|
محتارة هل اوافق على المتقدم لخطبتي أم لا ؟
السلام عليكم ورحمه الله وبركاته اخواتي بجد ماادري ان كان القسم هو المناسب لموضوعي وإلا لا لكن اتاسف ان كان بغير مكانه ادخل بموضوعي وشايله هم كبير اتمنى انكم تفيدوني لاني لقيت ماشاء الله ردود بمواضيع الاخوه اللي سبقوني : انا عمري بدايه العشرين تقدم لي شخص لكني رفضته ماادري ليه لكن كان الخوف كله من امر الزواج كان حمل ثقيل كابس على قلبي يعني كل مايفتحو سيره عني وانه جاء فلان لي لخطبتي والله ابكي ياجماعه ابكي بكاء مرير بيني وبين نفسي وماابين لاحد من افراد اسرتي وان خفيت من البكاء اغسل وجهي واحاول اهدأ وفقط اجيبهم بالرفض بدون نقاش جاني اكثر من شخص ورفضته وجاء شخص قبل اسبوع لخطبتي ونفس الشي جلست أبكي وماادري ايش اسوي ... وبعد ماهديت اعطيهم جواب الرفض ومرت الايام والحين جاي لي خطيب وهو ولد عمي ومتوظف في المباحث ويحاول اخوي وزوجته اللي هي اخت الولد يكلموني عنه ويبغون راي موافقه ولا لا وامي تغصبني وتقول ماافي احسن منه وتحاول بشتى الطرق الا ان اتزوجه لا تقولون اكيد امك ابخص ماعرضت لكن قصه بـ امي تبغى تزوج اللي عندها كلهم ولا تبقي احد وابوي مايقول رايه الا اذا وافقت صراحه ياجماعه كل ماتمر الايام اقول خلاص مثلي مثل البنات اتزوج لكن لما يجي الحقيقه ويحين الوقت وتجي سالفتها تضيق نفسي علي والله العالم واكره سيرتها ومااحب احد يفتحها واجلس ابكي واخاف ان يتم الموافقه عليه بدون اخذ بـ رائي وانا ماادري بسالفه ... الا بيوم الملكه , وصراحه كل اللي رفضتهم كان السبب الخوف الكبير من سيرة الزواج واحسني بالمره مااقدر اخوض فيه بحياتي واتخذ اخر قرار لي وهو موافقه واتحمل هذه المسؤوليه الكبير علي مثل مااشوفه بنظري ** ومثل ماتدرون بكره ان ماارتحت له راح يقولون انتي اللي اخترتيه ولازم تتحملين قراركي ** والحين والله لا اعلم سر ضيقتي من سيرة الزواج و ماادري هل اوافق على الخطيب المتقدم لي والا لا ...؟ اخاف اقول لا واتحمل خطاي بالمستقبل واخاف اقول ايه ومااتحمل الزواج ومشاقه وافشل به ؟ ارجوكم ان تفيدوني فـ انا باأمس الحاجه الان الى ارائكم فلا تبخلو علي وماخاب من استشار الفقيره الى الله المتوكله بالله |
القسم المناسب ..
الاشراف ؛ |
بسم الله عليك انتي صلي صلاة استخاره وشوفي
|
أظنك بحاجة إلى رقية شرعيه
ربما تكوني محسوده أو شيء من هذا القبيل فحالتك ليست أول حالة من نوعها . |
اقتباس:
اشكرك اختي على النقل لا هنتي |
اقتباس:
هلا اختي خواطر والله ماادري لكن استخرت مثل ماقلتي ومازلت اشعر بذاك الخوف |
لا بد من مواجهة النفس في معرفة سبب الخوف من الزواج وعلاجه فقد تكون ذكرى مؤلمة مختزلة في العقل الباطن.
أسأل الله العلي القدير لك ولبنات المسلمين أن ييسر أمركم ويحفظكم من شياطين الجن والإنس. فإن لم تجدى سبب فأرقي نفسك كما قالت الأخوات وستجدين المخرج بإذن الله. |
اقتباس:
اما الحين لا اعلم بحق بهذا الضيق والبكاء اللي يراودني في حين فتح سيرته "؟؟ وان فُتحت الامور بجديه وتكلمو فيه يصيبني بكاء مرير وأختناق عجيب واختفي عن الكل واحب اجلس بيني وبين نفسي والدموع تغمرني لا علم لمااااا ؟ |
اقتباس:
لكن لما ياتي الحقيقه وياتي الكلام بجديه اكره الحديث واقابل الجميع بالرفض |
هل سبق أن تعرضتي في الصغر إلى ما نفرك من الرجال؟
أو لعل الخوف طبيعي يعني من مفارقة الأهل والخوف من مواجهة غريب وسيفعل ويفعل ومن زيادة الحنان زاد التعلق بالأهل وكره مفارقتهم؟ فالخوف الطبيعي يزول بإذن الله بالتدريج؟ |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©