|
الله يسعد كل من مر هنا و حل مشكلة صديقتي ، ولو بالدعاء
r]السلام عليكم ورحمة الله و بركاته حبيباتي أنا لي صديقة عزيزة على قلبي حيييييل ، وربي أني أكره أشوفها مضايقه و لا أقدر أساعدها اول ما حكتني بمشكلتها كان نفسها تكتب المشكلة عندكم لكن للأسف نفسيتها ما تسمح أنها تكتب مشكلتها أنها ملكت قبل شهر و ثلاث أسابيع تقريباَ و زوجها يكبرها ب8 أو 9 سنين بصراحه مأ أتذكر ودايماً تحاول تضغط على نفسها و تحاول ما تضايقه بإي شئ و إذا طلب منها أي شئ ما تقدر تلبيه تحاول بقدر ما تستطيع إنها ما تزعله و حتى هو يقول لها أنتي صرتي بمثابه الآم لي ..... تصير بينهم أختلافات بسيطه و تنحل و لله الحمد ... فيه شغله مضايقة صديقتي أنها بتنقل من مدينة إلى قرية و هي متعودة على المدينة و الناس الي فيها ، هي و ضحت له قبل أنها ما تقدر على جوء القرية و ما تعودت عليه و أنها لما تجي في الاجازة لها القرية ما تصدق ترجع لمدينتها مسقط رأسها و بعدين فيه أختلاف كبير راح يصير في حياتها ، هي وضحت له الفكرة وهو طلب نقل للقرية و تم نقله و لما قالها تحاملت على نفسها و تظاهرت بالفرح و أهلها باركوا له . المشكلة الكبرى أتصل عليها البارح و بعد سوالف و قال لها كلام غريب جداً ماله علاقة بموضوع حديثهم : "قالها أهلك يحبون الفلوس و هم قحريطين (يعني بخلاء ) ليه أبوك ما يخرجكم في فيلا بدل ما يضيق عليكم في شقة و يأخذ الفلوس من الجيران " بصراحه صديقتي أنصدمت بكلامه و قالت له روح نام بدأت تضيع في الكلام طبعن هو أنتبه لنفسه إنه بدأ يضيع في الكلام و أعتذر و معليش و أنه أمزح و زميلتي بينت له انه أنها عادي بتمشي الموضوع تقول لي : أول ما قفلت كنت برسل له رسالة من القهر ، بس حاولت و مسكت نفسي ، طبعن هي كلمت أبوها و أمها و قالوا لها حاولي تسكتي و لا تقولوا شئ و تقول لي شفت نظرات الخوف بعين أمي و قالت لي ألله يعطيك خيره و يكفيك شره ، تقول أنا حسيت بالخوف و أني بروح لمصير مجهول في الحياة القادمة . أنا أبي من كل من يمر هنا ينصح زميلتي أيش تسوي تسكت و إلا ترد عليه و كيف ترد ؟؟؟ و الي ما عندها أي نصيحه فالله يساعدها تدعي لها في المتصفح الله يسعدكم دنيا و آخر هاذي صديقتي الغالية و نفسي أخفف عنها خصوصأ أني ما أقدر أشوفها منهاره و تبكي ........... [/FONT] |
[SIZE
="3"]أهلين أختي بالنسبه لصديقتك أنا من رأي انها ترد عليه بس بأسلووب وبطريقه هاديه توضح فيها رأيها وانها زعلت منه ما تجلس ساكته وتكبت مشاعرها ::::::::الله ييسرلها ويعطيها خيره ويكفيها شره تقبلي مرووري[/SIZE] |
هلآ قلبي,’,
ترد ولآ تسكت في هآآموآضيع لآنه بعدين يتمآآده معهآآ في هآآموآضيع ويقل احترآمه من نآآحية اهلهآآ من الحين حطيله حد علشآآن يعرف الكلآم على النآآس مآآهي لعبهـ ولآ عبث ترد عليهآآ بلحترآآم وبحكمهـ تقولهـ حبيبي ,’, اتوقع بينآ الاحترآم وآجب بصرآآحه انا اخذت بخآآطري من نآآحيتة كلآمك عن ابوي.. لآ تتكلم على اهلي بطريقه ذي حتى لو ابوي معيشنآآ بعشه مآآتتاكل بطرقه ذي.....الخ المهم ترد عليه بطريقه فيهآآ احترآم وحكمهـ ومن نآآحيتة انهآآ بتسكن في قريهـ الله يعينهآآ اهم شي تكون بعديهـ عن اهله انا بطلع من المدينه وبسكن في القريهـ ...وهذآ الموضوع محزني بس برضى الحمدللهـ الله يسعدهآآ ويوفقهآآ |
ماعنده ذوق وياكثر من هم على شاكلته .... لازم ترد ولا تسمح له يتجاوز حدوده لما يتكلم عن اهلها ....
|
بعض الاحيان الشخص تكون عنده نوع من الفضول لا اكثر ...وماله اي داعي للزعل والضيقه تاخذ الموضوع بنفس حلوه وتحاول تتكلم معه بطريقه لبقه حضاريه وتتفاهم ليه قال كذا ...كل شخص يتربى في بيئه مختلفه عن الاخر ولابد ان تكون عندها روح مرنه لو كل شي تاخذه منه عن طريق الجد والقصد مابتعيش حياتها وبتنكد على حالها طنش تعش تنتعش وأخذ الحياه ببساطه يسهل عليها امور كثيره والعقل يكون شغال عندها بطريقه ايجابيه ...
|
ترد عليه بس بلباقه تقول له :
ترى اللي يحترم نفسه الناس تحترمه الزم حدودك تكلم بكل شي وعند اهلي وقف ممكن ؟؟ وبعدها تكمل عادي لا تحطها زعله ( مزحه لدحه ) على قولتهم الله يسهل الامور |
تبين له انها مدايقة وانها ماتحب هالاسلوب وتفهمه انو هالاشياء مافيها مزح
مو لازم كل شييصير مثل ماهو يبى بس علشان يكون راضي الله يعينها |
الله يعينها يارب
|
الله يكتب اللي فيه الخير ياارب
|
لا ياحلوه صديقتك غلطانه المفروض زعلت من اول مره تكلم عن اهلها مو بعد ماقفلت الخط تزعل يعني راحت عليها بس المره الثانيه لو تكلم عن اهلها مثل كذا تقوم وتوريه العين الحمرا ..
الله يوفقها في الدنيا والاخره |
| الساعة الآن 07:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©