|
زوجي قهرني اكثر شي
مراااحب انا عضوة جديده ياليت لو تساعدوني وربي تعبت من وضعي انا تزوجت رجل مطلق وعنده ولد وبنت توائم بسن المراهقه واتفقت انا وياه يعيشون معنا انا اصغر اخواني في بيت اهلي فدائما كان لي اهتمام خااااص من الجميع ولله الحمد كانت فتره ملكتنا شهر وبعدها تم الزواج بسرعه بناء على طلبه وانا ماكان عندي مانع سافرنا كم يوم جده كنت الاحظ انه يتعذر من الازعاج على جواله حتى لو ماسالت وانا كنت ماسال او طبعا الوضع رسمي مررره قدام عياله علشان مشاعرهم وانا والله احبهم وشريت لهم هداااايا واذاكر لهم ولا احاول اجرح احساسهم باي شي وامدح امهم لما شفت صورتها لكن والله يعلم اني افضل منها انا 26 وهي 48 وانا جميله جداااا لكن شخصيتي عاديه مش قووويه مثلها زوجي بعد شهرين حملت وكاان طااير من الفرح لكن مايهتم فيني ابداا توحمت ولا جاب لي اللي توحمت عليه مع انه جح يعني حتى رخيص داااايم اجيب له هدايا ولا عمره فكر ولما قلت له قال خذي الصرافه واشتري طيب انا ماابغى كذا كفشته مرتين يكلم بنااات !! وكانت الطامه الكبرى لقيت صور بنتين بلاب توبه مرسله من برنامج ماسنجر !! وكتمت غضبي وشافني وانا ابكي لكن ماافتحت فمي بولا كلمه واللحين انا بالشهر السابع من الحمل وزوجي مصروووف عني تماام ومسافر وانا بس اهتم بعياله وشايله البيت كله على رااااسي وشلووون اتصرف ؟؟؟ |
أنا من رائي أن لا ترهقي تفكيرك في هذه الفترة بالذات من حملك .. بل فكري في الوافد الجديد ولا تنسي بأن الهرمونات يكون لها دورها في تضخيم الموضوع.. وتذكري أختي دائماً بأن النتيجة تأتي عكسية عندما نبحث في أشياء لا تخصنا وتكون ملك للآخرين.. وكأن القدر يلعب دوره لأن يخلق فجوة بين النفوس.. لكن ثقتك في نفسك وفي أقرب الناس إليك وهو زوجك تخفف كثير من سوء الظن .. وكان أجدر بك لو سألتي زوجك لحظتها وعن أي استفسار يدور في خاطرك لتري ردة فعله بدل من أن تكتمي مشاعرك حتى تنفجر بكاءاً.. أختي.. طريقك لقلب زوجك هو عياله وكلما تعلقوا بك كنتي الأقرب إلى قلبه .. أما هفواته وذلاته فالكل يخطي والله وحده هو الهادي إلى سواء السبيل .. لا تعكري حياتك بالظنون وعيشي فرحة المولود القادم ولعله يكون بادرة محبة وتوثيق أعمق لعلاقتك بزوجك .. وفقك الله. |
اقتباس:
انا اقوول انسحب انا وولدي بدري لاني ماتهنيت |
عزيزتي.. جزاكِ الله كل خير على اهتمامك بأولاده.. عجبني تصرفك معاه ماشاء الله بالنسبة لزوجك.. وضحيله كل الي يجول في خاطرك .. مافي أحسن من المواجهة والصراحة.. فكري في الموضوع وانتقي الكلمات المناسبة والوقت المناسب عشان تكلميه.. أما فكرة الإنفصال شيليها من راسك .. إن شاء الله زوجك يتصلح.. اصبري الآن |
ان شاء الله ربنا يرزقك الذرية الصالحة
اهتمى بصحتك وصحة الجنين فى هذه الفترة ولاتشغلى بتصرفات زوجك واكيد لازم تواجيه بس براوقة ماتكونى معصبة وربنا يهون امرك يارب |
ياعمري ليش اخذتيه وهو اكبر منك وعنده عيال وانتي لسا صغيره وحلوه ودلوعه
ان شاء الله اتقومين بالسلامه ويرزقك الولد الصالح احس بالنسبه لزوجك انه مافيه امل اذا هاذي عمايله وهو قرب الخمسين متي بيعقل ابي افهم انتي صلي وادعيله الله يهديه |
مرحبا
ماعندي رد اكثر من ردود الاعضاء لكن دائما رددي : ( اللهم اني اعوذ بك من قهر الرجال ) |
ليش اهل المنتدى متجاهلين مشكلتي والله اني ابكي كل يوم وانا حامل ضعيفه امس بكيت الين البيبي ماقام يتحرك ابد |
ما عــاش من يتجاهل مشكلتك إحنا معاك يد واحده وصف واحد لا تخافي ويعلم الله اني حاسس في حالتك وان شرحك لمشكلتك واضح تماما وكأني اعيش لحظاتك على وجه الحقيقه أختي الكريمه دام زوجك متلاعب وأنه ما يخجل تماما بأنك على ذمته هذا علاجه بأنك تكوني قويه امامه وتفتحي الصفحات الي في جعبتك وتقولي النقاط الي في خاطرك وتتناقشو دام انه كبير بسن وفاهم وناضج فكريا قولي مافي صدرك لا تخبي وتكتمي والله الكتمان هو اساس المرض فرغي تكلمي ايش خسرانه ابدي انتقاداتك عليه بأحترافيه بأسلوب معاتب لعلى وعسى يصحي من المشكله الي هو فيها وبعدين هو مصلحته منك والله أعلم بأنك تهتمي بعياله وتربيهم احسن التربيه وهو يسرح ويمرح على خطوات الشيطان والملذات والحقيقه والي اتمنى تستخدميها وتصبري عليها بأنك لا تكتمي حاولي بدال البكاء تكوني عاتبه عليه وتشرحي له انتقاداتك على طاوله مستديره وفي ليله هادئه لعلى يخجل ويستحي ويهتم منك ويترك الصياعه الي دمرت شباب مو هو وبس وبعدين لا تنسين إحنا معاك في أسراء والضراء لا تخافي وأنا خوك الدنيا ما تسوا بس يبي لها جرائه جرائه جرائه |
على الاقل مصيبتك اهون من مصيبتي انتي صور بنات انا زوجي زنا!!!
|
| الساعة الآن 06:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©