|
هل ممكن اخد راي الرجال في مشكلتي ؟
:21:السلام عليكم اخواني في الله
كيف حاالكم ؟ بصراحه عندي هالمشكله اللي تؤرقني وحابه اخد رااايكم فيها ويهمني راي الرجال عشان اعرف شلون يفكرون .. وممكن اوصل لحل بافضل الله وفضلهم .. طبعاا ونتشرف بردود اخواتي النساااء .. اخواني - خواتي حبيت اعرض لكم مشكلتي واتمنى تلقون لها حــل مشكلتي زوجي العصبي زوجي عصبي .. بس مو ع طول لااا في اوقاات يعني يوم يعصب عصب جاايد يسفل فيني ويعفس الدنيا فوق تححت ويقاطعني حتى لو دافعت عن نفسي هدا ان سمح لي ادافع هههههههه:14: وان سكتت قال تكلمي وان اتكلمت قااال شلون تكلميني جدي وعصب وسوي مقاطعه ليين يطيح الا برااسه وادا فكر يكلمني يه كلمني !! او اني اروح له اراضيييه حتى لو هوو غلطاان الا نادرااا وادري هدا غلط كبير مني مثل ماتعرفون انه بدوله وهو يشتعل بدوله خليجيه ثانيه ويكون التواصل حالياا بينه مسجات وتلفون ونت / بنات هالمره هو كان يناقشني بموضوع عن الجامعه ودراستي وانه والله والله كنت متوتره و تعباااااااااااااااانه ومتنرفزه حيل حيل ومالي خلق وعندي عذري وهو الله وكيلكم دق علي وقعد يكلمني وبعدين فتح موضوع الجامعه واني لازم ماهمل هالكورس ويظل الله وكيلكم يتكلم يتكلم يتكلم بنبره حاده وينصح ويعااتب ولي متى ولي متى وانه خلاص مو مستحمله كلامه اسس كلامه كااانه مسااامير باذوني ومطرقه ع راسي :11: لاني كنت مثل ماقلت لكم متنرفزه حييل ومالي خلق شيء انه سكت وايد وكنت مستمعه جيده :27: بعديين رديت عليه وليتني ماااااااااردييييييييييت جان انه ابي افهمه وهو يرادد ومايعطيني فرصه اتكلم جان انفجر واقوله الحق امك مرتين كررتها بعصبيه شووي بس مارفعت صووتي :29::d> ياويلي جان يقول لي فجاه .. انا اصير ولد ........ ادا كلمتج مره ثانيه وطوووووووووط طووووووووووووووط طوووووووووووووووووووط مهلت فتره قلت خله يهدي وانه اهدي لان اعصابي تعبانه . ومثل الشيء اتصل ويقطع الخط او مايرد طرشته له مسسج اقووله انه انه في فتره اكون عصبيه وانت تعرف .. وموكل مره بتسحمل طريقتك بالضغط عللييي بالطريقه ومن هالكلام كان نوع من العتاااااب هالكلام من يوم الثلاثاء ولي الحييين مانكلم بعض او بالاحرى مايكلمني ظ...:29: يوم الاربعاء الساعه سبع وشوي شفت مس كول ف تلفوني وفتحته جان يطلع هو داق اتصلت فيييه مارد ( ما كنت ف الغرفه يوم يتصل من جدي مارديت ) .. الصراحه شكيت انه بالغلط متصل لي لانه مارد عللي يوم اتصل له والله شنو تفسرونها ؟؟؟؟؟؟؟؟؟ قلت خلاص خله يولي .. دشينا النت وكل واحد من صووب مايكلمني وبصراحه تعيززت اني اكلمه ولارحت بادرت .. اول امس ظليييت اتصل طول الوقت مايرد .. بعدين المغرب اتصلت طلع انتظاار خلص وسوا للي مس كوول وع طول اتصلت وبعد انتظاااااار ورديت قطعته مانطرته يرد :25: انقهرررررررت حيل حيل انفجرت منه تاخرت شووي وظليت اتصل وبعد مثل الشيء مااايرد يطنشش او انه يقطع الخط ومايرد << حقااره تعبت نفسياااااااااا ماقدر اصبر ع هالوضع البارحه دشيت النت وهو حاط بيرسونال مسج انه انه مو مفتكر فيج ولاتهميني وماله داعي اني اتعب نفسي واتناقش معاااه ( كان شعر بس بهالمعنى ) :29: شنو معناه هالكلام .. مشكلتي احبه وماقدر استغني عنه بعدها ارسلت له مسسحجات دلع وحركات ولا رد عللليي كلشش ملاحظه : اني قررت اطنشششه لانه مو معبرننني بالمره تكفون ع الاقل ردوا عليي وناقشوني لاني وحيده وبنفجر من القهررر اطالع الله ثم اطاالع حلولكم وماتوفيقي الا بالله وشكرا لحسن الاستمااع اتمنى احظى بردود العاقلين من رجال هدا المنتدى لكي اعرف الطريقه الصحيحه او اعرف شنو ممكن يكون يفكر فيه الحييين اووو انه ليش مطنشني !! :( تعبت ترى واتمنى اشوووف ردود البنات بعد الخبيرات في الزواج اعتراف : ادري انيي غلطت يوم اقوله الحق امك ( روح لامك ) بمعنى اذلف .. بسس مارفعت صووتي علييه :25: .. بسس والله كنت حيل مضغووطه ومتنرفزه وهو يدري :) كانه ددور الزله عليي عششان يخاصمني ويطنشني الله كريم |
هلا اختي...
وعليكم السلام .... مشكلتك ان شاء الله بسيطه ولاتشيلي ببالك...الخطأ وقع منكم الإثنين وهذا بحد ذاته يخلي الأمر أسهل.... هو أخطأ لأنه ما قدر ظرفك وضغط عليك بوقت عندك فيه عذر وزي ماهو معروف ان النفسيه بذيك الفتره زي مايقولوا "مش ولا بُد" يعني لك عليها....كان المفروض انه يأجل النقاش من اول ماصرحتي له بنفسيتك وياليتك تكوني اذكى في المرات الجايه واذا تكرر هالشيء تعذري بنفاذ الشحن وطفي جوالك او ان امك تناديك او الخ.... لين ماتحسي نفسك تقدري تاخذي وتعطي معاه...هذي النصيحه للمستقبل طبعاً... انتي اخطأتي خطأ فادح بلفظك هذا حتى لو مارفعتي صوتك وهذا شيء يصعب تجاوزه لكن بقولك شيء... بما انه مازال يعطيك مسد كال ومو حاظرك بالمسنجر لايعدوا عن كونه عتب...يبي يحسسك بغلطتك وفعلاً معه حق لأن هذي الألفاظ ماتطلع من زوجه ويمكن تؤدي اللى طلاق حسب شخصية الزوج.... ولو كان زعله كايد ومايبيك كان ماعاد كلمك على الرغم من كلمته "انا اصير ولد.......لو كلمتك" بعطيك بعض الحلول... خلي تواصلك معه بالإيميل او رسايل الجوال شرط انها تكون من كلماتك واحساسك مو زي الرسايل الي يتداولونها الناس...حسسيه بقيمته وأهميته بحياتك...ثمني اهتمامه واشكريه على حرصه انك تنجحي وتكملي دراستك.... تأسفي منه ...وانك ما تاقصدي وانك رجال تعرف ان الأنثى تمر عليها اوقات يعكر مزاجها وتتعب نفسيتها وتصير مو طايقه حتى نفسها وانا اقدر لك حرصك واهتمامك وادري انه لو مو غلاتي عندك وحبك لي ماكان اهتميت بدراستي لكن توقيت المكالمه كان فيه خطأ الخ.... من وقت لوقت قوليله انه على بالك....وانك تفكري فيه ومن يهتم فيه ويأكله الخ.... برأيي ان شاء الله راح يتجاوز بس لاتستعجلي النتائج ولاتفقدي اعصابك حتى لو طالت المده او تجاهلك...اهم شيء ماتتهوري وتسببي مشكله ثانيه....خليه على راحته يأخذ وقته وبنفس الوقت لاتهملينه....خلي تواصلك بالرسايل كان ودي اسأل كم لكم متزوجين او اذا عندكم اطفال بس شكلكم توكم كتاكيت وهذي امور طبيعيه تصير بين الأزواج خصوصا في اول سنواته واذا كان فيه بعد مسافه بينهم....يعني توقعي هالمشاكل دامكم بعيد عن بعض.... ترى يحبك وبيثير غيرتك ويبي يداعبك/يناوشك واكبر دليل انه يكلمك وبعدها على طول تكلمين ويكون انتظار ولايرد :19: والبركه في اللي يجي بعدي بيعطيك كم نصيحه بعد |
أنا من عندي بقول لك لاتحكي معه لحتى تهدء أعصابكن وتخلي الأيام تمشي فترره بعدها أصتأصدي تحكي معه وتكلميه وتقوليلوا أنه إذا بحبك ولا لا هاد شيئ معقول وحلو وأتفقي معه أنكم تناقشو أموركم بهدوء وتعتذري له ويعتذر لك وحطي ببالك لاتناقشيه وهو غضبان لأن بحكي معك كلام بذيء
وعلى الصمت تربي لانك إذا حكيتي معه بتخلصي ولاأنك سكتي بتخلصي وبعدين أتقربي له أكثر وخليه يحبك كل يوم عن يوم حببيه فيكي أكثر مايمكن وخليه يتعلق فيكي بتمنى لكي التوفيق من الله عز وجل أختك قيثاره |
اقتباس:
تسلم .. عسى ربي يوفقك ياارب :d |
اقتباس:
صااار لي اكثرمن يومين مطنشه بعد مااااطنش اتصالاتي والصراحه زايده قهر وقلبي يعورني ولا ادري شنوو اسووووووووووي مشكورة اختي بارك الله فيكي |
الرجل يباله فن لللتعامل معاه ويبالك صبر وطوله بال اهم من هذا يبالك حكمه التصرف طنشي وعيشي حياتك لاتحرقي عمرك ولا تضيعي دقيقه من حياتك في الزعل ,,واحلى واجمل حل للي مثل زوجك الصمت الصمت الصمت بذكاء كوني مطنشه ومرتاحه مو مطنشه ومحروقه من الداخل وعلى فكره هو عارف شخصيتك ومسيطر عليها وعارف شنو انتي عليه الحين وماسكك من اليد اللي توجعك ارتاحي وريحي حالك واتركي الامور تمشي مثل ماانتي تبقين وخلي الكوره دائما في ملعبك حاولي تمسكين وتضبطين اعصابك وتريحين من الداخل مو تطنيشه وانتي من داخلك نار ...
|
اقتباس:
هلا اختي طيب ممكن اعرف شنو نتاايج صمتي بعدين ؟ يعني شنو بستفييييييييييييييد ؟؟ ادا طنشت بتتعدل احوالي ؟ |
الصراحه توقعت اني القى ردود اكثثثثثثثثثثثثر !! لكن مالبيد حييله
ناسس تدش وتطلع من المووضوع ماااااااتبي حتى اتقول الله يفرج همي |
ولا يهمك اختي اول جمله الله يفرج همك ويرجع لك زوجك باسرع وقت
اختي انتي وزوجك غلطانين هو عصبي وانتي رديتي عليه رد قاسي اتمنى انك تستفيدين من هالموقف وتحاولين تعودين نفسك على الصبر نصيحتي لك انك تتركينه فترة حتى تهدى الامور اكثر. اتمنى لكم السعادة والتوفيق |
الله يسعدك ويهنيك ويفرج همك بصراحه ماعندي شي اقوله الغلط منكم يالاثنين لكن على العموم انشاء الله ينصلح وضعكم |
| الساعة الآن 11:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©