه يزورها متفهم تجرأت عليه وعرفت الكثير عنه الله يوفقهم ويسعدهم ويهنيهم في بعض ماشاء الله أختي أحب لها الخير أكثر من نفسي لكن مايحزني نظرات اهلي لي بالشفقه واحساسهم بما في نفسي مع اني أخفي حزني إلا لربي ماعشت ايام ملكتي إلا بحزن ومن يوم عرفت هالإنسان ماعرفت إلا دموعي اللي تملى مخدتي بقي على زواجي شهور معدوده وانا لازلت في همي ولا ادري إلى اين تجرني الحياه إلى السعاده أم الشقاء .... |
ماعليك يا اختي اصبر وان شاء الله راح يتغير طيب انتي اساليه قولي وش فيك ممكن يكون مايبيك وممكن فيه شي انت ما تدرين عنه وشوفي وان شاء الله خير
|
كم مره صارحته برسايل بس ماأقدر أكلمه آستحي منه بس مافي نتيجه ياليت لو مايبغاني كان قالي وآرتاح وريحني...
|
ابنتي السعيدة (الحزينة)
من الدروس التي أدرسها للمتواصلين معي قاعدة أقرب مسافة بين نقطتين الخط المستقيم وهي هنا مصارحته برسالة زوجي فلان لاحظت أنك تفعل كذا وكذا ولا تفعل كذا وكذا فهل هو طبع منك لا علاقة له بمشاعرك تجاهي وتجاه إكمال الزواج أو في نفسك شي؟ أرجوك وضح لي رأيك فالكل يقارنون ما تفعل بزوج أختي وأذكري له مشاعرك تجاهه. سيرد عليك لأنك تكونين قد ريحيتيه من هم المواجهة أو تشجعينه على مواجهة أهله ونفسه. أسأل الله العلي القدير أن يجمعكما على خير وييسر أمركم |
صارحته وقلت له إذا في شئ مو عاجبك قولي
قال حبك مو بالرسايل أخاف اصارحه مره ثانيه ويقول عني نكديه وأخاف إذا قلت زوج أختي يقول ليش اقارنه بالناس تعبت والشكوى لله يارررب رحمتك بي |
الله يصبرك .. أصبري ان الله مع الصابرين .. ولا تنسينه من الدعااء
|
أختي العزيزه.. أدعوا الله أن يفرج همك ويريح قلبك في أقرب وقت.. غاليتي .. كوني جريئة .. قوية.. هذا زوجك ولا يوجد مكان للحرج والخجل في مثل هذا الأمر بكل بساطه دقي عليه وكوني محضرة الكلام كله في ورقة.. أهم الأسئلة واذا مره ماعندك الجرأه .. أرسلي مسج بس وضحي كلامك وقوليله مستنيه الرد هذا زواج .. يعني حتعيشي معاه باقي عمرك لازم من التفاهم.. لازم يكون في حوار ترى كثير من الرجال ماعندهم أسلوب الحوار بس انتي لسه في أول المشوار.. ولاتقولي اهلي ينظرو ليه نظرة شفقه .. ليه ؟؟ انتي ماسويتي شي .. هو شخصيته كدا.. المفروض اذا مره كنتي متضايقه يتدخلو في الموضوع بشكل غير مباشر بأسلوب لطيف.. يتصل أبوكي .. أخوكي مثلا الله يختارلك الي فيه الخير |
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©