التهابات متكرره وعلاقتها بالزوج واستفسارات اخرى
 

1- انتي قولتي البويضات لم يكبرو مع التنشيط ده معناه وجود خلل هرموني ولخبطة في الدورة دي وده سبب كافي لتأخر الدورة
طبيبك ممكن يحتاج يشوف هرمون اللبن او تحاليل اخرى لو شك في هرمونات تانية متلخبطة والقرار يعود لمن يتابع حالتك عن قرب

2-الإلتهابات انواعها مختلفة زي مابتقولي مع افتراض صحة التشخيص في المرتين مش بنعتبرها متكررة
انتي بس محتاجة تتعالجي كويس ولو اتكررت تاني ممكن تحتاجي تعملي فحوص للإفرازات ومزرعة
3- زوجك مايكشفش وياخد دوا على طول طبيبك هايكتب وصفة لزوجك ياخد كورس زيك ز ولازم ياخده وعادة العدوى لدى الرجال تكون بلا أعراض ظاهرة اصلا
4- صعب جدا ان الإلتهابات تؤثر على الإنجاب ولو انه احتمال قائم ولكنه بعيد

هو المشكلة مش في الجرعة لو عندك تكيسات كتير وبتفرز هرمونات بتعاكس تأثير المنشط احنا بنوقف المنشط ونديكي اقراص منع حمل وادوية اخرى حتى تختفي الأكياس لكن من كلامك الاكياس مش كتير ولاحاجة
وعلى كل مهم قوي مع التنشيط يكون في متابعة للتبويض بالسونار

الحمل احتمال وارد دائما لما تتأخر الدورة بس لما نكون متاكدين من السونار من حدوث تبويض في وقت معين ويمر وقت ونعمل تحليل حمل ويطلع سلبي بنستبعد الاحتمال ده
اللي يحكم هنا هو الطبيب المتابع لحضرتك هو اللي يعرف التفاصيل