|
مين جربت الولاده في مستشفى الرعايه بروكير؟؟
السلام عليكم ورحمة الله وبركاته
طيب الله أوقاتكم بذكره :) مثل ماهو مبين من العنوان مين جربت الولاده في مستشفى الرعاية بروكير الي على طريق الخبر المستشفى ماله كثيييير وأنا صراحه محتااااره جدا جدا المستشفى الي كنت أولد فيه أول صارت سمعته سيئة:29: ياليت الي عنده أي معلومة لاتبخل علي فيها :11: وأعتذر أن كان سؤالي مش في مكانه أو سياسة المنتدى تمنع هالسؤال مدري بصراحه؟ جزاكم الله خير وأسعدكم في الدارين:) |
هلا حبيبتي ندى
الله يسهل عليك يارب أنا ولدت فيه قبل 4 شهور بالضبط. كلمة روعة قليلة بحقة مره مره حلو والتمريض أخلاقهم حلوة ويدلعوك أخر دلع ولدتني الدكتورة رنا جمال كانت قمة في التعامل وذوق بصراحة المستشفى نظيف وهادي ورايق الحمد لله اللي وفقني له على ان ولادتي بطلق صناعي ومتعبة شوي لكن هونها علي تعامل الممرضات والطبيبة انا انصحك فيه وبقووووووووووة والله ييسر لك على فكرة لو عندك اي سؤال انا حاضرة حتى لو تبغي صور غرفة الولادة فهي معاي ;) |
الله يعطيك العافيه حبيبتي gawlp طمنتيني لأني مره محتاره أنا بحثت فيه بالنت والكل مدحه بس في وحده أعرفها خوفتني شوي :24:
وقالت لي أبرة البنج تبع الخياطة جدااااااا مؤلمه وأكثر وقتها بغرفة الولاده جالسه لحالها يعني بالعربي الممرضات كانو مشغولين عنها الشي الثاني ودي أعرف وقت الولاده يلبسون الام زي الشراب الطويل لزوم الستر يعني؟؟ ماقصرتي gawlp الله يسعدك ويرزقك من حيث لاتحتسبي:) واذا تقدري تحطي الصور حطيها ماأبي أكلف عليك وأشغلك معاي |
في عندي بعد سؤال
صحيح لازم الوحده عند الولاده يعملو لها قسطرة؟؟؟(ياخوفي بس) تعبتك معي حبيبتي سامحيني |
هلا ندو
إسألي وخذي راحتك إبرة البنج بصراحة ما جربتها خليتها تخيط ببنج موضعي تخيلي بس! ! ما أدري ايش جاني بس خفت منها وقلت المكان تعبان خلقة خيطي ما الخياطة بتعور اكثر من الولادة هههههه اما الممرضات ابدا ما تركوني بالعكس وحده منهم طول الوقت تسويلي مساج بظهري. عاد ما ادري لو كان وضعي عادي انا الضغط مرتفع فجلست تحت المراقبة وكل شوي يقيسوا الضغط القسطرة ما عملوها على طول بس سووها لي علشان التحليل لاني الله يكرمك ما قدرت من الخوف اعطيهم عينه للتحليل الصور بنزلها لما أدخل من اللاب توب لاني داخله من الجوال ايه كمان الشراب بيلبسونك هههه هو باقي فيه شئ ينستر ;) |
الله يعطيك العافيه يالغاليه ماقصرتي أبد وأي وقت تكوني فيه فاضيه حطي الصور خذي راحتك
ربي يسعدك ويرزقك من حيث لاتحتسبي |
آمين الله يسمع منك ..
ويسهل ولادتك ويرزقك طفل سليم مغافى؟؟ هذه الصور من داخل غرفة الولادة وغرفة التنويم :25: :25: :25: http://img339.imageshack.us/img339/3192/20101202232.jpg http://img859.imageshack.us/img859/9963/20101202233.jpg http://img220.imageshack.us/img220/967/20101202234.jpg http://img192.imageshack.us/img192/8182/20101202237.jpg هذه غرفة التنويم http://img94.imageshack.us/img94/1910/img01448.jpg هذه الغيارات الموجودة كل شئ متوفر http://img824.imageshack.us/img824/8111/img01449.jpg |
تصدقين كملت الناقص من أستفساراتي في الصور:22:
جزاك الله خير حبيبتي الله يسعدك في الدارين ويقر عينك بزوجك وأولادك اللهم أميييييييين الغرفه عجبتني حمستيني للولاده:d |
السلام عليكم اختي
سبحان الله اليوم توي اقرى عن هاي المستشفى ولما شفت ردك قلت ادخل افيدك واساعدك مع العلم اني لاني والده بيها ولاعايشه اصلا بالسعوديه بس الظاهر ربك سخرني اقرى الموضوع عشان افيدك المهم حبيبتي ادخلي هذا الرابط وشوفي كل شي بالتفصيل وماني طالبه منك الا انك لو تذكرتيني ادعيلي ربي يفرح قلبي خصوصا وقت الولاده عسى ربي يقومك بالسلامه تفضلي الرابط الروابط الخارجية ممنوعة في المنتدى |
الف شكر لك حبيبتي ملاك العراق وبأذن واحد أحد أني ماأنساك من الدعاء
الله يفرح قلبك ويرزقك بالي تتمنيه يارب أنتي وكل عاشقات الأمومه اللهم أمييييييييييييين |
| الساعة الآن 04:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©