|
خصوصية المخطوبين
السلام عليكم ورحمه الله وبركاته..
الله يسعد ايامكم يارب البارح كلمت خطيبتي (مملكين من سنة والزواج بعد اربع شهور ان شاء الله) لانهم مسافرين من اربعه ايام لمدينة اخرى غير المدينة اللي انا ساكن فيها فكان فيه سواليف شوي واسألها وش اشترت ومن هالحكي والحمدالله اصبح عندها تحسن في تعبير مشاعرها احسن من بداية الملكة لاني كنت اشتكي من هذي النقطة وماقصروا الأعضاء هنا بالنصح واستفدت الله يجزاهم خير ولكن تفاجأت بعد ساعة من السواليف ان ابوها عندها نايم (حسب كلامها) من جد عصبت لأن مالها داعي نتكلم كلام حلو ودلع وابوها عندها قلتلها ليه ماقلتي من اول عشان مانزعجه او انك تخفضين صوتك لان صوتها يسمعونه خلق الله كلهم تقول ما اعرف اتكلم بصوت منخفض :19: ماطولت وقفلت سؤالي وش هدفها تكلمني وابوها عندها لأني اعرف البنات يستحون وهي ماعندها مشكلة؟ هل هذا الشئ طبيعي وحدث معكم؟ وهل هناك خصوصية بين المخطوبين (المملكين) او لا؟ |
شوف أخوي خطيبتك نوع واثق من نفسه بقوه والله انا مجرد اشوف ابوي تحرك وهو في نومه اقفل واوقات ما اكلم لو موجود ابوي بالبيت بس اخواني الشباب عادي لأنهم خاطبين ومتزوجين بس يمكن ابوها ما عنده مشكله من هالناحيه ما ادري
بس الاكييييد والاكيييد جدا انو فيه خصوصيه خاصه جدا جدا للخطيبين المفروض ما احد يدري فيها غيرك انت وهي وبس حاول تكون مثل صديق لها وقولها هالشي يضايقني ولو كررته ازعل والله العظيم مره سويت كذا قال لي خطيبي كلمه ورحت من الهباله قلت لأمي وبعدين لما كلمني قلت امي حزنت عليك لما قلتلها وقام هزأني وقفل وجلس يومين ما يكلمني وربي ( تأدبت ) وهي سالفه جدا عاديه هههههههه إسأل مجرب ( عندي خبره مخطوبه من سنتين) أتمني أفدتك .... |
والله الي بتسويه خطيبتك او زوجتك خلط والله حتى انا ما بعجبني مثل كذا لازم يكون في اسرار بين المخطوبين
طيب والله عمتي عمرها 40 سنة يعني حتى هى متزوجة من اول ما تسمع انه زوجه اتصل بتقوم من مكانها وتتكلم معى يعني حتى لو ما كان الكلام غزل و حب لو كان كلام عادي بتروح على جنب وبتتكلم انت انصحها احكيلها لاوم يكون في اسرار بيني و بينك و مابصير تتكلمي معاي في الموبايل بصوت عالي وتسمعي اهلكخلاص يكون الكلام بيني وبينك يمكن هى ما بتعرف هذا الشئ انت انصحها و ارشدها وانشاء الله تفهم والله يوفقك ويشرح صدرك |
الله يوفقكم ويتمم أموركم بخير ...
قرأت الموضوع وشعرت بارتياح من وضعك ... موضوعك عادي ياأخي بل موضوع جميل وأهنيك على هالزوجة .. أما الخصوصية فهناك خطوط حمراء معروفة لدى الجميع ، هي اللي لابد تكون مغلقة عن الجميع . يعني خصوصية في الأمور الخاصة بين الزوجين وماتنبني حياتهم عليه .. أمرك بسيط جداً ، خبرها تحافظ على خصوصية حياتكم من الان وبشكل هادئ وهي بالتأكيد راح تتقبل ... وبالتوفيييييييييق ... |
الموضوع عادى جدا علمها ماتريده منها .. ويمكن تكون البنت نيتها صادقة .
سؤال: ألم تفكر بأن قد يكون والدها سمعه تقيل؟؟ هههههه والله عادى .. لاتكبر الموضوع تحياتى ,, أخوكم m.s |
موضوع عادي حتى هي تستحي من ابووها
بس يمكن اذ نام ما يحسس باحد مثلي هع لا تتضايق ع كذا |
حالة قد تكون طبيعية التمس لاخيك عدرا وفقكم الله ان كانت نيتكم صادقة وشكرا
|
عارف ايش الي قهرني ف موضوعك كلو (وش هدفها) ليش يعني استنتجت انو ليها هدف انا متاكدة انها آخده الموضوع ببساطه. بأختصار هيا ما حسبتها صح. غلطانه. اي حاجه بس مو كويس انك تفكر انو ليها هدف يا اخي خد الموضوع ببساطه. ونبهها ووضح لها انو دا التصرف غلط بس بهدوء يعني لا تحسسها انها مسويه جريمة. اعطي الموضوع حجمو. واكيد مهم مره انك تصارحها ربي يوفقكم وبسعدكم |
اقتباس:
انا توقعت اقل شي تقولي ان ابوها عندها اوتلمح بس ساعه كاملة سوالف بعضها شوي خاص وابوها نايم عندها احسها صعبة.. فأنا بطنش المرة هذي لأن اول مرة تصير وماودي اعاتبها ارجع معها لمرحلة الصفر بالنسبة للتعبير عن المشاعر وترجع تنكمش على نفسها وحبيت اعرف افكاركم وما اكون منغلق على افكاري لأني استغربت الوضع مشكورة اختي واكيد افدتيني:22: ويعطيك العافية اعذروني اخواني واخواتي.. برجع ان شاء الله بكمل الردود عن اذنكم |
اقتباس:
والله هذا اللي رفع لي ضغطي .. شي عجيب بالنسبة لأسرارنا اللي لاحظته انها ماتقول شي لأهلها وقصدي اوضح هالشي بعد الزواج وسأضع النقاط على الحروف بحكم اننا راح نكون ببيت واحد فبتحترم كلامي ويكون تأثيره ابلغ من الجوال وعمتك ماشاء الله عليها هذا المفترض من الزوجة الحكيمة يعطيك العافية اختي والله يجزاك خير* |
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©