|
تكفون ساعدوني خايفه على نفسي ..
السلام عليكم ورحمة الله وبركاته
والله ماادري وش ابدأ فيه بالضبط الحزن والهم مسيطر علي والحمد لله على كل حال اببدأ بالموضوع على طول أنا تعرفت على وحده في المدرسه والبنت هذي مره طيبه وحبوبه المهم زادت علاقتي فيها مره وكان في بيننا رسائل ومكالمات مثل اي صديقه وكان مضمون الرسائل حب(أشعار) وعتاب وهواش وسوالف ومافي جوال بنت مافيه كذا ومش الكل وحتى أسماء اهلي وهي الله يستر عليها مسويه لي حافظه خاصه لي للرسائل بجوالها وبعد فتره حسيت بتصرفاتها غريبه من ناحية انها ماتقدر تستغني عني والغيره من كل شي حتى خطيبي وصاحباتي وهالشي ضايقني مررررررررره وحاولت اني ابتعد عنها ودايم هواش معاها علشان ابيها تبعد عني لأنها حييييييييييل متعلقه فيني وأنا ماأحب هالشي وكنت دايم أقول لها امسحي حافظة الرسائل لاتخلينها بالجوال بس مافي فايده تقول أموت ولاأفرط بهالشي لأنه ذكرى منك وبعدها بفتره انسرق جوالها وأرسلت لي رساله وخبرتني لأوقتها علاقتي مو ذاك الزود معاها انا انهبلت تذكرت الحافظه باللي فيها تذكرت اسمي وأسماءأهلي وحتى خطيبي ويمكن كنت كاتبه كلام بس مو ذاكره بعدها كرهتها كره لأنها هي السبب بهمي وحزني وزاد هواشي معاها بسبة هالشي وهي تقول لاتخافين أنا استودعتها ربي لاتخافين وربك كبير وهالشي ريحني شوي وبعدها قطعت علاقتي معاها بس اللي انا خايفه منه ان فيها أسماءاهلي وماني خايفه من شي ثاني وبعدها صار يجيني ازعاج على جوالي من رقم غريب ومارديت عليه لأن انا طبعي كذا ماارد على ارقام غريبه اخاف منهم وبعدها انقطع الازعاج وانا نسيت السالفه وبعدها تقريبا بــ10 شهور دق علي رقم غريب ومارديت وبعدها أرسل رساله وقال ردي علي فلانه وقال اسمي انا فكرتها وحده من صاحباتي وارسلت وقلت انتي مين وهو ارسل وقال انا فلان ممكن اسولف معاك انا خفت فغيرت رقمي على طول وتذكرت سالفة الحافظه وهالشي خوفني زيادة بس اللي مخوفني ومنكد علي عيشتي ومو مريح لي بالي ان الذاكره تطيح بيد أحد يعرفنا او احد يسوي فيها شي وربي هالشي مقلقني مررررررره لأن أسماء اهلي كلهم فيها بس الحمد لله على كل حال ودايم ادعي ربي للمعلوميه السالفه هذي صار لها تقريبا سنه وشهرين او ثلاث شهور وهي البنت عاااااااااادي عندها مع ان لها صور بالجوال بس ملثمه وهي اللي قالت لي كذا وعايشه حياتها ومبسوطه وانا الهم والحزن لاعب فيني بس الحمد لله على كل حال مع اني ولله الحمد متزوجه الحين وزوجي ملاحظ الحزن والهم اللي فيني والحين الحمد لله خفيت عن قبل بس مازلت افكر بهالشي بين فتره وفتره الله يخليكم ريحوني وخففوا عني لأن انا ماشكيت لكم بعد الله الا لأني ارتحت لكم ووثقت فيكم وجزاكم الله خير وآسفه ع الاطاله |
وسعي صدرك ياحرمه السالفه صار عليها سنه وشهور ونتي تزوجتي والرقم وغيرتيه
من ايش خايفه؟؟؟انتبهي لنفسك ترى مع الهم تلاقين وجهك يتغير ويذبل وشعرك يبداه الشيب وكله على شي مو مستاهل |
اقتباس:
وربي بردك هذا رفعتي معنوياتي بس حبيبتي اللي انا خايفه منه ان الذاكره تطيح بيد احد يعرفنا او احد يسوي فيها شي لأن معلوماتي كلها فيها اسمي واسماء اهلي كلهم ومشكوره قلبي على مرورك |
ياأختي
إنتِ خايفة من إيش هل أنتِ إرتكبتي أي خطأ أو فيه كلام سئ بالحافظة يدل على أنك سيئة السلوك طبعاً لا مجرد معلومات عادية عن أسماء أهلك وأرقامهم أو حتى عناوينهم ولستِ أنتِ المخطئه بالضياع فكل الناس ضاعت لهم معلومات خاصة وما حصل شئ وخلينا نفترض على أسوء إحتمال أن أحد من معارفك أو أهلك علم بالأمر وش فيه يعني ..!! قولي لهم صديقتي وتعرف عني كل شئ وضيعت ذاكرتها وأنا وش دخلي ..؟؟ عموماً الموضوع بسيط جداً ولاتضربين له أي حساب وأدعي الله أن يسترك في الدنيا والآخره ولامانع أن تغيري رقمك مرة أخرى لزيادة الإطمئنان أعانك الله |
ليش اسماءكم عيب ولاحرام؟؟؟
عادي كلنا تضيع جوالتنا وفيها اسماءنا وارقامنا ولاصار شي |
صار على الموضوع اكثر من سنه !
يعني منطقياً تعدت السالفه نطاق الخطر .. وبعدين انا اشك ان اسماء عائلتك مكتوبه بالكامل ؟! |
مشكورين ع المرور ربي يجزاكم خير
بس انا اللي خايفه منه الكلام المكتوب بالحافظه من حب وعتاب وغيره وانا ليش قلت اسمي واسماء اهلي لأن خايفه تطيح بيد احد يعرفنا وياخذ عني فكرة مو زينه ويفهمني غلط هذا اللي اقصده يمكن في البداية ماوضحت لكم بس هذا اللي اقصده .. |
مثل هذه المعلومات تعتبر صيد ثمين لمن يريد أن يسيء استخدامها
ومن يبحث عن سوء الاستخدام لن ينتظر كل هذه الفتره وعادة يبدأ بأفعاله السيئه بعد فترة قصيره من حصوله على هذه المعلومات وبما أنه مضت أكثر من سنه فلا أظن - بإذن الله - سيطالك أي سوء . |
ربي يجزاك الف خير اخوي ابو حكيم
ماقصرت وان شاءالله مو صاير شي بس انا اخاف ان الذاكرة تتنقل من مكان لمكان وتطيح بيد احد يعرفنا بما ان فيها اسماء اهلي وياخذ عني فكرة مو زينه اقصد من ناحية اشعار الحب والسوالف وفيه كلام كثييييير بس مو فاكره |
الله يخليكم جاوبوني وريحوني الله يريحكم لاتخلوني
الله يخليك ياأخ رجل الرجال جاوبني ولايهون الباقين ريحوا لي بالي الله يريح بالكم .. |
| الساعة الآن 03:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©