![]() |
افترقنا انا وصديقتي والسبب زوجها
السلام عليكم كيف الحال ان شاء الله بخير وعافيه
عاد اول مره مدري ثاني مره اكتب موضوع بقسم المتزوجين بالعاده احل مشاكلي بنفسي<<< مرررره:d ساعدوني الله يجزيكم الجنه انا لي صديقه من ايام الطفوله وهي سميت امي امها الله يخليهااا جابتها وسمتها بأمي :) يعني اهلها واهلي معارف واحنا زي الاخوات كملنا مع بعض لييين الثانوي هي راحت الجامعه وانا تزوجت الحمدلله عموما طولت عليكم هالبنت تزوجت وحضرت زواجهااا نزلت خصوصي عشانها <<<<<معليش كثرة عليكم سامحوني المهم قبل فتره جالي ايميل باسم غرام اضفته وقلت مين طبعا مو راضي يقول من هو المشكله يعرف عن كل شي كل شي يعني انا استغربت اقول ميييين يقول كلام مو محترم وساعات يقول بوسيلي عيالك ويعرف اساميهم واحد واحد ويعرف تفاصيييل دقيقه عني زي لقبي واسمي واسم ابوي واهلي ووين ساكنين بسعودسه شويه كذا انا حسبت احد من اهلي او من البنات قلت تقولين مين انتي قالي انا ولد معجب فيك على طوووووووووول حذف بعدها ارسلي رساله على الايميل تهديد والله لأفضحك اذا ماقبلتي اضافتي ومعاه رقمي اللي هنا وارسل لي صورتي وانا صغيره:24: هنا انا مت خوف وقلت لزوجي وجلست ابكي وقلت لأمي وزوجي قال لاتردي عليه وفجاه قابلت صديقتي على النت وجلست اقولها وهي خافت علي وجلسنا نخطط ونقول يمكن اختي حبت تمزح معي ويمكن فلان وعلان حابين يمزحون معي ووووووووو انا غيرت رقمي وايميلي واضفت صديقاتي على الايميل الجديد بس رقمي مالحقت اكلم احد ارسلي رساله ثانيه على ايميلي الجديد هنا اتـكدت انو وحده من البنات خفت وارتفع علي الضغط لاني كنت حااامل وجبت بنتي بغير موعدها وحوسه مادخلت الايميل ابد خفت تجيني رسايل منه وتتتعب نفسيتي زوجي قالي انسي ايميل وكلام فاضي دااام صديقااتك بهذا الشكل والجوالك هذا لاااحد يدق عليك منه لاتعطس رقمك لأحد بعدهااا صديقتي اتصلت على امي وقالت ابي رقم نورييين ضروري امي طيبه اعطتها لانها هي مثل اخت زي ماقلت لكم يعني ماافي رسميات بيننا وامي على نياتهاا اتصلت وقالت نورين ممكن تقولي لي الايميل اللي كان مطفشك ايش اسم الايميل قلت كذا قالت معليش نورين راح اقولك على شي بس اوعديني ماتقولي لأحد انا خفت قلت وش فيه؟ قالت هذا زوجي اليوم فتحت الاب توب ولقيت الايميل والمحادثااات ورسايله التهديد وكلامه القذر وووو انا هنا انصدمت اتذكرت ان نص صوري عندها والله كأن جاتني دوووخه احسيت بصدااع فضيع وجلست ساكته واتذكر كلامه وكيف يعرفني وصوري اللي عندها ووووو المهم شعور لايوصف قفلت منها وصار مشاكل بينهم وطلبت الطلاق واهلها يقول وش السبب ماتبي تتكلم قالها ابوها ارجعي بيتك بلا قلة ادب وووووو وراحت امها وخالتي وودها لشيخ ومدري شسالفه انا بس كنت مستنيه ان هو او هي يفتحووون السالفه لأهلهااا بعدين اقول كل شي تركتها وقلت لها سيبيني في حالي وانسي اللي بينننا وووووووو ومرت شهور حوالي 9 اشهر ارسلت لي امس رساله على الجوال تكفييين سامحيني انا وش ذنبي ووووو وزوجي تاب وقالي لو تبي ترجعي لصديقتك ارجعي بس لاتفضحوني وماعاد اكررها وبكى وووووو انا هنا خفت وقلت استشيركم بصراااحه فقدت ثقتي فيهاااا ويدور ببالي اشياء كثييييره مرااات اقول متفقين هي وزوجهاا علي ومرات اقول لالالالالا مسكينه ارجعي لها ومرااات اقول هي ليييش تتكلم عني قداام زوجهااا وش هذه السذاااجه عقلي مو في راسي ايش اسوي؟؟؟ انتبو يابناااات تتطلعن اسرار صديقاتكن لأزواجكن انتبهو انا زوجي مايعرف عن صديقاتي شي واساسا ليش يسأل ؟وليش ارد عليه وليش اقوله استغرب من بعض البنات الله يهدينا وياكم الحين شسوي بصراااحه انا ودي ابعد عنها وماارد عليهاااا بس مرااات احن لهاااا ياناس هذي صديقتي زي اختي ولنا مع بعض ذكرياات مقدر انساها والله وبعدين اهلي واهلهاا زي الأهل مع بعض في كل شي بكره لرجعت بلدي شقول لأهلي انا بصرااحه ماودي افضح زوجها هذا الخسيس حسبي الله ونعم الوكيل فيه كافي انه مفضوووح عند ربه والله انا ماااسامحه ليوم الدين بس عقلي مايوقف من التفكير بخصوص صديقتي:( للعلم علاقتي بزوجي متوتر بسبب هذا الموضوع |
:: |
إذ أردت التواصل مع صديقتك يوجد الهاتف ، النت ليست ظرورية
|
من الخطأ ان تضع المرأه صورها في جهازها الخاص فكيف بلاب توب صديقتها !!
اخطأتي خطأ مميت .. ! انتي الوحيده التي تستطيعين الحكم على صديقتك صادقه ام لا .. كنت اتمنى ان لا يخرج زوج صديقتك من الموضوع بسهوله هكذا , ولو هدد بواسطة زوجك او حتى ضرب ! لكان افضل اتمنى لك التوفيق .. |
والله موقف صعب ..
لو ماان الموقف بينك وبين زوجك تأزم لاقولك سامحيها لكن لا ترجعي العلاقه قويه مثل اول .. لكن اسرتك وزوجك اهم ... اذا في قربها لك ومعرفتك فيها ضرر .. فالاسلم الابتعاااد .. المهم الان تتعدل الامور بينك وبين زوجك .... ولو بعده فتره رجعتوا لبعض وزوجك راضي .. لاتخلي العلاقه عميقه .. اسال الله ان يحميك ويحفظك ويوفقك بحياتك ... |
لو كانت متفقة مع زوجها ما اتصلت عليك تسألك عن الايميل المزعج
أما مشكلة الحديث عن الفتيات عند الزوج فهي مشكلة كثير من النساء مع الأسف ! ومشكلة النساء الأخرى أيضا هي عشق التصوير وتبادل الصور مع الصديقات دون أدنى تقدير للعواقب !! في وجهة نظري صديقتك لا تستحق منك أن تهجريها لكن أنت وحدك من يستطيع تقدير الأمور لو استمرارك معها يزعج زوجك ويقلقه أو يفتح أبوابا للمشاكل فالله المستعان |
شكرا احبائي جزاكم الله خير
ترى والله انا اختصرت الموضوع وماقلت لكم كله صديقتي برساله قالت وكل شي متعلق فيكي وديته عند بيت اهلي ولو تبي اوديه بيت امك ولما قالت له ليش سويت كدا قالها كنت بأختبرك يعني بشوف اقرب صديقه اذا هي مش محترمه وتجاوبت معي يعني انتي مثلهاا انا كنت ابي اشوفك انتي وطلعت صديقتك محترمه اسفه وحقكم علي؟؟!!!!!؛<<<<بالله هذا كلام رجال عاقل عموما بأفكر واشوف وانتو ساعدوني |
اقتباس:
|
أهلين بنورين :)
أنا اشوف صديقتك مالها اي ذنب أيش ذنبها أذا كان زوجها انسان لئيم ومايخاف ربه كفايه اللي صار لها من ورى زوجها الله يعينها الأول تتاكدي أنها رجعت كل شي يخصك ضرووووري هالشي ثانياً لو أنا مكانك أرجعلها بس مو مثل أول بحيث انها هي اللي تجيني فقط أو نتقابل بأي مكان برى اما اروح لها بيتها مستحييييييييل وماتجيب سيرتك قدام زوجها لابخير ولا شر والله يسعدك ويحفظك وزوجك واولادك من كل ظالم |
اختي العزيزة ان تضحي بصديقتك افضل من ان تضحي بزوجك وبيتك
ابعدي ابعدي |
الساعة الآن 12:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©