|
أنخطبت ومحتاره بين ارضاء أهلي او انتظار من أريده زوجاً لي
انا بنت عمري 20 قبل سنه تعرفت على واحد وحبيته والله اموت فيه وهو بعد يموت فيني بنيت كل احلامي معه وكل مره انخطب وارفض عشانه وماكان يدري بشي مابي اضيق صدري وكل مره اشوف الحسره بعيون اهلي ودهم يفرحون فيني وانا صابره عشانه قالي ان شاء الله لنا نصيب وانا عندي امل انه راح يكون لي قبل امس انخطبت وامي وابوي حيل فرحانين وكانت امي تقولي لاتخربين فرحتي وافقي شفت الفرحه بعيونها هي وابوي ما ادري شسوي وانا انتظر الي احبه لين يتوظف واهلي كلهم مبسوطين وامي قامت ترسم احلام انا الي اشتريلك كذا واسويلك كذا وربي متقطع قلبي ماودي اخرب على امي ولا ودي اخرب فرحة اهلي وربي ضاااااااااايقه فيني الوسيعه ودمعتي بعيني وربي مالي غيركم تكفون وش اسوي لاتزوجت مستحييييييييل انساه مستحيل اخاف ادق عليه ووش ذنب الي اخذه الرجال الي تقدملي مايعيبه شي ابد بس انا بنفسي مو مقتنعه وش اسوي تكفون
< وربي ماكنت كذا وادري الي سويته غلط بس شسوي احبه والله اموت من دونه |
حبيبتي تو الحياة قدامك وش حب وخرابيط تاكدي شي بالظلام مايدوم
لاتقولين احبه ويحبني وش يضمنك انه صادق او انه يبي يتقدم لك او عنده مو متوضف وحتى لو انه صادق صدقيني بيشك وانتي بعد وشلكم بعوار الراس خذي لك واحد وتعلمي معه الحب ماراح احط بذمتي شي لكني مااتصحك علي هالعلاقه والرجال اللي تقدم لك اذا طيب ورجال وفيه خير وافقي وخلي راسك وراس اهلك مرفوع وبعدين علميه واقطعي علاقتك فيه وقولي لك مهله تجي تخطبني ولا بوافق على اللي تقدم لك ولاتصعفين اذا رسل لك يترجاك ولا نزل له دمعتين وقولي لي وش يصير لك |
استخيري وشوفي وش تحسين
اذا حسيتي بالراحه والولد اخلاقه كويسه وراعي صلاه مسجد وولا يعيبه شي انا اشوف انك ماترفضينه وللا تحطين في بالك انك ماتقدرين تعيشين من دون هذاك لان لو حطيتي هالشي في بالك صدقيني ماراح تخلين اي احد يقرب لقلبك مهما كان كويس ومهما كان راح يحبك اكثر من اللي تحبينه ويسعدك فكري بعقلك مو بمشاعرك لان المشاعر بتضيعك خليك قريبه من الله اكثر وراح تنسينه وولا راح يطري علي بالك بس خل يكون عندك عزم انك لو وافقتي هذاك راح يطير من بالك علي طول وراح تقدرين تتغلبين علي هالشي لانك لو صرتي علي ذمه اللي متقدم لك وهو مرره كويس معاك وانتي تفكرين بهذاك راح تكون هذي خيانه استخيري والله يوفقك يارب ويرزقك بالحياه السعيده |
والله العظيم راح تحبينه وتموتين عليه وتنسين الأول تدرين لييييش ؟ ( لأنه حلالك ) وماعمر شي كان تحت رعاية الله إلا بارك الله فيه بس أنتي أحسني النيه لله وأخلصيها ودوري على اللي يبك ....
راح أقولك شي أنتي ألحين تحبينه بس أول ما يدير ضهره لك راح تبكين ندم وراح تنقهرين على خسارة وقتك في حبه صدقيني لو يموت فيك على قولتك لجي يخطبك ويدورك بالحلال ويكلمك قدام الناس كلها بس لا تثقين في أحد ... إذا ألحين الزوجه وهي معاشره زوجها سنين يغدر فيها أوقات فكيف انتي ... ياقلبي فكري بحكمه وصلي إستخاره ولا تضيعين نفسك وراء وهم ماتدرين يجي والا لا .... ولا تقولين مقدر اتركه .. إللي يخليك تقدرين تكسرين بخاطر امك وفرحتها يخليك تقدرين تتركينه صدقيني لاتمشين وراء عواطفك حلك عاقله والله يكتبلك اللي فيه الخيييييير أتمنى أفدتك ..... |
خوآطر :
كثيرا ونحن فى سنك كنا نعتقد أن هذا هو الحب.... لكن صدقينى الحب هو فكرة نتعلق بها ونزرعها فى عقلنا ...لحاجتنا بالشعور بوجوده.. حتى ولو كنا نضحك على أنفسنا.. كونى مع العقل فهو الأهم أرى أن الشاب المتقدم لك أفضل ... لأنه مستعد لامور الزواج ... أما الحب سيأتى صدقينى بعد الزواج ..أما مانعتقده الحب الاول فهو وهم كبير .. وسيأتى يوم من الأيام تضحكيين بينك وبين نفسك كيف كنت تحبين هذا الشخص... توكلى على الله .. ومبروك مقدما,, تحياتى.. اخوكمm.s |
الحل الامثل حتى تبري نفسك ولا تتحسريها
ان تعطين من يحبك مهله لكي يخطبك يومين فقط اليوم وبكرا اذا مادق على اهلك اعرفي انه مو جاااااااد ..... اذا جاااد راح يركض علشانك لو يخطب وبعدين الملكه ......وانصحك ان توافقي على الي خطبك ......... |
أختي خوآطر ... فيه ملتقى للبروفيسور طارق الحبيب ..
مره حلوه .... وتكلم عن نفس موضوك بشكل مره حلوووو راح يفيدك .. على اليوتيوب الرابط: أبدي من دقيقة رقم 11:00 دقيقة http://www.youtube.com/watch?v=NrJg113G1-k صراحة مره حلو ... وتكلم عن عدة مواضيع منها الحب قبل الزواج ... أنصحك تشوفييييه. بالتوفيق لك ..... |
^
^ ^ ^ شوفي المقطع راح يفيدك بشكل كبير ... وكيف تتصرفي في موضوعك هذا. |
انا اقولها لك بصريح العباااره
الي انتي تنتظرينه والله مارايح يجيك ولا يعتب بابكم واول ماايتوظف اول مايسحب عليك انتي وحبك ويتزوج وحده ماكانت تكلم احد يابناات اصحوا من هذي الغفله وتعلموا من اخطااء غيركم اكثر الشباب يلعب فقط ويسلي عمره انا انصحك يااختي ياعزيزتي انتبهي لنفسك ولا تضيعي عمرك وفرحي امك وابووك والله ان الامر يحزنني الله يوفقك ويستر عليك |
استخرت وارتحت لاكن قلبي يعورني والله ماادري شسوي
|
| الساعة الآن 08:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©